39 SI ESTER
“Molo Ikkon Mate pe Au, Mate pe Taho”
MARDALAN ma sahalak borua na poso tu istana lao manjuppangi raja di tahtana. Diboto ibana do, boi do gabe dipamate ibana alani tindakanna i. Alana dang adong disuru raja ibana asa ro. Sebenarna mabiar do borua i, alai tetap do dijuppangi ibana raja i. Ise do borua i? Jala boasa ikkon dijuppangi ibana raja?
Goar ni borua i, i ma si Ester. Nungnga mate natua-tuana tikki dakdanak dope ibana. Alani i gabe sepupuna na margoar si Mordahai ma na pagodang-godangkon ibana, jala ‘dibahen do ibana gabe boruna’. Tinggal di Susan do nasida. Di kota i do tong istana ni raja ni Persia, jala si Mordahai ma sada sian akka parkarejona. Dung lam magodang si Ester, gabe “anak boru na bagak do ibana jala uli do rupana”.
Di sada tikki, naeng mangalului istri na baru ma Raja Ahasweros (na jotjot digoari Raja Serses I). Alani i, disuru ibana ma akka pelayanna asa lao tu sude luat di harajaonna lao mangalului anak boru na poso jala na bagak. Dapot ni nasida ma sahalak borua na massai bagak, i ma si Ester. Alani i naeng diboan ma si Ester tu istana ni raja. Alai sebelum diboan si Ester, dipaingot si Mordahai do ibana asa unang paboahon manang tu ise pe molo ibana halak Jahudi.
Di istana i, “sude do marlomo ni roha mangida si Ester”. Dung mandapot perawatan kecantikan ibana saleleng 12 bulan, diboan ma ibana tu jolo ni raja. “Las do roha ni raja mangida ibana jala unlomo do rohana mangida si Ester sian akka anak boru na asing.” Alani i, si Ester ma na dipillit gabe ratu di harajaon na umgogo di tikki i! Nang pe songon i, tetap do dioloi si Ester janjina tu si Mordahai asa unang paboahon manang tu ise pe molo ibana halak Jahudi.
Di tikki i, dilantik raja ma si Haman gabe perdana menteri di harajaon i. Sogo do roha ni si Haman tu si Mordahai, alana dang olo si Mordahai marsinggang jala marsomba tu ibana. Ala naposo ni Jahowa na setia do si Mordahai umbahen dang olo ibana mangulahon i. Jala sian bangso na gabe musu ni Jahowa do ra si Haman i. Manang aha pe alasan ni si Mordahai, gabe muruk situtu ma si Haman tu ibana, jala dibahen si Haman ma rencana lao pamatehon sude halak Jahudi na adong di harajaon i. Tikki dibege si Mordahai taringot rencana ni si Haman i, gabe marsak situtu ma ibana. Jadi dibahen si Mordahai ma surat tu si Ester na mandok, asa lao si Ester manjuppangi raja jala mangido asa diselamatton raja i halak Jahudi. Porlu do habaranion di si Ester lao mangulahon i.
Didok si Ester do tu si Mordahai, boi do pamateon ni raja si Ester molo lao manjuppangi raja hape dang dijou. Alana sude do halak mamboto halak na mura-mura muruk do raja i. Alai tetap do dipangido si Mordahai asa lao si Ester makkatai tu raja. Didok ibana do tu si Ester, atik na lao menyelamatton bangso ni Jahowa do umbahen na dipillit si Ester gabe ratu. Mambege i, gabe barani ma si Ester. Didok ibana ma, “Molo ikkon mate pe au, mate pe taho.” Alai dipangido si Ester do asa marpuasa halak Jahudi saleleng tolu ari. Jadi, pasti mulak-ulak do ibana dohot sude halak Jahudi na adong disi martangiang tu Jahowa lao mangido asa diurupi. Dukkon i, lao ma ibana manjuppangi raja.
Tikki diida Raja Ahasweros jongjong si Ester di alaman ni istana, dang muruk raja i jala dang disuru asa dipamate si Ester. Gariada, disukkun raja i do aha pangidoan ni si Ester. Diundang si Ester ma raja i dohot si Haman asa ro tu pesta naung dibahen si Ester. Di pesta i, manat do si Ester makkatai jala marbisuk do ibana. Dang pittor dipaboa ibana tu raja i taringot rencana ni si Haman na lao pamatehon halak Jahudi. Justru diundang ibana do muse raja i dohot si Haman tu pesta na paduahon marsogotna i. Sebelum ro tu pesta na paduahon i, dibahen si Haman do sada tiang lao manggattung si Mordahai. Alai parohon jea tu dirina sandiri do annon rencanana i.
Berupaya do ibana paposson roha ni raja asa unang dipamate akka naposo ni Debata
Di pesta na paduahon, disukkun Raja Ahasweros ma muse tu si Ester aha na naeng dipangido ibana. Di tikki i pittor didokkon si Ester ma pangidoanna, alai tetap do sopan ibana tikki makkatai. Dipaboa si Ester ma na adong bawa na berencana naeng pamatehon ibana dohot sude halak Jahudi, jala molo dipasombu rencana i terjadi, boi do gabe rugi raja i. Tarsonggot ma raja i mambege hata ni si Ester, jala disukkun ma ise do bawa na naeng pamatehon nasida i. Didok si Ester ma, “On do musu i, si Haman na jahat on.” Gabe muruk situtu ma raja mambege i jala disuru ma asa dipamate si Haman. Ujungna, gabe digattung ma si Haman tu tiang naung diparade ibana hian lao manggattung si Mordahai.
Di mulana, naeng dipamate si Haman do si Mordahai dohot sude naposo ni Debata na adong di harajaon ni Persia. Alai justru sebalikna do na terjadi. Gabe si Haman do na dipamate, jala diurupi Jahowa do halak Jahudi pamatehon akka musu ni nasida. Sahali nai, diselamatton Jahowa do akka naposona marhite sahalak borua na poso, na togu haporseaonna jala na barani.
Jaha ma ceritana di:
Na lao dibahas:
Boha do cara ni si Ester patuduhon habaranion?
Bagas ma Parsiajari
1. Aha do bukti na patuduhon na tutu do hea terjadi kisah on? (ia 138, kotak) A
Ungnad, Arthur. “Neubabylonische Privaturkunden aus der Sammlung Amherst.” Archiv für Orientforschung, vol. 19, 1959, pp. 74–82
Gambar A: Batu panuratan na sian Persia najolo, adong tarsurat goar ni si Marduka (si Mordahai)
2. Boasa dang olo si Mordahai marsinggang jala marsomba tu si Haman? (ia 131 ¶18)
3. Boasa boi tadok na berupaya do Sibolis dohot akka suru-suruan na jahat naeng pamatehon sude halak Jahudi? (g02 8/9 7 ¶3–8 ¶2-wcgr) B
Cube. Lot of Yahali, puru. Neo-Assyrian Clay. (YPM BC 021122). Courtesy of the Peabody Museum, Division of Anthropology, Babylonian Collection, Yale University; peabody.yale.edu
Gambar B: Sada dadu na dipakke gabe undi najolo
4. Surirang na dia do na dipasaut marhite si Ester dohot si Mordahai? (ia 142, kotak)
Pikkirhon ma Aha Parsiajaranna
Nang pe dao sian akka sisomba Jahowa, alai toktong do si Ester marbisuk jala unduk tu Jahowa. Aha do na boi ditiru akka na poso sian si Ester?
Ditangihon si Ahasweros do si Ester ala sabar si Ester, sopan, jala jujur. Aha do na boi ditiru akka istri sian si Ester? C
Gambar C
Songon dia do muse caramuna maniru habaranion ni si Ester?
Rimangi ma
Sian kisah on, aha do na boi huparsiajari taringot Jahowa?
Aha do hubungan ni kisah on tu janji ni Jahowa taringot Paradeiso?
Aha do na lao husukkun annon tu si Ester molo nungnga dipahehe ibana?
Ida ma Muse on
Di video musik on, ida ma akka parsiajaran na boi ditiru akka dakdanak sian si Ester.
Songon dia do akka donganta di tikkitta saonari maniru si Ester tikki adong dongan sahaporseaon na terancam ngoluna?
Tiru ma Akka Halak na Sabar Paimahon Janji ni Jahowa—Si Mordahai Dohot si Ester (3:05)