Gabe Halak na Barani do Ibana

TIKKI mangida si Simon, didok Jesus ma tu ibana, “Si Simon do ho anak ni si Johannes, alai na lao digoari ma ho si Kepas.” Sarupa do lapatan ni goar “Kepas” dohot “Petrus”, i ma “Batu”. Biasana, benda na kuat jala na kokoh do batu, jala boi do i dipakke gabe bahan bangunan. Jadi tikki dilehon Jesus goar i tu si Petrus, lao gabe halak na barani do si Petrus, jala boi patoguhon akka dongan sahaporseaonna.

Tutu do si Petrus gabe halak na barani songon na dipaboa Jesus i? Songon naung taparsiajari di Pasal 45, hea do mabiar si Petrus jala hurang haporseaonna. Akibatna, dibahen ibana do keputusan na so denggan. Nang pe songon i, toktong do porsea Jesus tu donganna i. Pos do rohana, pasti berupaya do si Petrus asa lam barani. Taida ma aha na masa tu si Petrus dukkon i.

Dung dipahehe Jesus, dilehon ibana do tugas na massai penting tu sude apostelna, i ma marbarita na uli. Semangat do si Petrus mangulahon i. Jala nungnga lam barani be ibana. Buktina, di sada perayaan na balga di Jerusalem, makkatai do si Petrus di jolo ni godang halak Jahudi na adong disi. Barani do ibana mandok tu halak Jahudi i, nasida do na martanggung jawab tu parmate ni Messias. Dung dibege nasida hata ni si Petrus i, gabe manolsoli ma nasida jala gabe taronjar ma roha ni nasida lao bertobat. Hasilna, adong ma hira-hira 3.000 halak na tardidi jala gabe sisean ni Jesus.

Dibahen si Petrus do ulaon marbarita gabe na uppetting di ngoluna. Dilehon Jesus do tu ibana “kucci ni Harajaon”. Maksudna, si Petrus ma na mamukka dalan tu akka jolma, asa boi nasida mambege barita na uli jala mandapot kesempatan lao mamaretta rap dohot Jesus di surgo. Parjolo, marbarita do si Petrus tu halak Jahudi. Paduahon, tu halak Samaria. Patoluhon, tu akka halak na sian bangso na asing. Barani do si Petrus marbarita, jala dipatudu ibana do holong tu sude halak. Sipata, dohot do istrina mandongani ibana. Lao do si Petrus tu godang inganan lao marbarita jala patoguhon akka dongan sahaporseaonna. Bahkan, lao do si Petrus tu luat na massai dao, songon Babel, jala tinggal disi saleleng piga-piga tikki lao marbarita na uli.

Saleleng martaon-taon, godang do tantangan dohot penganiayaan na dihadapi si Petrus ala marbarita na uli. Misalna, piga-piga hali do si Petrus dohot akka apostel na asing dipenjarahon. Diparettahon akka pamimpin ni agama Jahudi do nasida asa unang be marbarita. Alai dialusi si Petrus do, “Debata do parhuasonami. Urrikkot do di hami mangoloi Ibana sian jolma.” Tikki dibege akka pamimpin ni agama Jahudi i alus ni si Petrus, muruk ma nasida jala dipukkuli ma akka apostel i. Alai nang pe songon i, torus do nasida marbarita na uli taringot Harajaon ni Debata dohot taringot Jesus Kristus, Raja na dipillit Debata.

Lam leleng, lam godang do penganiayaan na dihadapi halak Kristen. Songon naung taparsiajari di pasal sebelumna, dipamate akka pamimpin ni agama do si Stepanus. Hira-hira sappulu taon dukkon i, dipamate sahalak raja na jahat na margoar si Herodes do dongan ni si Petrus, i ma Apostel Jakobus. Tikki diboto si Herodes gabe las roha ni halak Jahudi ala dipamate si Jakobus, ditakkup ibana ma si Petrus. Diratte ma tangan ni si Petrus, dipamasuk tu penjara, jala dibahen ma akka tentara lao mengawasi ibana asa unang melarikan diri. Sebelum nakkok Jesus tu surgo, didok ibana do na lao dipenjarahon si Petrus jala dipamate. Hata ni Jesus i do ra na dipikkirhon si Petrus di tikki i.

Di tonga borngin, toppu ma ro sada suru-suruan manjuppangi si Petrus. Didungoi ma si Petrus, dipalua ma ratte na mangikkat tanganna, dung i diurupi do ibana kaluar sian sel penjara i jala mangalewati akka tentara. Dung sahat nasida di gerbang utama ni penjara i, kaluar ma nasida sian i tu dalan. Aha do na diulahon si Petrus dukkon i? Melarikan diri do ibana sian Jerusalem? Daong. Gariada, pittor lao do ibana tu inganan ni akka donganna marpungu jala martangiang. Bayakkon ma songon dia perasaan ni akka donganna i tikki mangida si Petrus! Pasti gabe dipatogu do roha ni nasida.

Torus do diingot si Petrus hata ni Jesus Tuanna i, “Patogu ma haporseaon ni akka haha anggim” jala “lehon ma mangan anak ni biru-birukki”. (Luk. 22:32; Joh. 21:17) Barani do si Petrus marbarita na uli, jala dipatogu ibana do akka donganna manang na tudia ibana lao. Dang halak na sempurna si Petrus, jala hea do diulahon ibana na sala. Di sada tikki, dang olo ibana rap mangan dohot donganna sian bangso na asing ala mabiar tu donganna na sian bangso Jahudi. Gabe dipasingot donganna apostel ma ibana. Serep do roha ni si Petrus manjalo sipasingot i, jala dang diulangi ibana be kesalahanna i. Torus do ibana patoguhon akka donganna, jala dibahen ibana do dua surat na gabe bagian sian Bibel. Dung marpulu taon si Petrus setia melayani Jahowa, ujungna ditakkup ma ibana jala dipenjarahon muse lao dihukum mate. Alai sahat tu ujung ni ngoluna, dipatudu si Petrus do habaranion dohot haporseaon. Terbukti do si Petrus gabe halak na togu songon “batu”!

Jaha ma ceritana di:

• Mateus 16:​18, 19

• Johannes 1:​40-42; 21:​14-19

• Ulaon ni Apostel 2:​14-43; 5:​17-42; 8:​14-17, 25; 10:​44-48; 12:​1-17

• Galatia 2:​11-14

• 1 Petrus 5:13

• 2 Petrus 1:​12-15

Na lao dibahas:

Sian kisah on, boha do cara ni si Petrus patuduhon habaranion?

Bagas ma Parsiajari

1. 1. Dilehon Jesus do tu si Petrus akka “kucci ni Harajaon”. Songon dia do si Petrus mamakke akka kucci i? (Mat. 16:​18, 19; ijwbq artikel 124 ¶1-5) A

   Alusmuna

   

2. 2. Aha do buktina na so dibeda-bedahon si Petrus be akka jolma, bahkan sebelum pajuppang dohot si Kornelius na so halak Jahudi i? (Ul. 10:​5-7, 23; bt 69 ¶1, surat na di toru) B

   Alusmuna

   

3. 3. Aha do buktina na dijalo si Petrus sipasingot ni si Paulus? (w17.04 25-26 ¶15-17)

   Alusmuna

4. 4. Boasa pinda si Petrus tu Babel? (it “Tawan, Penawanan” ¶24-wcgr)

   Alusmuna

Pikkirhon ma Aha Parsiajaranna

• Barani do si Petrus makkatai di jolo ni godang halak na di Jerusalem, alai manat do tong ibana tikki pasahatton hatana. Di situasi na songon dia do hita porlu barani alai tetap marbisuk?

  Alusmuna

• Nang pe sahalak apostel si Petrus, alai olo do ibana manjalo nasehat ni si Paulus. Aha do na boi tatiru sian si Petrus? C

  Alusmuna

  

• Songon dia do caramuna maniru habaranion na dipatudu si Petrus di kisah on?

  Alusmuna

Rimangi ma

• Sian kisah on, aha do na boi huparsiajari taringot Jahowa?

  Alusmuna

• Aha do hubungan ni kisah on tu janji ni Jahowa taringot Paradeiso?

  Alusmuna

• Sian kisah on, aha do na mambahen las rohamuna ala dohot si Petrus dipillit gabe dongan ni Kristus mamaretta di surgo?

  Alusmuna

Ida ma Muse on

Tikki mabiar hita, aha do na boi tatiru sian si Petrus jala boasa ikkon porsea hita tu Jahowa?

Parsiajaran na Tadapot sian Nasida—Petrus (6:48)

Pakke ma lembar kegiatan on lao mandapot godang parsiajaran sian kisah na dipaboa di Ulaon ni Apostel bindu 10.

“Allah Tidak Berat Sebelah” (“Menggali Isi Alkitab” di jw.org/id)