“Ale Jahowa, Bahen ma asa Diida Ibana i”

DI SADA lembah di Israel, adong ma sada bukit. Di bukit i, adong sada kota na marbenteng, goarna Dotan. Di kota on do Panurirang Elisa dohot pelayanna tinggal. Sada tikki, dungo ma pelayan ni si Elisa, tarsonggot do ibana tikki mangida tu luar. Diida ibana ma akka tentara ni Siria na massai gogo, akka hoda, dohot akka kareta porang ni nasida. Nungnga dikepung nasida kota i mulai sian na bodari. Naeng ditakkup nasida do si Elisa. Mabiar hian ma pelayan ni si Elisa i. Marlojong ma ibana mandapotton si Elisa lao paboahon na terancam do ngolu ni tuanna i.

Dang on parjolo sahali terancam ngolu ni si Elisa. Piga-piga taon sebelumna, disuru Jahowa do Panurirang Elia mangalatik si Elisa lao manggattihon si Elia gabe panurirang. Rap kerja sama do nasida na dua saleleng pamarettaon ni akka penguasa na kejam, i ma Raja Ahab, Ratu Izebel, dohot si Ahasia anak ni nasida. Alai hea ma tikki rap mardalan si Elisa dohot si Elia, adong ma kareta porang na marapi turun sian langit. Dung i diboan ma si Elia tu langit marhite badai. Mulai sian i gabe berpisah ma nasida. Ra dang boi be diida si Elisa donganna i. Alai dilanjutton ibana do tugas ni si Elia, i ma mamimpin akka panurirang ni Jahowa lao manghancurhon ibadat tu Baal di Israel.—2 Raj. 2:15.

Dilehon Jahowa do huaso tu si Elisa lao mambahen godang mukjizat. Sada contohna, dipamalum si Elisa do si Naaman pamimpin ni tentara ni si Ben-hadad, raja ni Siria. Nang pe naung dipamalum panurirang ni Jahowa si Naaman, sai berupaya dope si Ben-hadad menyerang Israel. Alai, sai dipaboa Jahowa do tu si Elisa luat na dia na naeng diserang si Ben-hadad. Dung i, dipaboa si Elisa ma i tu raja ni Israel asa mandao nasida sian i. Gabe muruk hian ma si Ben-hadad. Disukkun ibana ma tu akka pelayanna ise sian nasida na paboahon rencanana tu tentara ni musu. Adong ma sahalak pelayanna na mandok tu ibana, “Si Elisa panurirang na di Israel i do na paboahon i tu raja ni Israel. Ai diboto ibana do na nidokmi, nang pe di kamarmu i didokkon ho.” Tikki diboto si Ben-hadad na di Dotan si Elisa, pittor disuru ibana ma akka tentarana manakkup si Elisa.

Pelayan ni si Elisa do na parjolo mangida akka tentara ni Siria i. Marlojong ma ibana mandapotton si Elisa, didok ibana ma, “Ago tuan! Boha nama hita?” Diida si Elisa ma na mabiar hian do pelayanna i. Jadi didok ma, “Unang ho mabiar! Unggodang do na mandongani hita sian nasida.” Patoguhon roha do hata ni si Elisa on, bahkan sahat tu saonari. Alai songon dia do reaksi ni pelayanna i? Ra, tarsonggot do ibana tikki mambege hata ni tuanna i. Didok rohana, ‘Dia ma mungkin dua bawa boi manaluhon tentara na massai godang?’ Alani i martangiang ma si Elisa, “Ale Jahowa, bahen ma asa diida ibana i.”

Pittor dialusi Jahowa do tangiang ni si Elisa i. Dibahen Ibana ma pelayan ni si Elisa boi mangida akka suru-suruan di sakaliling ni nasida. Massai gogo do akka tentara ni Jahowa i. Umgogo do nasida sian apala sude tentara ni jolma. Bibel mandok, “Nungnga gok akka kareta porang na marapi dohot akka hoda di dolok na di sakaliling ni si Elisa.”

Dang boi diida akka tentara ni Siria akka suru-suruan i. Naeng masuk do nasida tu kota lao manakkup si Elisa. Alani i, dipangido si Elisa ma tu Jahowa asa dibahen nasida mapitung. Alai dang berarti gabe dang boi nasida marnida. Maksudna disi, dibahen Jahowa do nasida gabe dang boi mangattusi aha na diida nasida. Tikki didok si Elisa na olo do ibana manaruhon akka tentara i tu kota na lao dituju nasida, olo do nasida. Gabe diboan si Elisa ma nasida tu Samaria, hira-hira 16 kilometer ma i sian Dotan. Dung sahat disi, dipangido si Elisa ma asa dibahen Jahowa muse nasida boi marnida. Ujungna, gabe disadari akka tentara i ma naung di tonga-tonga ni Kota Samaria nasida, i ma ibu kota ni Israel. Sasittongna, naeng dipamate raja ni Israel do nasida. Alai ala asi roha ni si Elisa mangida nasida, dipangido ibana ma asa dilehon raja ni Israel akka tentara ni musu i mangan dohot minum jala diloas mulak tu tuanna. Aha do na masa dukkon i? Didok di Bibel, “Mulai sian i, dang adong be akka pangarampok na sian Siria ro tu luat ni halak Israel.”

Diboto si Elisa do na adong suru-suruan ni Jahowa mandongani nasida. Saleleng martaon-taon marsiajar do si Elisa, dang hea dao Jahowa dohot akka suru-suruanna sian ibana. Rade do Jahowa dohot akka suru-suruanna mangurupi akka naposo ni Jahowa na setia. On ma na mambahen si Elisa gabe barani. Hita pe boi do barani songon si Elisa.

Jaha ma ceritana di:

• 2 Raja-Raja 6:​8-23

Na lao dibahas:

Boha do cara ni si Elisa patuduhon habaranion?

1. 2. Boasa dipangido si Elisa asa dilehon tu ibana “dua bagian” sian tondi parbadia na adong di si Elia? (2 Raj. 2:9; w03 1/11 31-wcgr)

   Alusmuna

2. 3. Boasa boi tadok dang na tutu dibahen Jahowa tentara ni Siria gabe mapitung? (it “Mapitung” ¶6-wcgr)

   Alusmuna

3. 4. Akka aha do tugas na diulahon si Elisa? (it “Si Elisa” ¶27-28-wcgr)

   Alusmuna

Pikkirhon ma Aha Parsiajaranna

• Aha do manfaatna molo taboto na sai rade do akka suru-suruan mangurupi hita? B

  Alusmuna

  

• Songon dia do akka sintua dohot sude na di huria boi maniru cara ni si Elisa tikki patoguhon pelayanna?

  Alusmuna

• Songon dia do caramuna maniru habaranion ni si Elisa?

  Alusmuna

Rimangi ma

• Sian kisah on, aha do na boi huparsiajari taringot Jahowa?

  Alusmuna

• Aha do hubungan ni kisah on tu janji ni Jahowa taringot Paradeiso?

  Alusmuna

• Aha do na lao husukkun annon tu si Elisa molo nungnga dipahehe ibana?

  Alusmuna

Ida ma Muse on

Molo dapot ni sahalak donganta bawa tugas na baru, aha do na boi ditiru ibana sian si Elisa?

Mangargai Angka Halak Naung Berpengalaman (4:48)

Ida ma parsiajaran na asing sian akka na masa di ngolu ni si Elisa.

“Boi do Diida Hamu Kareta Porang na Marapi Songon na Diida si Elisa?” (w13 15/8 28-30-wcgr)