Bahen ma Keputusan na Denggan Taringot Pendidikan Tambahan

1-2. (a) Keputusan aha do na ikkon dibahen akka na poso? (b) Aha do lapatan ni “pendidikan tambahan”? (Ida “Hata na Dipatorang”.)

TIKKI gelleng dope ho, jotjot do ra disukkun halak songon on, “Aha do cita-citam?” Cita-cita na terbaik, i ma melayani Jahowa sepenuh waktu. Alai memang, porlu do ho karejo asa boi dibiayai ho kebutuhanmu. (2 Tes. 3:10) Jadi saonari, olo do ra nungnga dipikkiri ho aha karejom annon.

² Adong do piga-piga na poso na mamillit lao mambuat pendidikan tambahan dung tamat sikkola.a Biasana, nungnga dibahas nasida i dohot natua-tuana. Tujuan ni nasida mambuat pendidikan tambahan i, i ma asa boi mandapot karejo. Songon i do ra rencanam. Alai molo naeng dibuat ho pendidikan tambahan, pikkirhon ma pendidikan na songon dia naeng buatonmu. Di artikel on, lao tabahas ma akka prinsip ni Bibel na boi mangurupi ho mambahen keputusan na denggan. Memang, artikel on dibahen tu akka na poso. Alai akka prinsipna bermanfaat do tu sude halak Kristen, tarlumobi tu na lao mambuat pendidikan tambahan. Jala bermanfaat do tong on tu akka natua-tua asa boi mangurupi gellengna mambahen keputusan na denggan taringot i.

IKKON DIBUAT HO DO PENDIDIKAN TAMBAHAN?

3. Boasa adong piga-piga donganta na naeng mambuat pendidikan tambahan?

³ Di piga-piga inganan, dang ikkon mambuat pendidikan tambahan sasahalak asa boi mambiayai kebutuhanna. Alai di inganan na asing, porlu do ra dibuat sasahalak pendidikan tambahan. Boi ma dapotna karejo na unggodang gajina jala jadwal karejona dang terikat. Molo songon i karejo ni sasahalak, gabe boi ma ra godang tikkina marbarita dohot mangulahon tugas na asing di organisasi. Alai ingot ma, molo naeng mambuat pendidikan tambahan, godang do na ikkon dipikkirhon jala adong do pengorbanan na ikkon dibahen.

4. Ise do na ikkon mambahen keputusan taringot pendidikan tambahan? (Ida surat na di toru.)

⁴ Didok di Bibel, “Ganup do halak martanggung jawab tu na diulahon ibana.” (Gal. 6:5) Jadi, ganup halak Kristen naung dewasa ikkon mambahen keputusan sandiri taringot pendidikan tambahan.b Alai molo dakdanak na di bawah umur, natua-tuana do na ikkon martanggung jawab mambahen keputusan taringot i. (Eps. 6:1) Jala ikkon diajari nasida do gellengna asa denggan annon keputusan ni gellengna i taringot pendidikan tambahan.—Poda 22:6.

5. Andigan do tikki na pas mambahen keputusan taringot pendidikan tambahan, jala boasa? (Ida sampul.)

⁵ Biasana molo adong na poso na lao mambuat pendidikan tambahan, denggan do molo jolo dihatai nasida taringot i tu natua-tuana andorang so tamat nasida sikkola. Boi ma dilului nasida godang informasi jala dipikkirhon akka pilihan na boi buatonna. Dipillit nasida do ra keterampilan na mangurupi gellengna i asa mandapot karejo. Manang, lao mempersiappon gellengna i mambuat pendidikan tambahan. Alai, ikkon dibahen nasida do keputusan taringot i andorang so tamat gellengna? Dang ikkon songon i. (Poda 21:5) Adong do akka na poso na mamikkirhon taringot i dung tamat nasida sikkola. Nga jolo karejo nasida jala merintis. Bahkan adong do na mamikkirhon i martaon-taon dung tamat sikkola.

6. Aha do na porlu dipikkirhon ho asa denggan keputusanmu taringot pendidikan tambahan?

⁶ Hamu akka na poso, aha do na porlu diulahon ho asa denggan keputusanmu taringot pendidikan tambahan? Tangiakkon ma i tu Jahowa. (Jak. 1:5) Dung i, pikkirhon ma on: Na parjolo, aha do tujuanmu mambuat pendidikan tambahan i. (Ps. 26:2) Na paduahon, aha manfaat ni pendidikan i jala aha do bahayana molo dibuat ho i. (Poda 14:15) Saonari, tabahas ma taringot i.

AHA DO TUJUANMU?

7. Aha do na porlu tapikkirhon molo naeng mambuat pendidikan tambahan?

⁷ Molo naeng mambuat pendidikan tambahan ho, pikkirhon ma on: ‘Aha do tujuanku?’ Godang do halak mambuat pendidikan tambahan asa boi mandapot karejo na dihalomohon rohana manang asa untimbo gajina. Sala do molo i tujuanmu? Daong nian. (1 Tim. 5:8) Alai didok di Bibel, bahaya do molo marsakkap hita naeng mamora. Manang molo didok rohatta, boi hepeng i mambahen aman ngolutta. (Poda 23:​4, 5; 1 Tim. 6:​8-10; 1 Joh. 2:17) Molo naeng mamora do tujuanmu jala asa sangap diida halak, dang na lao marlas ni roha ho. Gariada boi do gabe sega hubunganmu tu Jahowa.

8-9. (a) Songon dia do seharusna pandanganta taringot pendidikan? (Mateus 6:33) (b) Aha do na diparsiajari ho sian si Josefina, si Morine, dohot si Iris?

⁸ Songon dia do seharusna pandanganta taringot pendidikan? Memang molo adong pendidikanta, boi do i mangurupi hita mandapot karejo na mendukung hita melayani Jahowa sian nasa rohatta. (Jaha Mateus 6:33.) Alai taingot ma, melayani Jahowa do na uppetting di ngolutta.—Mat. 22:​37, 38; Plp. 3:8.

⁹ Parrohahon ma piga-piga na poso na maniru cara pandang ni Jahowa taringot pendidikan tambahan. Si Josefina na sian Chile mandok, “Hubuat pe pendidikan tambahan asa boi do dapottu karejo na mendukung au melayani Jahowa. Alai, hupastihon do cita-cita rohanikku do na uppetting di au, dang pendidikan i.” Donganta si Morine mamillit kursus gabe penata rambut saleleng sataon. Didok ibana, “Adong do cita-citakku naeng pinda tu inganan na makkaporluhon godang parbarita. Jadi, hulului ma kursus na mangurupi au mangulahon cita-citakki. Dung sae kursus, karejo ma au gabe penata rambut. Hutabung ma hepengna asa boi annon hupakke lao pinda. Jala dung pinda, adong do karejokku disi ala adong keterampilanku.” Asing ni i, donganta si Iris. Dibuat ibana do pendidikan tambahan lao gabe dokter gigi. Didok ibana, “Memang, adong do manfaat ni pendidikan i. Alai, dang i na mambahen hita benar-benar marlas ni roha jala puas. On do kuncina: Molo tabahen Jahowa na uppetting di ngolutta, boi ma hita benar-benar marlas ni roha jala puas.” Jadi molo hubungatta tu Jahowa do na uppetting di ngolutta, pasti tabahen do keputusan na denggan jala marlas ni roha ma hita salelengna.

AHA DO UNTUNG RUGINA?

10. Tikki naeng mambahen keputusan taringot pendidikan tambahan, aha do na porlu tapikkirhon? (5 Musa 32:29)

¹⁰ Ra, nungnga tarpikkir ho naeng mambuat pendidikan tambahan manang sada keterampilan. Alai, denggan do muse molo dipikkirhon ho akka pilihan na asing. (Bandingkon tu Poda 18:17.) Saonari, godang do pilihan program pendidikan tambahan na so adong dope najolo. Misalna, program pendidikan online. Alai molo boi do dibiayai ho kebutuhanmu, ra dang porlu dibuat ho pendidikan tambahan. Parrohahon ma pengalaman ni si Johanna na sian Finlandia. Didok ibana, “Dung tamat au sikkola, karejo paruh waktu do au huhut merintis. Nungnga godang na hukarejohon. Jala ditepati Jahowa do janjina na lao paradeonna na dihaporluhon akka naposona.” Jadi ingot ma, dang soal keputusan aha na dibahen ho, sai adong do untung rugina. Alani i, molo nungnga diboto ho untung rugina, bahen ma keputusan na terbaik di ho. (Jaha 5 Musa 32:29; 1 Kor. 10:23) Saonari, tabahas ma akka na rikkot na ikkon dipikkirhon ho.

11. Boasa penting mamikkirhon taringot jadwal ni pendidikan tambahan i? (Ida gambar.)

¹¹ Songon dia do jadwalna? Pikkirhon ma sadia godang habis tikkim setiap minggu lao marsiajar jala mangulahon akka tugas. Adong dope tikkim lao mangulahon ulaon manomba Jahowa jala mangulahon tanggung jawabmu di jabu? (Plp. 1:10) Tolap dope ho mambahen persiapan tu parpunguan dohot belajar pribadi? Taida ma pengalaman ni si Jeroz na sian India. Didok ibana, “Gabe dang taratur be au marbarita, bahkan sipata dang marpungu au. Molo hurimang-rimangi, godang hian do habis tikki dohot gogokku alani pendidikan on.” Alai, adong do tong program pendidikan na so pola godang pahabisson tikki, jala tugasna pe dang pola godang hian. Pendidikan tambahan sisongon i ma na dipillit si Rabeca na sian Mozambik. Didok ibana, “Holan dua jom do au marsiajar di bagasan sadari. Alani i, boi ma au torus merintis biasa.”

12. Aha do na porlu dipikkirhon ho asa denggan dipakke ho tikkim? (Parjamita 12:1)

¹² Sadia leleng do program pendidikan i? Pikkirhon ma sadia leleng asa sae program pendidikan i. Molo dipillit ho i, boi do annon denggan ho mamakke tikkim? (Eps. 5:​15-17) Bissan poso dope ho, boi do dilehon ho tikkim dohot gogom tu Jahowa, misalna dohot tu dinas sepenuh waktu? (Jaha Parjamita 12:1.) Adong do program na asing na ukkatop sae? Adong do piga-piga program pelatihan na ussingkat jala na ummura biayana sian apala program pendidikan di universitas. Boi do annon gabe adong keterampilanmu sian program sisongon i. Si Mario na sian Chile mandok, “Hupillit do program na dua taon lelengna, jala ummura biayana sian apala kuliah di universitas. Holan opat ari do masuk di bagasan saminggu. Alani i, boi ma au merintis.”

13. Aha do bahayana molo dang rap tinggal ho dohot keluargam?

¹³ Didia do ingananna? Jonok do i tu jabum? Boha do molo ikkon pinda ho tu kota na asing manang ikkon tinggal di asrama? Ingot ma, molo dao ho sian keluargam jala tinggal dohot na so Saksi, boi do tong gabe dao ho sian Jahowa. (Poda 22:3; 1 Kor. 15:33) Si Matias na sian Mozambik mambuat program pendidikan saleleng sataon, jala dang arga biayana. Alai, menyesal do ibana. Boasa? Didok ibana, “Saleleng na sataon i, tinggal di asrama do au. Setiap ari, sai adong do godaan lao mangulahon na sala. Jadi menuruthu, molo pe ikkon dibuat ho program pendidikan tambahan, unang ma nian gabe dao ho sian keluargam.” Sahalak donganta borua sian Rusia mandok, “Dang olo au tinggal di asrama. Tetap do au tinggal dohot natua-tuakku. Jadi, boi ma terhindar au sian godang bahaya dohot godaan.” Asing ni i, boi do dipillit ho mambuat program pendidikan online.

14. Boha do prinsip di Lukas 14:28 mangurupi ho molo naeng mambuat pendidikan tambahan?

¹⁴ Sadia do biayana? Adong do program pendidikan na so pola arga, manang adong do na dibiayai pamaretta. Molo dibuat ho program sisongon i, boi ma adong keterampilanmu lao karejo, jala dang pola godang habis hepengmu. Alai, adong do tong program pendidikan na ummarga. Jala lao mandaftar tusi, ikkon dohot do ra ho les tambahan. Hepeng do tong tusi. Bahkan adong do halak na sappe martaon-taon lao melunasi biaya pendidikanna. Parrohahon ma pengalaman ni si Adilson na sian Mozambik. Menyesal do ibana mambuat pendidikan tambahan. Didok ibana, “Saleleng opat taon ma au mambuat pendidikan tambahan. Lao paradehon biaya tusi, sappe mangan so mangan do keluargakku.” Jadi molo naeng dibuat ho pendidikan tambahan, jolo pikkirhon ma on: ‘Sadia do biayana? Sanggup do au dohot keluargakku mambayar i? Manang, adong do pilihan na asing na ummura? (Jaha Lukas 14:28.) Molo ikkon marutang do au, sadia leleng ma annon baru lunas i? Cukkup do annon gajikku tu kebutuhanku jala mambayar utangki?’—Poda 22:7.

15. Andorang so dipillit ho pendidikan tambahan, boasa ikkon jolo dipikkirhon ho aha karejom annon?

¹⁵ Aha do annon karejom? Boi do pendidikan tambahan na dipillitmi mangurupi ho mandapot karejo? Piga-piga program pendidikan holan mangajarhon teori manang parbinotoan, dang diajarhon keterampilan lao karejo. (Kol. 2:8) Sahalak donganta borua na sian India mandok, “Di program pendidikan na hupillit, dang diajarhon tu hami keterampilan lao karejo. Alani i, gabe maol ma au mandapot karejo di jurusan na huparsiajari.” Jadi, pikkirhon ma karejo aha na cocok di daerahmu. Molo adong rencanam pinda tu inganan na asing, pikkirhon ma aha annon karejom disi. Alana, dang sai cocok sada karejo di sada daerah. I ma na dihilala si Sublime na sian Republik Afrika Tengah. Dibuat ibana do keterampilan lao padenggatton AC. Alai didok ibana, “Di daerahnami, biasana boi do akka halak padenggatton akka barang ni nasida na sega. Jadi, maol do au mandapot karejo dison.”

16. Dung dibuat ho pendidikan tambahan, boasa porlu dipikkirhon ho karejo na lao ulahononmu?

¹⁶ Dung sae dibuat ho pendidikan tambahan, pikkirhon ma aha karejom annon. Lomo do roham tu karejo i? (Pjm. 3:​12, 13) Songon dia do situasi di parkarejoanmi? Adong do annon bahayana? Bersaing do akka halak na karejo disi? Manang, borat hian do annon dihilala ho karejo disi? Sadia do gajina? Cukkup do i lao mambiayai kebutuhanmu? Dung karejo ho disi, ikkon dibuat ho do muse program pendidikan tambahan asa boi torus karejo disi? Na uppetting, molo karejo ho disi, boi do toktong diutamahon ho Jahowa? (Pjm. 12:13) Memang, olo do ra dang godang pilihan parkarejoan di daerahmu. Alani i, olo do ra dang boi dapotmu karejo na dihalomohon roham. Alai molo manat dipikkirhon ho taringot pendidikan na naeng buatonmu, boi ma annon dapotmu karejo na cocok. Taparrohahon ma pengalaman ni si Tabitha na sian India. Kursus manjait do ibana saleleng onom bulan. Didok ibana, “Hupillit pe kursus i ala boi do i mendukung au merintis. Alana, sai adong do halak na manjait, jadwal karejona boi huatur sandiri, jala modalna dang balga.” Ala adong keterampilan ni si Tabitha, boi ma adong karejona jala boi torus merintis.

17. (a) Aha do na porlu diulahon ho asa dapotmu informasi na boi mangurupi ho mambahen keputusan na denggan? (b) Akka prinsip ni Bibel na dia do na boi mangurupi ho? (Ida kotak “Akka Prinsip ni Bibel na Porlu Dipikkirhon”.)

¹⁷ Nungnga tabahas be akka na rikkot na porlu dipikkirhon ho. Aha do na porlu diulahon ho asa dapotmu informasi na boi mangurupi ho? Boi do langsung lao ho tu tempat kursus manang program pendidikan na dihalomohon roham. Manang boi do dibukka ho situs web ni nasida. Lului ma informasi sadia godang do parkarejoan na tersedia di jurusanmi. Misalna, pareso ma daftar lowongan pekerjaan. Hatai ma tong taringot i tu akka halak na hea dohot tu program pendidikan na sarupa manang na karejo di bagian i. (Poda 13:10) Sukkun ma tu nasida, “Aha do untung rugina?” Hatai ma tong taringot i tu donganta na togu haporseaonna. (Poda 15:22) Boi do ra dilehon nasida saran taringot program pendidikan manang parkarejoan na so hea dipikkirhon ho sebelumna.

18. Aha do na porlu taingot?

¹⁸ Songon naung tabahas, adong do manfaat ni pendidikan tambahan. Alai, adong do tong bahayana. Jadi, manat ma pikkirhon taringot i jala tangiakkon tu Jahowa. Memang molo dibuat ho pendidikan tambahan, boi do ra gabe dapotmu karejo na denggan. (Ps. 16:​9, 11) Alai ingot ma, asa boi benar-benar marlas ni roha ho, ikkon Jahowa do na uppetting di ngolum. Sai dilehon Jahowa do kebutuhan ni akka naposona, dang soal dibuat nasida pendidikan tambahan manang na daong. (Heb. 13:5) Alai, boha do molo naeng dibuat ho pendidikan tambahan? Aha do na porlu diulahon ho asa toktong jonok tu Jahowa? Tabahas ma i di minggu na ro.