13 SI JOSUA
Diihutton Ibana do Petunjuk na So Masuk Akkal di Jolma
DITATAP si Josua ma Kota Jeriko, i ma kota na diparettahon Jahowa ikkon ditaluhon halak Israel. Diingot si Josua do hata ni Jahowa tu ibana sebelum mate si Musa. Didok Jahowa, “Ikkon barani do ho jala togu.” (5 Mus. 31:23) Dang leleng dukkon i, diulangi Jahowa do muse hatana i tu si Josua, “Ikkon barani do ho jala togu.” (Jos. 1:7) Boasa ikkon barani si Josua?
Sian godang kota di Kanaan, Kota Jeriko ma kota na parjolo na ikkon ditaluhon halak Israel. Nang pe dang balga kota i, alai kuat do partahananna ala dikalilingi tembok na balga. Marratus taon sebelumna, nungnga dipaboa Jahowa hian tu si Abraham taringot hajahaton ni halak Amori, i ma halak na tinggal di luat Kanaan. (1 Mus. 15:16) Massai jahat do halak Amori i. Manomba patung do nasida, adong na gabe pelacur di kuil, mangulahon seks dohot anggota keluargana, mangulahon seks dohot binatang, jala adong bawa na mangulahon seks dohot bawa. Bahkan dipelehon nasida do akka gellengna tu debata na so sittong. Alani i ma didok Jahowa, lao hukumonna do halak Amori. Ala massai jahat pangalaho ni nasida, naeng diusir Jahowa do nasida sian luat i. (3 Mus. 18:3, 6, 21-27) Songon dia do Jahowa pasautton hatana i?
Hira na so masuk akkal do paretta ni Jahowa tu si Josua taringot cara menyerang Kota Jeriko
Akka halak na jahat na di Kota Jeriko ma na parjolo sahali naeng dihukum Jahowa. Dipakke Jahowa ma si Josua dohot akka tentarana lao manaluhon kota i. Jala rade do nasida mangihutton petunjuk sian Jahowa. Alai tikki dilehon Jahowa petunjuk, hira na so masuk akkal do i di nasida. Alana dang disuru Jahowa asa dikepung jala diserang nasida kota i. Alai marbaris do nasida disuru Jahowa jala makkalilingi kota i sahali sadari saleleng onom ari. Jala didok Jahowa, ikkon dohot do akka malim marbaris lao makkalilingi kota i. Deba sian nasida mamboan tabut parjanjian, jala na deba nai martarompet. Di ari na papituhon, ikkon dikalilingi nasida do kota i pitu hali, dukkon i ikkon marsurak ma akka tentara i.
Nungnga jotjot si Josua dohot marporang. Molo sian sudut pandang ni pamimpin ni tentara, pasti dang boi nasida monang alana sala do strategi i. Jala molo talu halak Israel dibahen halak Jeriko, gabe barani ma halak Kanaan na adong di kota na asing lao menyerang halak Israel. Alana dirippu halak Kanaan i, umgogo do nasida sian halak Israel.
Nang pe songon i, nungnga dibahen Jahowa bukti na boi mangurupi si Josua asa porsea tu Ibana. Contohna, tikki disuru si Josua dua halak gabe mata-mata tu Jeriko, diboto nasida ma na mabiar do halak Jeriko i tu halak Israel. Asing ni i, diida si Josua do mukjizat na dibahen Jahowa tikki naeng menyeberangi Sunge Jordan halak Israel. Dibahen Jahowa do so aek ni sunge i.
Dung dirimangi si Josua i sude, gabe lam pos ma rohana tu Jahowa. Barani ma ibana lao mangulahon paretta ni Jahowa. Dipimpin ibana ma akka tentarana asa marbaris lao makkalilingi Kota Jeriko. Dohot do akka malim marbaris huhut martarompet. Aha do na diulahon halak Jeriko tikki diida nasida i? Dang adong halak Jeriko na kaluar sian kota i lao menyerang halak Israel, ala mabiar do nasida. Marsogotna i songon na diparettahon Jahowa, marbaris ma muse si Josua dohot akka tentarana lao makkalilingi kota i. Diulahon nasida ma i saleleng onom ari.
Di ari na papituhon, dikalilingi si Josua dohot akka tentarana ma kota i sappe pitu hali. Dung i didok si Josua ma tu akka tentarana, “Marsurak ma hamu. Ai nungnga dilehon Jahowa kota i tu hamu!” Tikki ‘marsurak akka tentara i, hancur ma tembok ni kota i’.
Songon na diparettahon Jahowa, dipamate si Josua dohot akka tentarana ma sude jolma dohot akka binatang na adong di kota i. Ala diurupi Jahowa do si Josua dohot akka tentarana, boi ma ditaluhon nasida godang kota dohot akka bangso. Ujungna, dipaias Jahowa ma sude kota i sian hajahaton ni halak Amori!
Alai, adong do sian tembok ni kota i na so hancur. Boasa? Alana adong do disi sahalak borua na barani jala na togu haporseaonna tu Debata. Di pasal na mangihut taparrohahon ma aha na boi tatiru sian ibana.
Jaha ma ceritana di:
Na lao dibahas:
Boha do cara ni si Josua patuduhon habaranion?
Bagas ma Parsiajari
1. Bukku na dia do di Bibel naung adong tikki masuk si Josua tu Tano na Dijanjihon? (w09 1/12 17 ¶4, surat na di toru-wcgr) A
Gambar A
2. Sebelum dikalilingi halak Israel Kota Jeriko, aha do na didok Jahowa tu si Josua? Jala boasa hira na so masuk akkal petunjuk ni Jahowa i? (Jos. 5:2-8; w18.10 17 ¶5-7)
3. Holan di bagasan satokkin do ditaluhon halak Israel Kota Jeriko. Aha ma buktina? (w15 15/11 13-wcgr) B
Kennedy, Titus (2023). The Bronze Age Destruction of Jericho, Archaeology, and the Book of Joshua. Accessed via researchgate.net. Licensed under CC BY 4.0
Gambar B: Piga-piga gucci na marisi biji-bijian naung matutung na didapot di reruntuhan ni Kota Jeriko
4. Songon dia do surirang taringot Kota Jeriko na disurat di Josua 6:26 dipasaut? (w98 15/9 21 ¶8-wcgr)
Pikkirhon ma Aha Parsiajaranna
Aha do na paposson roha ni si Josua na ikkon saut do sude janji ni Jahowa? (Jos. 23:14) Songon si Josua, aha do na boi mambahen pos rohatta tu janji ni Jahowa?
Songon dia do teladan ni si Josua boi mangurupi hita lao mangihutton petunjuk sian organisasi ni Jahowa? C
Gambar C
Songon dia do caramuna maniru habaranion ni si Josua?
Rimangi ma
Sian kisah on, aha do na boi huparsiajari taringot Jahowa?
Aha do hubungan ni kisah on tu janji ni Jahowa taringot Paradeiso?
Aha do na lao husukkun annon tu si Josua molo nungnga dipahehe ibana?
Ida ma Muse on
Songon dia do teladan ni si Josua boi mangurupi hita asa marsiajar sian akka halak naung matua, porsea tu janji ni Jahowa, jala toktong setia nang pe haccit rohatta dibahen dongan sahaporseaon?
“Akka na Diingot si Josua” (w02 1/12 9-12-wcgr)
Urupi ma gellengmuna marsiajar sian kisah ni si Josua.