Dipadenggan Ibana do Tembok ni Kota

TINGGAL di Kota Susan na di Persia do si Nehemia. Alai sai tu Kota Jerusalem do rohana, ala disi do bagas joro ni Jahowa. Dung martaon-taon halak Jahudi gabe tawanan, ujungna dipaloas ma nasida mulak tu Jerusalem. Alai dang boi dope nasida denggan beribadat disi, alana dang dipadenggan dope tembok ni kota i. Najolo molo dang adong tembok ni kota, dang boi aman jolma tinggal disi. Alani i holan otik do halak na olo tinggal di Jerusalem.

Naposo ni Jahowa na setia do si Nehemia. Jala timbo do jabatanna di pamarettaon ni si Artasasta raja ni Persia. Sada tikki, ro ma anggi ni si Nehemia manjuppangi ibana. Dipaboa ma barita taringot Kota Jerusalem. Didok ibana, “susa do ngolu ni akka halak” na tinggal di kota i, jala “maila” do nasida ala maruppak dope tembok ni kota i.

Gabe marsak ma si Nehemia mambege i. Didok ibana do di suratna, “Hundul ma au huhut tangis. Manang na piga ari sai marsak do au jala marpuasa.” Martangiang do si Nehemia tu Jahowa. Mangelek do ibana asa diingot Jahowa naposona jala diurupi nasida. Di sada tikki, diparade si Nehemia ma anggur lao tu Raja Artasasta. Diida raja i ma na marsak si Nehemia, jala disukkun ma aha na masa. Gabe mabiar ma si Nehemia. Alai dipaboa ibana ma taringot situasi di Jerusalem. Jadi disukkun raja ma aha na naeng bahenon ni si Nehemia. Didok di Bibel, “Satokkin i, pittor martangiang ma [si Nehemia] tu Debata na di surgo.” Dung i dipangido ibana ma tu raja i asa dipaloas ibana mulak tu Jerusalem, lao mangurupi bangsona padenggatton tembok dohot gerbang ni kota i. Pittor dioloi raja do i!

Lao ma si Nehemia tu Jerusalem. Dao do pardalananna jala berbahaya. Ujungna sahat ma ibana di Jerusalem, jala disi ma ibana saleleng tolu ari. Tikki borngin, lao ma ibana mangida keadaan ni tembok ni kota i asa diboto ibana sadia godang na porlu dipadenggan. Dung i dipapungu ma akka halak jala ditogihon ma nasida asa dohot mangurupi ulaon i. Gabe teladan do si Nehemia. Dohot do ibana padenggatton tembok ni kota i. Godang do halak Jahudi na rade mangurupi ulaon on, termasuk ma i akka pejabat, akka halak na sangap, dohot na mora. Bahkan, adong do sahalak pejabat na dohot padenggatton tembok i rap dohot akka boruna.

Godang do musu na so lomo rohana dibangun muse tembok ni kota i. Alani i sai direhe-rehei nasida ma halak Jahudi na padenggatton tembok i. Sada sian akka musu i mandok, molo manjakkit anjing hutan tu tembok na dipadenggan i, pasti maruppak do i. Alai dang parduli si Nehemia tu hata ni nasida i. Gariada torus do dipatogu ibana akka halak na dohot tu ulaon i.

Gabe lam muruk ma akka musu. Tikki diida nasida nungnga sae dibangun satonga tembok i, berencana ma nasida naeng menyerang Jerusalem. Alai dibahen si Nehemia do godang cara lao melindungi kota i. Tikki diida akka musu upaya ni si Nehemia i, gabe dang jadi nasida menyerang kota i mamakke senjata. Mulai sian i, kerja sama ma si Nehemia dohot satonga sian akka parkarejona lao manjaga tembok huhut maniop senjata. Jala satonga nai torus do karejo lao padenggatton tembok i. Alai dibahen akka musu do muse cara na asing lao pasohon ulaon i.

Dilehon akka musu i ma hepeng tu sahalak panurirang na jahat lao mandok tu si Nehemia, na lao ro nama akka musu naeng mambunu si Nehemia. Didok ibana, ikkon masuk do si Nehemia tu bagas joro asa boi selamat. Lomo do roha ni akka musu asa unang dioloi si Nehemia Patik ni Debata. Alai dang olo si Nehemia masuk tu bagas joro. Barani do ibana mandok tu panurirang i, “Boasa pola ikkon martabuni au?” Torus do si Nehemia karejo padenggatton tembok i. Diboto ibana, na mangulahon lomo ni roha ni Jahowa do nasida disi jala didongani Jahowa do nasida. Tutu do i, holan di bagasan 52 ari, sae ma dipadenggan tembok ni kota i. Gabe maila ma sude musu ni nasida ala dang marhasil pasohon ulaon i.

Porlu do muse dipatudu si Nehemia habaranion tikki mangurupi bangsona asa mangulahon Patik ni Jahowa. Misalna, dibege si Nehemia do adong piga-piga halak Jahudi na mora na papinjappon hepeng tu donganna na pogos, alai balga do dibahen bungana. Barani do si Nehemia mamissang nasida. Diboto si Nehemia ma muse, adong piga-piga halak Jahudi na menikah tu borua na so manomba Jahowa. Barani do si Nehemia mandok naung diulahon nasida dosa na balga, jala dang dioloi nasida Patik ni Jahowa.

Dung sae tembok ni kota i dipadenggan, marpungu ma bangso i lao mambege Patik ni Jahowa dijahahon. Lungun hian do roha ni nasida ala dang dioloi nasida Jahowa saleleng on. Alai dipatogu si Nehemia do roha ni nasida. Didok ibana, “Dilehon Jahowa do las ni roha na mambahen hamu togu.” Diboto si Nehemia do, memang gabe aman do dihilala bangso i ala kuat tembok ni kota ni nasida. Alai lomo do roha ni si Nehemia asa diboto bangso i aha sasittongna na mambahen nasida margogo, i ma las ni roha ala manomba Jahowa. Gabe hira benteng ma las ni roha i di nasida. Saonari pe, dilehon Jahowa do las ni roha na sarupa tu hita asa boi barani tikki masa hasusaan.

Jaha ma ceritana di:

• Nehemia 1:1–6:19; 8:​1-18; 13:​23-31

Na lao dibahas:

Boha do cara ni si Nehemia patuduhon habaranion?

Bagas ma Parsiajari

1. 1. Aha do tugas ni si Nehemia di harajaon Persia? (w10 1/7 9 ¶5-7-wcgr) A

   Your answer

   

   National Museum of Iran, Tehran, Iran/Bridgeman Images

2. 2. Aha do beda ni boru ni si Sallum sian akka halak na sangap na di Tekoa? (Neh. 3:​5, 12; w19.10 23 ¶11)

   Your answer

3. 3. Didok di Bibel, akka halak na mangangkat barang ‘holan mamakke sada tangan lao karejo jala sada nai maniop sinjata’. Songon dia do nasida boi mangulahon i? (Neh. 4:​17, 18; w06 1/2 9 ¶1-wcgr) B

   Your answer

   

4. 4. Boasa khawatir si Nehemia tikki mangida adong akka dakdanak ni halak Jahudi na so boi makkatai di bahasa Heber? (Neh. 13:​23-27; w16.10 10 ¶4)

   Your answer

Pikkirhon ma Aha Parsiajaranna

• Songon dia do akka sintua boi maniru si Nehemia asa . . .

  • mangandalhon Jahowa? (Neh. 1:​4-11; 4:14; 13:​1-3)

    Your answer

  • olo kerja sama dohot na asing? (Neh. 4:​15, 21-23)

    Your answer

  • rade manangihon akka dongan di huria? (Neh. 5:​1-7) C

    Your answer

    

• Timbo do jabatan ni si Nehemia di harajaon ni Persia. Alai ditinggalhon ibana do tugasna i lao mangurupi naposo ni Jahowa, jala dipasu-pasu Jahowa do ibana. Aha do na boi taparsiajari sian on?

  Your answer

• Songon dia do muse caramuna maniru habaranion ni si Nehemia?

  Your answer

Rimangi ma

• Sian kisah on, aha do na boi huparsiajari taringot Jahowa?

  Your answer

• Aha do hubungan ni kisah on tu janji ni Jahowa taringot Paradeiso?

  Your answer

• Aha do na lao husukkun annon tu si Nehemia molo nungnga dipahehe ibana?

  Your answer

Ida ma Muse on

Sian kisah ni si Nehemia, aha do na boi taparsiajari taringot cara ni Jahowa mangalusi tangiangta?

“Allah Menjawab Doanya” (“Menggali Isi Alkitab” di jw.org/id)

Di video drama on, ida ma songon dia si Nehemia patuduhon habaranion tikki mulak-ulak diabbati akka musu.

Nehemia: “Las ni Roha sian Jahowa Mambahen Hamu Margogo”—Bagian I—Cuplikan (5:22)