Di Jaman ni Messias Dohot Akka Siihutton Ibana

Akka peristiwa na dipaboa di bagian on terjadi saleleng hira-hira 100 taon. Di bagian on, lao tabahas ma taringot sahalak anak boru Jahudi na serep roha, goarna si Maria. Dilehon Jahowa do tu ibana tugas na massai penting, na so hea dope dilehon Jahowa tu jolma. Di ujung ni bagian on, lao tabahas ma taringot apostel na dihaholongi Jesus, i ma Apostel Johannes. Di bagian on pe, dibahas do tong taringot si Johannes Pandidi, Apostel Petrus, si Maria Magdalena, si Stepanus, dohot Apostel Paulus. Porlu do dipatudu nasida habaranion di marragam situasi. Misalna, ikkon barani do nasida paboahon Jesus i Messias, nang pe godang halak dang olo manangihon nasida. Ditiru nasida do Jesus jala dibaritahon nasida do taringot akka na diajarhon Jesus, nang pe gabe dihasogohon nasida jala dianiaya.