Marbisuk ma Hamu asa Boi “Marhasil”

1-2. Aha do manfaatna molo marbisuk hita?

HEA do hamu merasa dang diargai halak hamu? Hea do adong na salah paham tu hamu manang mambahen na so denggan tu hamu? Manang, adong do situasi na mambahen hamu mabiar? Tikki masa songon i, olo do ra dang sai mura mandok hata na denggan manang mangulahon na sittong. Aha ma na boi mangurupi hamu? Didok di Bibel, ikkon adong do bisuk di hita.

² Molo marbisuk hita, tottu dang olo hita bertindak holan mangihutton aha na tarida. Berupaya do hita mamboto boasa masa sada situasi, manang boasa dang denggan pambahenan ni halak tu hita. Alani i, gabe boi ma takendalihon diritta. Misalna, gabe manat ma hita makkatai jala taboto ma andigan hita “hohom”. (Poda 10:19; Ps. 4:4) Gabe boi ma tong takendalihon perasaanta, dang mura-mura haccit rohatta, jala gabe olo ma hita dinasehati. (Poda 19:20) Asing ni i molo marbisuk hita, boi ma hata dohot tindakanta mambahen las roha ni Jahowa. Alai dang holan i. Pasti bermanfaat do i tu diritta dohot tu na asing. Tikki adong na mambahen hita muruk, dang pittor emosi hita manang naeng tabalos pambahenanna i. Di artikel on, lao tabahas ma tolu contoh sian Bibel na patuduhon aha manfaatna molo marbisuk hita. Gabe boi ma hita marserep ni roha, toktong tenang, jala torus marhaposan tu Jahowa.

TOKTONG MA MARSEREP NI ROHA

3. Ise do si Naaman?

³ Molo marbisuk hita, pasti jolo tapikkirhon do aha na lao taulahon. On patuduhon na serep do rohatta. Molo serep rohatta, pasti gabe denggan do tindakanta. (1 Ptr. 5:5) Taida ma pengalaman ni si Naaman. Di Siria do ibana tinggal, sada inganan na adong di sabola utara ni Israel. Pamimpin ni tentara do si Naaman, jala jago do ibana marporang. Alai sada tikki, hona kusta ma ibana jala parah hian do sahitna i.—2 Raj. 5:1.

4. Boha do tanggapan ni si Naaman tu hata ni hatoban i?

⁴ Adong ma hatoban ni istri ni si Naaman, i ma dakdanak borua sian Israel. Dipaboa hatoban i ma tu istri ni si Naaman, adong do sahalak panurirang di Israel na boi pamaluppon suamina. (2 Raj. 5:​2, 3) Tikki dibege si Naaman i, olo do ra didok rohana, ‘Ai tutu do naeng na didokkonna i? Dakdanak dope ibana, jala marmusu do bangsonami tu halak i.’ Alai, dang songon i si Naaman. Ditangihon ibana jala dipikkirhon do hata ni hatoban i. On patuduhon serep do rohana jala marbisuk. Dung i, dipangido ibana ma tu Raja Siria asa diloas ibana marubat tu Israel.—2 Raj. 5:​4, 5.

5. Dung sahat si Naaman di Israel, aha do na masa?

⁵ Sahat ma si Naaman di istana ni Raja Jehoram di Israel. Berharap do ibana asa dipamalum. Alai didok roha ni si Jehoram, na lao mangalului parbadaan do Raja Siria tu nasida. Tikki dibege si Elisa taringot i, didok ibana ma tu si Jehoram asa ro si Naaman tu jabuna. (2 Raj. 5:​6-9) Dung sahat si Naaman di jabu ni si Elisa, dang dijuppangi si Elisa ibana. Halak do na disuru si Elisa lao manjuppangi si Naaman. Dipaboa ma aha na ikkon diulahon si Naaman asa boi malum ibana. Pasti dang dirippu si Naaman songon i dibahen tu ibana.—2 Raj. 5:10.

6. (a) Boasa dang olo si Naaman manangihon hata ni halak na disuru si Elisa? (b) Aha do na patuduhon na marbisuk do akka parkarejo ni si Naaman, jala boha do hasilna? (2 Raja-Raja 5:​13, 14)

⁶ “Muruk” do si Naaman mambege hata ni halak na disuru si Elisa i, “jala lao ma ibana sian i”. (2 Raj. 5:​11, 12) Boasa songon i si Naaman? Olo do ra didok rohana, ikkon sangap do dibahen tu ibana ala pamimpin ni akka tentara do ibana. Asing ni i, didok rohana do ra dang diargai si Elisa halak Siria. Alani i ma diputusson si Naaman asa mulak ibana tu Siria. Alai, marbisuk do akka parkarejona. Dielek nasida ma si Naaman asa olo manangihon hata ni halak na disuru si Elisa i. Ujungna, dipaserep si Naaman ma rohana. Diihutton ma petunjuk ni si Elisa i, jala malum ma ibana.—Jaha 2 Raja-Raja 5:​13, 14.

7. Aha do na boi taparsiajari sian si Naaman? (Poda 22:4) (Ida gambar.)

⁷ Aha do parsiajaranna tu hita? Molo marbisuk hita, dang olo hita bertindak holan mangihutton aha na tarida. Dang olo hita mambahen keputusan holan mangihutton perasaanta. Asing ni i, gabe serep do rohatta. Taakkui do godang dope na so taboto, jala porlu do hita diurupi Jahowa dohot halak na asing. Memang, dang manomba Jahowa dope si Naaman di tikki i. Alai, dipatudu ibana do na marbisuk ibana. Buktina, serep do rohana. Jala olo do ibana manangihon dakdanak borua na sian Israel i, akka parkarejona, dohot si Elisa, wakil ni Jahowa. Jala dang holan dirina dohot perasaanna na dipikkirhon ibana. Hasilna, boi ma dibahen ibana keputusan na denggan. Dos songon i ma hita. Tikki mangadopi sada situasi, ikkon jolo manat do tapikkirhon aha na lao tadokkon dohot na lao taulahon. Misalna, boha do molo adong na menasehati hita, alai dang setuju hita tu nasehatna i? Manang, boha do tanggapanta molo adong petunjuk sian organisasi na so taattusi dope? Sian hata dohot tindakanta taringot tu situasi on, boi do tarida serep do rohatta manang na daong.—Jaha Poda 22:4.

TOKTONG MA TENANG

8. Di situasi na songon dia do maol hita mengendalihon diritta?

⁸ Molo marbisuk hita, boi ma hita toktong tenang jala dang mura-mura muruk. Memang dang sai mura mangulahon on, tarlumobi molo adong na mambahen na so denggan manang na so adil tu hita. (Eps. 4:26) Saonari, taparrohahon ma songon dia tanggapan ni si Daud dohot si Abigail tikki adong situasi na maol.

9. Boha do pambahenan ni si Nabal tu si Daud?

⁹ Bayakkon ma situasina: Dilele si Saul do si Daud dohot akka tentarana. Gabe tinggal di Gurun Elaparan ma nasida. (1 Sam. 25:1) Saleleng tinggal disi, dijaga nasida do akka parmahan dohot biru-biru ni sahalak bawa na mora, i ma si Nabal. (1 Sam. 25:​15, 16) Dung juppang tikkina manggusting ibbulu ni biru-biru, disuru si Daud ma akka tentarana manjuppangi si Nabal lao mangido sipanganon. Sopan jala denggan do cara ni nasida mangido i. (1 Sam. 25:​6-8) Alai, dang dilehon si Nabal pangidoan ni nasida. Bahkan, kasar do hatana tu nasida. Dang diargai si Nabal haburjuon na dipatudu si Daud dohot akka tentarana tu ibana.—1 Sam. 25:​10, 11.

10. Songon dia do si Daud dohot si Abigail patuduhon na marbisuk nasida? (1 Samuel 25:​32, 33) (Ida gambar.)

¹⁰ Bayakkon ma songon dia perasaan ni si Daud di tikki i. Muruk hian do ibana, sappe naeng dibunu ibana do si Nabal! (1 Sam. 25:​13, 21, 22) Tikki naeng dijuppangi ibana si Nabal, ro ma si Abigail, istri ni si Nabal. Marbisuk do si Abigail. Nang pe muruk hian si Daud, alai diboto si Abigail do halak na burju do si Daud. Alani i, berupaya do si Abigail mangurupi si Daud asa tenang. Dilehon ibana do godang hadiah, jala denggan do cara ni ibana pasingotton si Daud. (1 Sam. 25:​18, 23-31) Boha do tanggapan ni si Daud? Marbisuk do ibana. Ditangihon si Daud do hata ni si Abigail. Jala diakkui ibana, sesuai do nasehat ni si Abigail i tu lomo ni roha ni Jahowa. Dukkon i, gabe tenang ma ibana jala dang diulahon ibana kesalahan na serius.—Jaha 1 Samuel 25:​32, 33.

11. Tikki adong na mambahen hita muruk, boasa penting patuduhon bisuk? (Poda 19:11)

¹¹ Aha do parsiajaranna tu hita? Molo marbisuk hita, boi ma hita toktong tenang nang pe adong na mambahen hita muruk. Asing ni i, gabe jolo tapikkirhon do aha na lao tadokkon manang na lao taulahon. (Jaha Poda 19:11.) Tikki dipaboa si Abigail tu si Daud songon dia perasaan ni Jahowa tu tindakanna i, gabe tenang ma si Daud. Dos songon si Daud, molo adong na mambahen hamu muruk, unang ma gabe emosi hamu manang naeng dibalos hamu i. (Jak. 1:19) Martangiang ma hamu tu Jahowa, jala rimangi ma songon dia pandangan ni Jahowa tu situasimuna. Molo diulahon hamu i, boi ma hamu gabe tenang.

12. Tikki adong situasi na mambahen hita muruk, aha do manfaatna molo tapaboa i tu na asing?

¹² Marhite si Abigail, diurupi Jahowa do si Daud asa tenang jala mangattusi cara marpikkirna. Saonari pe marhite akka dongan, boi do diurupi Jahowa hamu mangattusi cara marpikkirna. Tikki adong situasi na mambahen hamu muruk, coba ma paboa i tu dongan na togu haporseaonna. Boi do diurupi nasida hamu mangattusi cara marpikkir ni Jahowa. (Poda 12:15; 20:18) Alai molo adong donganmuna na muruk, tiru ma si Abigail. Urupi ma ibana mangattusi situasina sian cara pandang ni Jahowa. Pos ma rohamuna, pasti dipasu-pasu Jahowa do upayamuna mangurupi donganmuna i asa marbisuk jala toktong tenang.

TOKTONG MA MARHAPOSAN TU JAHOWA

13. Tikki mabiar hita, aha do manfaatna molo adong di hita bisuk?

¹³ Sipata, masa do akka situasi na mambahen hita mabiar. Alai molo marbisuk hita, gabe taingot ma dao do umgogo Jahowa sian manang aha pe dohot sian manang ise pe. Jadi nang pe godang na masa di portibi on na mambahen hita mabiar, toktong ma marhaposan tu Jahowa. (Ps. 27:1) Pasti diurupi Ibana do hita mangadopi sudena i, nang pe didok rohatta hira dang adong jalan keluar tu masalah i. Marsiajar ma hita sian Panurirang Jona. Togu do haporseaonna tu Jahowa. Alai, mabiar do ibana tikki mandapot tugas sian Jahowa.

14. Boasa mabiar si Jona mangulahon tugas sian Jahowa?

¹⁴ Disuru Jahowa do si Jona tu Ninive lao pasahatton barita panguhuman. (Jona 1:​1, 2) Bayakkon ma boha perasaan ni si Jona mambege i. Asa boi ibana sahat di Kota Ninive di Asiria, ikkon mardalan pat do ibana hira-hira sabulan. Asing ni i, kasar do halak Asiria jala kejam. Bahkan didok di Bibel, “kota ni pambunu” do Kota Ninive i! (Nah. 3:​1, 7) Alani i ma lari si Jona. Dang olo ibana mangulahon tugas i.—Jona 1:3.

15. Aha do na mambahen si Jona lam marhaposan tu Jahowa? (Jona 2:​6-9)

¹⁵ Lao ma si Jona markapal. Tikki disappatton ibana tu laut, dipalua Jahowa ma ibana marhite mukjizat. (Jona 1:​15, 17) Sian on, gabe diboto ibana ma massai balga do huaso ni Jahowa. Jala disadari ibana ma ikkon barani do ibana mangulahon tugas i. Alana, boi do Jahowa mangalinggomi ibana sian manang aha pe. (Jaha Jona 2:​6-9.) Jadi tikki disuru Jahowa muse si Jona lao tu Ninive, dang mabiar be ibana. Lao ma ibana tu Ninive, jala marhasil do ibana mangulahon tugasna i. Olo do akka halak na disi manangihon barita na dipasahatna i, jala gabe selamat ma nasida sude.—Jona 3:5.

16. Tikki adong situasi na mambahen hita mabiar, boasa penting patuduhon bisuk? (Poda 29:25) (Ida gambar.)

¹⁶ Aha do parsiajaranna tu hita? Dos songon si Jona, unang ma tapasombu biar tu jolma mambahen hita dang mangulahon lomo ni roha ni Jahowa. (Jaha Poda 29:25.) Memang, sanga do mabiar si Jona. Alai, dang biar ni rohana i na sai dipikkiri ibana. Marhaposan do ibana tu Jahowa. On patuduhon na marbisuk do si Jona. Dos songon i ma hita. Molo marbisuk hita, gabe taingot ma akka aha naung dibahen Jahowa lao mangurupi hita saleleng on. Jala gabe dang sai tapikkiri be akka na mambahen hita mabiar. Asing ni i, tarimangi ma pengalaman ni akka donganta. Adong do nasida na marhasil mangadopi situasi na mambahen nasida mabiar. Na asing, marhasil do nasida mangulahon tugas na borat, ala sai diandalhon nasida do Jahowa.a (Heb. 13:6) Jadi, toktong ma hita marbisuk jala sai marhaposan ma hita tu Jahowa. Taurupi ma tong halak na asing mangulahon i.

TOKTONG MA MARBISUK

17. Boha do carana asa lam marbisuk hita?

¹⁷ Songon naung tabahas, molo marbisuk hita, boi ma taadopi akka situasi na maol. Boha do carana asa lam marbisuk hita? Tapangido ma i tu Jahowa. Ibana do mual ni bisuk, jala rade do Ibana mangalehon i tu hita marhite Bibel dohot tondi parbadiana. (Neh. 9:20; Ps. 32:8) Dilehon Ibana do tong nasehat, asa boi tabahen keputusan na denggan jala boi takendalihon perasaanta. (Ps. 119:​97-101) Jadi molo tarimangi isi ni Bibel jala tapangido tondi parbadia, gabe marbisuk ma hita. Hasilna, gabe boi ma taida situasitta i sian cara pandang ni Jahowa. Jala boi ma hita bertindak sesuai tu lomo ni roha ni Jahowa.—Poda 21:​11, surat na di toru.

18. Aha do na ikkon torus taulahon?

¹⁸ Torus ma tapangido bisuk sian Jahowa. (Ps. 14:2) Molo taulahon i, boi ma tabahen keputusan na denggan. (Poda 21:16) Jala gabe lam bertekad ma hita patuduhon bisuk manang sadihari pe. Hasilna, gabe boi ma tabahen las roha ni Jahowa.