SUKKUN-SUKKUN NI AKKA NA POSO

Aha do Pengaruh ni Media Sosial tu Ngolukku?

Dipaloas natua-tuamuna do hamu mamakke media sosial? Molo dipaloas, adong tolu na ikkon diparrohahon hamu asa boi hamu denggan mamakke media sosial.

Di artikel on lao dibahas ma

Aha do pengaruh ni media sosial tu waktumuna?

Mamakke media sosial i sarupa ma songon na marhoda. Molo dang boi dikendalihon, boi do i gabe mambahen bahaya.

“Rencanakku holan satokkin do naeng mambukka media sosial, hape gabe marjom-jom do i huulahon. Boi do media sosial gabe mambahen kecanduan jala pahabis-habisson tikki do i.”—Si Joanna.

Diboto hamu do? Molo adong sada aplikasi media sosial na terkenal jala jotjot dipakke akka halak, lam godang do perusahaan na olo mambahen iklan di media sosial i. Ujungna, gabe godang ma media sosial i mandapot uttung. Alani i do media sosial dirancang asa mambahen halak kecanduan.

Pikkirhon ma: ‘Gabe suda do tikkikku dibahen media sosial? Boi do tikki na hupakke mangida media sosial hupakke tu akka ulaon na bermanfaat?’

Na boi diulahon hamu. Tottuhon ma piga leleng do tikki na lao dipakke hamu lao mangida media sosial. Jala unang sappe lewat tikki naung ditottuhonmuna i.

Adegan na berbeda taringot na diulahon sahalak bawa remaja di tikki arian. 1. Modom-modom ibana di podomanna huhut mamakke headphone, jala diida tu HP-na. 2. Rap marbola ibana dohot akka donganna. — Tottuhon ma sadia leleng hamu lao mangida media sosial

“Hupakke do fitur di HP-ku na boi paingotton sadia leleng au mamakke media sosial. Lam leleng, gabe boi ma huatur asa unang habis tikkikku mangida media sosial.”—Si Tina.

Didok di Bibel: “Denggan ma pakke tikkimuna.”—Epesus 5:16.

Aha do pengaruh ni media sosial tu jam tidurmuna?

Menurut godang ahli, paling otik ikkon ualu jam do modom sahalak remaja. Alai godang do sian nasida na so sappe ualu jam modom. Alana godangan sian nasida jolo mangida media sosial do sebelum modom.

“Sai hucek do HP-ku sebelum modom, atik boha adong na penting. Alai, olo do sappe leleng gabe mangida media sosial au. Kebiasaan buruk do on. Jala saonari, berupaya do au lao manguba i.”—Si Maria.

Diboto hamu do? Molo hurang modom hita, gabe mura do hita khawatir jala depresi. Menurut sahalak profesor psikologi na margoar si Jean Twenge, godang do alasan na mambahen halak dang marlas ni roha. Alai sada alasanna i ma, ala hurang modom. Didok profesor i do muse, molo “jotjot” sasahalak hurang modom, boi do ibana gabe mengalami “masalah kesehatan mental na serius”.a

Pikkirhon ma: ‘Piga jam do au modom ganup borngin?’ ‘Sai mangida media sosial dope au, hape nga tikkina ikkon modom?’

Na boi diulahon hamu. Unang ma peakkon HP-muna di jonok ni podoman. Molo boi, dua jam sebelum modom unang be mar-HP hamu. Jala molo porlu alarm lao mandungoi hamu manogotna i, unang ma pakke hamu alarm ni HP.

Adegan na berbeda taringot na diulahon sahalak borua remaja di tikki manogot. 1. Hundul ibana di podomanna jala malas naeng dungo. 2. Dungo ibana huhut diangkat tanganna tu ginjang jala semangat lao dungo. — Unang be mangida media sosial hamu sebelum modom

“Sipata olo do dang modom au ala mar-HP. Saonari hucoba do lao manguba kebiasaan on. Lomo rohakku asa gabe halak na dewasa jala bertanggung jawab. Jadi ikkon hatop do au modom asa denggan huulahon ulaonku marsogotna i.”—Si Jeremy.

Didok di Bibel: ‘Ikkon diboto hamu do dia na urrikkot.’—Pilippi 1:10.

Aha do pengaruh ni media sosial tu perasaanmuna?

Sada penelitian mandok, dung dibahen survei, hampir satonga sian akka remaja borua mandok “jotjot do nasida marlungun ni roha jala putus asa”. Sada na mambahen nasida songon i, alani media sosial. Sahalak dokter psikolog na margoar Dr. Leonard Sax mandok, “Molo lam jotjot tabandingkon diritta tu halak na asing na adong di media sosial, gabe lam mura do hita depresi.”b

“Jotjot do akka na poso mambandingkon dirina tu halak na asing. Jala lam jotjot do i diulahon alani media sosial. Boi do gabe habis tikkitta holan mangida postingan ni akka halak di media sosial. Akibatna, gabe tabandingkon ma parngoluotta tu parngoluon ni halak na asing. Gabe didok rohatta ma dang tabo ngolutta.”—Si Phoebe.

Diboto hamu do? Memang boi do hita berkomunikasi dohot donganta marhite media sosial. Alai undenggan do molo berkomunikasi langsung hita dohot nasida. Sahalak ahli na margoar Dr. Nicholas Kardaras mandok, “Hira na so puas do tahilala molo berkomunikasi melalui alat elektronik.” Didok ibana muse, “Dang boi i memenuhi kebutuhan dasar ni jolma asa boi benar-benar akrab dohot na asing.”c

Pikkirhon ma: ‘Tikki huida akka postingan ni donganku na patuduhon akka kegiatan ni nasida, gabe lungun do rohakku ala dang dohot au diajak?’ ‘Gabe didok rohakku do dang tabo ngolukku molo dibandingkon tu akka donganku?’ ‘Gabe lungun do rohakku molo holan saotik na mambahen “like” tu postinganku?’

Na boi diulahon hamu. Coba ma unang bukka hamu media sosial saleleng piga-piga ari, saminggu, manang sabulan. Tumagon ma pajuppang langsung hamu dohot akka donganmu manang manelepon nasida. Ra, gabe ullas do rohamuna jala dang gabe stres.

Adegan na berbeda taringot na diulahon sahalak borua remaja. 1. Lungun rohana tikki mangida akka poto ni halak na asing di HP-na. 2. Marlas ni roha ibana tikki makkata-hatai rap dohot akka donganna huhut mangallang es krim. — Unggodang ma pakke hamu tikkimuna pajuppang langsung dohot akka donganmuna.

“Tikki adong media sosialhu, sai penasaran do au tu aha na diulahon akka halak. Alai dung huhapus media sosialhu, gabe lubbang do pakkilalaakku. Gabe unggodang ma tikkikku lao mangulahon akka na bermanfaat.”—Si Briana.

Didok di Bibel: “Ganup ma halak mamparrohahon ulaonna be. Dung i boi ma ibana marlas ni roha alani ulaonna i, dang ala paimbar-imbarhon tu ulaon ni halak.”—Galatia 6:4.

a Sian bukku iGen.

b Sian bukku Why Gender Matters.

c Sian bukku Glow Kids.

Na didok akka donganmu

“Sebelumna, habis do tikkikku holan mangida media sosial, jala dang gabe las rohakku dibahen i. Alani i, gabe dang olo be au mamakke media sosial. Jala dang gabe susa au molo dang marmedia sosial. Gariada, gabe tamba do las ni rohakku, gabe fokus, jala gabe kreatif.”—Si Phoebe.

“Sipata huhapus do media sosial sian HP-ku. Alani i, gabe adong ma tikkikku mangulahon akka na uppetting di ngolukku. Sian apala mar-HP, godang do kegiatan na asing na bermanfaaat.”—Si Jacob.

“Ra di sada tikki, olo dope au mamakke media sosial. Alai saonari, dang hupakke i. Naeng huulahon do akka na rikkot di ngolukku jala dang olo mambanding-bandingkon tu halak na asing. Molo terlalu sibuk hita mamakke media sosial, olo do gabe lupa hita tu tujuan ni ngolutta. Jala olo do hita gabe lupa tu akka donganta.”—Si Senna.