SUKKUN-SUKKUN NI AKKA NA POSO

Songon dia do Molo Malas Au Sikkola?

Adong do na malas sikkola alani guru na kejam, dongan sikkola na jahat, ujian na mambahen stres, manang torus sai adong PR. Songon i do pakkilalaanmu? Molo songon i, wajar do i.a Sahalak na poso na margoar si Rahelb mandok:

“Olo do au lao manang tu dia pe, asal ma dang tu sikkola. Unlomo do rohakku tu pantai manang marmeam dohot akka dongan. Bahkan unlomo do rohakku mangurupi omakku mangaloppa manang paiasson jabu sian apala tu sikkola!”

Songon si Rahel, boi do ra dihilala ho saleleng sikkola i songon sasahalak na mandalani hukuman di penjara, jala sahat tu na lulus ma ho ikkon mandalani i. Alani i songon dia ma asa unang songon i pakkilalaanmu?

Na porlu botoonmu. Molo sai marpikkiran positif ho taringot sikkola, gabe lomo ma roham lao tu sikkola, dang ala na terpaksa. Gariada boi do dihilala ho sikkola i gabe inganan lao mangalatik sifat dohot keterampilanmu na boi dipakke ho dung dewasa annon.

Asa boi marpikkir positif taringot sikkola, pikkirhon ma akka na mangihut on:

Ilmu. Lam godang na diparsiajari ho, gabe lam malo ma ho pasaehon akka masalah di ngolum, termasuk ma i masalah na adong di parkarejoanmu haduan. Gabe dang porlu be ho sai manukkun tu na asing. Rimangi ma: ‘Nang pe godang na so huhalomohon di sikkola, akka aha do manfaat na boi hudapot sian parsiajaran di sikkola?’

Bibel mandok, “Toktong ma ho marbisuk jala sai manat ma ho marpikkir.”—Poda 3:21.

Lao mamboto unggodang taringot on, ida ma artikel “Bagaimana Kalau Nilaiku Jelek Terus?”

Kebiasaan. Boi do dapotmu hasomalan na denggan molo mangihutton jadwal dohot kegiatan na adong di sikkola. Uppamana, boi ma ho gabe sasahalak na disiplin, malo mangatur tikki, jala ringgas karejo. Dihaporluhon ho do i sude dung dewasa haduan. Rimangi ma: ‘Songon dia do jadwal dohot kegiatan na di sikkola boi mangurupi au gabe halak na disiplin jala ringgas karejo? Songon dia do asa boi hupadenggan dua sifat i?’

Bibel mandok, “Adong do laba ni ganup halojaon.”—Poda 14:23.

Lao mamboto unggodang taringot on, ida ma artikel “Bagaimana Caranya Mengatur Waktu?”

Malo mardongan. Tikki mardongan ho tu dongan sasikkolam, boi do i mangurupi ho lao marsiajar mangattusi pakkilalaan ni halak na asing jala mangargai nasida. Si Josua sahalak bawa na poso mandok, “Marsiajar carana makkatai dohot na asing sarupa do songon marsiajar sejarah dohot sains. Marlaba do i saleleng ngolum.” Rimangi ma: ‘Songon dia do sikkola boi mangurupi au malo mardongan, nang pe dang sarupa latar belakang manang haporseaonku dohot donganku?’

Bibel mandok, “Bahen hamu ma sian nasa tolapmuna lao mardame tu sude halak.”—Heber 12:14.

Lao mamboto unggodang taringot on, ida ma artikel “Gimana Supaya Aku Berani Ngobrol sama Orang Lain?”

Gambar ni halak na mardalan di sada dalan.

Masa depan. Di sikkola gabe boi ma diboto ho bakatmu, jala boi ma dibahen ho cita-citam. Si Brooke sahalak borua na poso mandok, “Di sikkola, boi do ho marlatik sada keterampilan. Najolo au pe songon i do. Jadi dung lulus, pittor boi ma au dapot karejo.” Rimangi ma: ‘Dung lulus au annon, aha ma karejokku? Aha do na porlu huparsiajari asa boi dapottu karejo i?’

Bibel mandok, “Bolokkon ma akka na mangabbati dalanmu.”—Poda 4:26.

a Godang do muse saran di artikel on na marlaba tu akka halak na homeschooling.

b Piga-piga goar nungnga digatti.

Na didok akka donganmu

“Najolo ala adong kerja kelompok di sikkola, gabe boi ma au marsiajar songon dia carana mambege pandapot ni halak na latar belakang dohot budaya na berbeda sian au. Asing ni i, gabe godang do dongan sakalashu na burju jala mangargai au, alana diida nasida au pe burju tu nasida jala dang lomo rohakku mangkritik nasida.”—Si Madison.
“Tikki sikkola dope au, berupaya do au asa marpikkiran positif taringot akka dongan sakalashu. Sasittongna godang do sian nasida na burju. Jadi, sai hulului do kesempatan lao manceritahon hal-hal na positif sian Bibel tu nasida.”—Si Ryan.
“Di sikkola, boi do ho marsiajar asa malo mardongan. Ala rap dohot donganmu ho sadari manipat, gabe boi ma ho marsiajar lao mamboto aha na boi dohot na so boi dokkononmu tu na asing. Asing ni i boi do muse ho marsiajar asa sabar jala manarihon na asing. Di pelajaran olahraga, boi ma ho dohot olahraga secara berkelompok. Alani i, gabe boi ma ho marsiajar songon dia carana kerja sama di bagasan sada tim. Dang boi dapotmu akka i molo marsiajar sandiri ho.”—Si Brooke.