14 SI RAHAB
Marpihak tu Jahowa do Ibana Dang tu Bangsona
ADONG ma sahalak borua pelacur na margoar si Rahab, na tinggal di sada jabu di tembok ni Kota Jeriko. Di Bibel, didok do Kota Jeriko “kota hau palem”. Sian jandela ni jabu ni si Rahab na menghadap tu luar ni kota i, boi do diida ibana pemandangan na massai uli. (5 Mus. 34:3) Alai di bagas kota i, diida ibana ma akka halak mabiar jala marsak. Boasa?
Alana nungnga markemah halak Israel di jonok ni Kota Jeriko. Hira-hira 40 taon sebelumna, diselamatton Jahowa do halak Israel. Dipamate Jahowa do si Firaun dohot akka tentarana di Laut Merah. Sebelum markemah pe halak Israel di jonok ni Kota Jeriko, diurupi Jahowa do nasida manaluhon si Sihon dohot si Og, i ma raja ni Amori na massai gogo. Luar biasa do on, alana pengembara do halak Israel di tikki i dang tentara. Diboto halak Jeriko do na didongani Jahowa halak Israel, jala diboto nasida do na lao dipamate Jahowa nasida alani pangalaho ni nasida na massai jahat.
Si Rahab pe, diboto ibana do na massai jahat halak Jeriko i. Jala sebenarna maila do ibana gabe pelacur. Pasti lomo do roha ni si Rahab asa lam denggan ngoluna. Jadi tikki dibege si Rahab taringot Jahowa, dang gabe mabiar ibana. Justru kagum do ibana jala lomo rohana naeng mananda Jahowa. Alana Debata na adil jala na badia do Jahowa i. Diargai jala dilindungi Ibana do akka naposona, dang songon debata na disomba halak Kanaan.
Di sada tikki, adong ma dua bawa na so ditanda si Rahab ro tu jabuna lao mangalului penginapan, jala nungnga borngin di tikki i. Pittor diboto si Rahab do na mata-mata ni halak Israel do dua bawa i. Alai dang holan si Rahab na mamboto on. Adong do tong halak Jeriko na mamboto, jala dipaboa ma tu raja. Alani i disuru raja i ma halak lao tu jabu ni si Rahab asa ditakkup dua mata-mata i. Keputusan aha do na lao dibahen si Rahab? Marpihak tu bangsona do manang tu Jahowa? Massai penting do keputusanna i, alana boi do i mambahen muba ngoluna.
Barani do si Rahab marpihak tu Jahowa. Ditabunihon ibana do dua mata-mata i di atap ni jabuna, jala didok ibana do tu halak na disuru raja i naung lao mata-mata i. Dung lao halak na disuru raja i, nakkok ma si Rahab tu atap ni jabuna lao mandapotton mata-mata i. Jala dipaboa si Rahab do boasa ditabunihon ibana nasida. Didok ibana, “Huboto do naeng lehonon ni Jahowa kota on tu hamu.” Porsea do si Rahab tu Debata ni halak Israel! Didok ibana do muse, ‘Mabiar situtu do halak Jeriko tu halak Israel.’ Mambege i gabe dipatogu ma roha ni dua mata-mata i. Jala dipangido si Rahab do tu nasida asa dilindungi annon ibana dohot keluargana tikki dihancurhon Jahowa Kota Jeriko.
Aha do na mambahen si Rahab marpihak tu Jahowa jala dang gabe pelacur be?
Ala diselamatton si Rahab nasida jala diida nasida na togu do haporseaonna tu Jahowa, dioloi dua mata-mata i ma pangidoan ni si Rahab i. Alai disuru nasida do asa unang dipaboa si Rahab manang tu ise pe taringot nasida. Didok nasida do muse tu si Rahab, ikkon diikkat ibana do tali na merah di jandela na menghadap tu luar ni tembok ni kota i, jala dang boi adong manang ise pe na kaluar sian jabu i saleleng diserang halak Israel kota i. Molo dioloi si Rahab i, selamat ma ibana dohot keluargana.
Diurupi si Rahab do dua mata-mata i kaluar sian kota i. Dipaturun ma nasida sian jandela mamakke tali. Diulahon si Rahab do sude na didok ni nasida i. Diikkat ibana do tali na merah di jandelana jala dang dipaboa ibana manang tu ise pe taringot mata-mata i. Porlu do habaranion di si Rahab lao mangulahon i. Alana, molo tarboto i tu akka halak na di kota, boi do gabe si Rahab na dipamate. Dipapungu ibana ma sude keluargana di jabuna songon na didok ni mata-mata i. Tikki dibege ibana dibahen Jahowa dang mardalan aek ni Sunge Jordan asa boi menyeberang halak Israel, gabe lam pos ma roha ni si Rahab tu keputusan na binahenna i. Aha ma na terjadi dukkon i?
Marbaris ma akka tentara ni halak Israel makkalilingi Kota Jeriko saleleng pitu ari. Gabe mabiar hian ma halak Jeriko di tikki i. Dung i, di ari na papituhon tikki martarompet akka malim i jala marsurak akka tentara ni Israel, hancur ma tembok ni Kota Jeriko. Alai dang hancur jabu ni si Rahab. Selamat do ibana dohot keluargana ala dioloi nasida na didok ni mata-mata i. Alani i, didok si Josua ma tu dua mata-mata i asa diboan si Rahab dohot keluargana kaluar sian kota i. Ujungna gabe bagian sian bangso Israel ma si Rahab. Menikah ma ibana tu halak Israel jala marianakkon. Marratus taon dukkon i, tubu ma sahalak bawa na paling barani sian keturunan ni si Rahab, i ma Jesus Kristus. (Mat. 1: 5, 16) Takkas ma, dipasu-pasu Jahowa do si Rahab alani habaranion dohot haporseaonna.
Jaha ma ceritana di:
Na lao dibahas:
Boha do cara ni si Rahab patuduhon habaranion?
Bagas ma Parsiajari
1. Patorang ma songon dia do parngoluan ni si Rahab tikki di Jeriko. (w13 1/11 12 ¶4–13 ¶1-wcgr)
2. Sian dia do taboto molo tujuan ni mata-mata i manginap di jabu ni si Rahab, dang na lao mangulahon seks na so patut? (it “Pelacur” ¶16-wcgr)
3. Boasa godang batang ni rami di atap ni jabu ni si Rahab, jala tu aha do dipakke rami i? (it “Rami” ¶2-4-wcgr) A
Thanks for your interest in my photos/Moment Open via Getty Images
Gambar A: Ladang na marisi tanaman rami
4. Boasa dang sala si Rahab tikki didok ibana naung lao mata-mata i sian kota i? (w04 1/12 9 ¶1-wcgr) B
Gambar B
Pikkirhon ma Aha Parsiajaranna
Boasa ikkon barani si Rahab maninggalhon ulaonna gabe pelacur jala rap dohot bangso Israel lao manomba Jahowa? Jala aha do na boi ditiru sahalak parsiajar Bibel sian si Rahab?
Bibel mandok, dang boi hita margabus. Alai aha do na boi tatiru sian si Rahab tikki adong musu na mamaksa hita paboahon informasi taringot akka dongan sahaporseaon? (Poda 11:13; Pjm. 3:7; Eps. 4:25) C
Gambar C
Gambar C
Songon dia do muse caramuna maniru habaranion ni si Rahab?
Rimangi ma
Sian kisah on, aha do na boi huparsiajari taringot Jahowa?
Aha do hubungan ni kisah on tu janji ni Jahowa taringot Paradeiso?
Aha do na lao husukkun annon tu si Rahab molo nungnga dipahehe ibana?
Ida ma Muse on
Sian kisah ni si Rahab, aha do na ikkon taulahon asa boi hita selamat sian ari ni Jahowa?
“Ikkon Didia do Annon Hamu Tikki Ro Ari ni Jahowa?” (w09 15/5 6-8-wcgr)
Pakke ma komik ni Bibel on lao mangurupi anakkonmuna membayakkon kisah ni si Rahab.