Dibahen Nasida do Pengorbanan lao Menepati Sumpa tu Jahowa

DITINGGALHON halak Israel do muse Jahowa. Alani i gabe susa ma nasida. Gabe dipasombu Jahowa ma susa halak Israel dibahen halak Ammon saleleng 18 taon. (Pangh. 10:8) Ujungna diakkui halak Israel ma dosa ni nasida, dang disomba be akka debata na so sittong, jala mulak muse tu Jahowa. Alai dang leleng dukkon i, marpungu ma halak Ammon lao mangalo halak Israel di Gilead.

Dipangido akka pamimpin ni Gilead ma sahalak bawa na margoar si Jepta asa ro tu Gilead jala mamimpin nasida di parporangan. Ra, piga-piga sian nasida adek tiri ni si Jepta do. Hea do dibahen nasida na jahat tu si Jepta. Alani i, gabe lao ma si Jepta sian Gilead. Alai dang gabe dendam si Jepta tu nasida. Ujungna, mulak ma si Jepta tu Gilead jala diurupi ma nasida marporang. Alai na parjolo diulahon si Jepta, i ma berupaya asa mardame dohot halak Ammon. Adong ma utusan na disuru si Jepta lao pasahatton hatana tu raja ni Ammon. Dipatorang utusan i ma boasa dang boi buaton ni raja i tano ni halak Israel. Sian hatana i, tarida do godang na diboto si Jepta taringot sejarah ni halak Israel. Diboto ibana do songon dia najolo Jahowa mangalehon tano i tu halak Israel jala mangurupi nasida manaluhon akka bangso di sakaliling ni nasida. Alai dang olo raja ni Ammon manangihon, alana nungnga bertekad ibana lao menyerang halak Israel.

Dung i marsumpa ma si Jepta tu Jahowa, “Molo dipasahat Ho do halak Ammon tu tanganku, pasahatonku ma tu Ho ale Jahowa manang ise na parjolo kaluar sian pintu ni jabukku, i ma halak na parjolo manjuppangi au dung mulak au marporang mangalo halak Ammon. Jala pasahatonku ma ibana gabe pelean situtungon.” Pasti dang na asal didok si Jepta sumpana i tu Jahowa. Alana sebelumna, tikki paradehon diri lao marporang, songgop do tondi parbadia ni Jahowa tu si Jepta.

Tutu do naeng dipelehon si Jepta jolma na parjolo kaluar sian jabuna gabe pelean situtungon? Pasti daong. Alana magigi do Jahowa molo adong halak na manutung jolma gabe pelean. Jala diorai Ibana do naposona mangulahon i. (5 Mus. 18:​10, 12) Jadi aha do maksud ni hata ni si Jepta i? Maksudna disi, manang ise halak na parjolo kaluar sian jabuna, lao lehononna ma i melayani Jahowa saleleng ni ngoluna, olo do ra di tabernakel na di Silo. Diboto si Jepta do dang mura lao menepati sumpana i. Alana, olo do ra boruna na parjolo sahali kaluar manjuppangi ibana dung mulak sian parporangan. Hape holan i do gellengna.

Dung marsumpa si Jepta tu Jahowa, lao ma ibana marporang. Barani do ibana mamimpin akka tentarana di parporangan i. Dibahen Jahowa ma nasida monang. Ditaluhon nasida do akka musu di 20 kota ni halak Ammon, jala “godang do halak na dipamate” nasida disi.

Las do roha ni si Jepta tikki mulak ibana sian parporangan. Ra, berharap do si Jepta parkarejona na parjolo sahali kaluar sian jabu lao manjuppangi ibana. Hape dang songon i na masa. Boruna do na parjolo kaluar sian jabu lao manjuppangi ibana huhut manortor jala marrebana. Alani i diribak si Jepta ma bajuna jala tangis ma ibana. Didok ibana ma, “Amang tahe borukku! Nungnga malala be ate-atekku, ai ho ma hape na ikkon palaookku.”

Takkas do diboto boru ni si Jepta na lao muba do ngoluna alani sumpa ni bapakna i. Ikkon diulahon ibana do tugas na badia sian Jahowa saleleng ni ngoluna. Alani i, gabe dang boi ibana menikah manang marianakkon. Hape sada hailaon do di akka borua ni Israel molo dang menikah manang dang marianakkon. Alai, dipapos boru ni si Jepta do roha ni bapakna. Didok ibana do, “Bapa, molo nungnga marsumpa ho tu Jahowa, bahen ma songon na nidokmi tu au.” Alai holan sada do pangidoanna tu bapakna. Dipangido do asa dipaloas ibana lao dohot akka donganna lao mangandungi, ala gabe dang boi ibana menikah manang marianakkon.

Halak na barani do boru ni si Jepta jala dang mamikkirhon dirina sandiri. Alani i ma ganup taon, lao do akka borua ni Israel manjuppangi ibana saleleng opat ari lao patoguhon jala mamuji ibana. Sada pasu-pasu na balga do di boru ni si Jepta ala boi ibana melayani di tabernakel. Di tikki i, olo do ra nungnga di tabernakel si Samuel, alai gelleng dope ibana. Na dohot do boru ni si Jepta mangalatik jala patoguhon si Samuel sahat tu na magodang? Dang taboto taringot i. Molo tutu songon i, pasti las hian do rohana, alana dang adong gellengna. Alai na taboto, torus do setia boru ni si Jepta nang pe di tikki i adong piga-piga halak na melayani di tabernakel na mangulahon seks na so patut. (1 Sam. 2:22) Didok do di Bibel, ‘Dang hea mangulahon seks ibana tu bawa.’

Marratus taon dukkon i, didok si Paulus do di suratna molo si Jepta i sada sian akka halak na porsea. (Heb. 11:32) Gabe teladan na luar biasa do si Jepta dohot boruna taringot patuduhon habaranion. Barani do ibana mambela naposo ni Jahowa, jala didukung boruna do ibana. Dibahen nasida do pengorbanan lao menepati sumpa tu Jahowa.

Jaha ma ceritana di:

• Panguhum 10:​15, 16; 11:​1-40

Na lao dibahas:

Boha do cara ni si Jepta dohot boruna patuduhon habaranion?

Bagas ma Parsiajari

1. 1. Sian dia taboto dang holan halak Israel na diserang halak Ammon, alai dohot do ibadat na sittong? (it “Si Jepta” ¶6-wcgr) A

   Alusmuna

   

2. 2. Aha do persamaan ni sumpa ni si Jepta dohot sumpa ni si Jakkob? (it “Si Jepta” ¶11-wcgr)

   Alusmuna

3. 3. Boasa boi tadok balga do pengorbanan ni si Jepta lao menepati sumpana i? (w17.04 4 ¶6)

   Alusmuna

4. 4. Panurirang Samuel tubu hira-hira taon 1180 SM. Rap melayani do ra ibana dohot boru ni si Jepta di tabernakel. Boasa boi tadok songon i? (it “Si Jepta” ¶2-wcgr; ida garis waktu “Sian Jaman ni si Henok Sahat tu Jaman ni Akka Panguhum.”)

   Alusmuna

Pikkirhon ma Aha Parsiajaranna

• Molo barani akka natua-tua songon si Jepta, aha do pengaruh ni i tu gelleng ni nasida?

  Alusmuna

• Songon dia do hita boi maniru akka borua ni Israel na mamuji jala mangurupi boru ni si Jepta asa toktong barani? B

  Alusmuna

  

• Songon dia do caramuna maniru habaranion ni si Jepta dohot boruna?

  Alusmuna

Rimangi ma

• Sian kisah on, aha do na boi huparsiajari taringot Jahowa?

  Alusmuna

• Aha do hubungan ni kisah on tu janji ni Jahowa taringot Paradeiso?

  Alusmuna

• Aha do na lao husukkun annon tu si Jepta dohot tu boruna molo nungnga dipahehe nasida?

  Alusmuna

Ida ma Muse on

Songon dia do teladan ni boru ni si Jepta boi mangurupi akka dongan na so menikah?

Mangulahon na Dumenggan Nang pe Ndang Marhasohotan (5:15)

Ida ma songon dia teladan ni si Jepta dohot boruna boi mangurupi hita asa toktong setia tu Jahowa.

“Las Roha ni Debata Mangida Halak na Marhaporseaon” (w16.04 3-8)