Barani do Ibana Paboahon Taringot Debatana

ADONG ma sahalak dakdanak borua na tinggal di Israel tikki pamarettaon ni Raja Jehoram. Memang dang dipaboa di Bibel ise goar ni dakdanak i. Alai adong do dipaboa taringot peristiwa na penting na terjadi di ngoluna. Dang setia Raja Jehoram dohot halak Israel tu Jahowa. Alani i, dipaloas Jahowa ma halak Siria torus menyerang halak Israel. Dibuat nasida ma arta ni halak Israel jala adong piga-piga halak na diboan gabe tawanan. Di sada tikki, diboan nasida ma dakdanak borua i gabe tawanan tu Siria.

Coba ma tabayakkon songon dia perasaan ni dakdanak i. Pasti mabiar hian do ibana. Keluargana pe pasti lungun do rohana jala khawatir taringot ibana. Diboan do ibana tu jabu ni si Naaman sahalak pamimpin ni tentara ni Siria. Jala dibahen si Naaman ma ibana gabe pelayan ni istrina. Pasti maol hian do dakdanak on menyesuaihon diri di tempat na baru. Ra diida ibana do na massai lungun roha ni akka halak na tinggal di jabu i, ala marsahit kusta si Naaman. Godang do lukka di dagingna jala dang boi ra malum sahitna i.

Burju hian do dakdanak borua on. Nang pe diboto ibana musu ni halak Israel do si Naaman, alai asi do rohana mangida si Naaman dohot istrina. Diboto ibana do adong cara na boi pamaluppon sahit ni si Naaman i. Ra, hea do dipaboa natua-tuana tu ibana taringot akka mukjizat na dibahen Jahowa marhite Panurirang Elisa. Memang dang diboto ibana naung hea si Elisa pamaluppon halak na marsahit. Alai pos do roha ni dakdanak on, na boi Jahowa mangalehon huaso tu panurirangna lao mangurupi si Naaman.

Sukkun-sukkun do roha ni dakdanak i, ikkon paboaonna do tu si Naaman taringot Jahowa manang na dang. Diboto ibana do, molo dipaboa i, boi do i gabe parohon bahaya tu ibana. Alana Rimmon do na disomba si Naaman, i ma debata ni halak Siria. Jala jotjot do si Naaman mandongani raja ni Siria lao tu inganan manomba Rimmon. Asing ni i, porsea do halak Siria na boi do Rimmon parohon badai dohot ronggur. Molo dipaboa ibana tu si Naaman na boi Jahowa pamaluppon sahitna i, boi do gabe tersinggung si Naaman. Alana hira na didok ibana ma tu si Naaman na so boi Rimmon pamaluppon sahitna i. Jadi, martangiang ma dakdanak borua i mangido habaranion. Dung i didok ibana ma tu istri ni si Naaman, “Molo lao tuan manjuppangi panurirang na di Samaria, malum do kusta ni tuan i bahenonna.”

Holan i do hata ni dakdanak i na disurat di Bibel, alai balga do pengaruh ni hatana i. Dung makkatai dakdanak borua i tu istri ni si Naaman, lao ma si Naaman paboahon hata ni dakdanak i tu raja ni Siria, i ma si Benhadad. Dung i, disuru si Benhadad ma si Naaman lao tu Israel mamboan surat tu Raja Jehoram, i ma raja ni Israel. Di surat i dipangido si Benhadad ma tu si Jehoram, asa dipamalum sahit ni si Naaman.

Saleleng na lao i si Naaman, tarpaima do keluargana dohot akka hatobanna lao mamboto songon dia keadaan ni si Naaman. Torus do dakdanak borua i martangiang asa diurupi Jahowa si Naaman, jala asa diboto si Naaman na holan Jahowa do Debata na sittong. Olo do ra sappe piga-piga ari manang sappe piga-piga minggu lao si Naaman. Ujungna, mulak ma si Naaman. Pasti las hian do roha ni keluargana dohot akka hatobanna tikki diida nasida naung malum si Naaman, jala nungnga ias kulitna songon kulit ni dakdanak!

Pasti denggan do ditangihon dakdanak borua i tikki diceritahon si Naaman songon dia boi ibana sappe malum. Parjolo, lao ma si Naaman tu jabu ni si Elisa. Alai dung sahat disi, didok si Elisa ma tu si Naaman asa dibonompon ibana dirina tu Sunge Jordan. Mambege i, gabe muruk ma si Naaman. Alai didok akka hatobanna ma tu si Naaman asa dioloi hata ni si Elisa i. Gabe disadari si Naaman ma, ikkon serep do rohana. Alani i, lao ma si Naaman tu Sunge Jordan jala dibonompon ma dirina sappe pitu hali. Ujungna, malum ma sahitna i. Las hian do roha ni dakdanak i mambege cerita ni si Naaman i. Alai na mambahen ullas rohana, gabe sisomba Jahowa do si Naaman mulai sian tikki i!

Boi pe i sude terjadi, ala barani do dakdanak borua i paboahon taringot Debatana dohot taringot panurirang ni Debata. Memang dang taboto ise goar ni dakdanak borua i. Alai molo Jahowa, diboto do. Molo tatiru habaranion ni dakdanak on, boi ma hita pajuppang dohot ibana molo nungnga dipahehe Jahowa ibana haduan. Gabe taboto ma goarna, jala boi ma muse taboto godang taringot ibana!

Jaha ma ceritana di:

• 2 Raja-Raja 5:​1-19

Na lao dibahas:

Boha do cara ni dakdanak borua sian Israel i patuduhon habaranion?

Bagas ma Parsiajari

1. 1. Aha do hira-hira na mambahen mabiar dakdanak borua sian Israel i mangida halak Siria? (w96 15/5 8 ¶3-wcgr) A

   Your answer

   

   Courtesy of Musée du Louvre, Paris

2. 2. Aha do na boi terjadi tu sasahalak molo marsahit kusta? (it “Kusta” ¶3-5-wcgr)

   Your answer

3. 3. Boasa dang olo si Elisa manjalo hadiah na dilean si Naaman? (w05 1/8 9 ¶2-wcgr)

   Your answer

4. 4. Boasa porsea si Elisa na lao diampuni Jahowa do si Naaman nang pe dohot ibana membungkuk di jolo ni debata Rimmon? (2 Raj. 5:​18, 19; w05 1/8 9 ¶3-wcgr) B

   Your answer

   

Pikkirhon ma Aha Parsiajaranna

• Si Naaman, i ma sahalak panglima tentara ni Siria na menyerang halak Israel. Alai, olo do Jahowa pamaluppon ibana. Aha do na boi taparsiajari sian asi ni roha ni Jahowa jala dang paimbar-imbarhon jolma? C

  Your answer

  

• Songon dia do teladan ni dakdanak borua sian Israel i boi mangurupi hita asa barani marbarita nang pe mabiar?

  Your answer

• Songon dia do muse caramuna maniru habaranion ni dakdanak borua sian Israel i?

  Your answer

Rimangi ma

• Sian kisah on, aha do na boi huparsiajari taringot Jahowa?

  Your answer

• Aha do hubungan ni kisah on tu janji ni Jahowa taringot Paradeiso?

  Your answer

• Aha do na lao husukkun annon tu dakdanak borua sian Israel i molo nungnga dipahehe ibana?a

  Your answer

Ida ma Muse on

Dang adong disurat di Bibel ise goar ni dakdanak borua sian Israel i. Molo songon i, na gabe so mararga do ibana di Jahowa?

“Boasa Adong Piga-Piga Tokoh na Adong di Bibel Dang Dipaboa Goarna?” (w13 1/8 10-wcgr)

Tonton ma video songon dia akka na poso boi gabe barani songon dakdanak borua sian Israel.

Jahowa Mangurupi Hamu Gabe Barani (11:59)