Tetap do Setia Ibana tu Debatana

TIKKI melarikan diri si Musa sian Mesir, tubu ma sada dakdanak na margoar si Kaleb. Halak Israel do bapak dohot omakna na gabe hatoban di Mesir. Alai tikki marumur hira-hira 40 taon si Kaleb, mulak ma si Musa tu Mesir lao paluahon halak Israel. Jadi, dohot do si Kaleb mangida songon dia Jahowa patuduhon huasona. Pasti longang do rohana tikki mangida Jahowa mambahen Sappulu Tulah, mambola Laut Merah, jala paluahon halak Israel sian Mesir.

Pasti dang tarlupahon si Kaleb sude peristiwa i jala lam togu do haporseaonna alani i. Tetap do setia ibana tu Jahowa nang pe godang halak Israel na mangalo tu Jahowa tikki di Dolok Sinai, dung piga-piga bulan nasida kaluar sian Mesir. Dang leleng dukkon i, dilehon si Musa ma tugas na massai penting tu si Kaleb, tu si Josua, dohot tu sappulu pamimpin ni halak Israel na asing. Disuru do nasida gabe mata-mata lao mangida Tano na Dijanjihon i.

Borhat ma mata-mata na 12 i tu Kanaan. Halak na barani do nasida. Saleleng 40 ari ma di mata-matai nasida kota i lao mangida songon dia situasina, songon dia akka halak disi, jala songon dia hasil ni tano disi. Dung i, mulak ma akka mata-mata i. Diboan do piga-piga jenis ni buah-buahan, termasuk ma satandan anggur na balga. Alani balga ni tandan ni anggur i, ikkon dua halak ma na mamboan. Alai adong sappulu sian 12 mata-mata i na ‘torus paboahon barita na so tutu taringot tu luat Kanaan’. Didok nasida, dang tolap bangso i manaluhon halak Kanaan. Alana balga-balga jala gogo do akka halak na tinggal disi. Didok nasida muse, keturunan ni Nepilim do halak Kanaan i. Sebenarna dang masuk akkal laporan ni nasida i, alana nga mate sude halak Nepilim di Air Bah. Pasti kecewa hian do si Kaleb mambege laporan ni sappulu mata-mata i. Boha molo halak Israel? Alani laporan i, gabe mabiar hian ma nasida. Dipangido nasida ma asa dipillit pamimpin na baru lao mamboan nasida mulak tu Mesir.

Dang terpengaruh si Kaleb dohot si Josua tu laporan na so tutu i. Berupaya do nasida patoguhon roha ni halak Israel asa unang mabiar. Didok nasida ma, “Donganan ni Jahowa do hita . . . unang pola mabiar hamu tu nasida.” Alai dang porsea halak Israel. Justru gabe muruk do nasida. Bahkan, naeng dilempari nasida do si Kaleb dohot si Josua mamakke batu.

Gabe kecewa hian ma Jahowa tu halak Israel. Nang pe nga godang mukjizat na dibahen Jahowa lao paluahon nasida sian halak Mesir, alai tong do dang togu haporseaon ni nasida. Alani i, dihukum Jahowa ma halak Israel na so setia i. Didok Jahowa na lao mate do nasida sude di padang belantara.a Alai, las do roha ni Jahowa mangida haporseaon na dipatudu si Kaleb dohot si Josua. Bahkan taringot si Kaleb didok Jahowa do, “Anggo si Kaleb naposokki, asing do rohana sian na asing. Torus do diihutton ibana Au sian nasa rohana.” Alani i, dang dohot dihukum mate si Kaleb dohot si Josua. Dipaloas Jahowa do nasida masuk tu Tano na Dijanjihon i.

Saleleng 40 taon ma halak Israel tinggal di padang belantara. Torus do dipatudu si Kaleb haporseaon dohot habaranion. Buktina, torus do didukung ibana si Musa. Dung mate pe si Musa, torus do didukung ibana si Josua, halak na dipillit Jahowa lao mamimpin bangso Israel mardalan mangalewati Sunge Jordan lao masuk tu Tano na Dijanjihon. Bahkan dung matua pe si Kaleb, barani do ibana marporang mangalo akka musu ni Jahowa na di Kanaan.

Nungnga salpu onom taon dung menyeberang halak Israel sian Sunge Jordan. Jala nungnga godang wilayah Kanaan na ditaluhon nasida. Ujungna, lao dipillit si Kaleb ma naeng di kota dia ibana tinggal. Jadi dipillit ibana ma Kota Hebron. Najolo, sai didok sappulu mata-mata na so porsea i do dang mungkin boi ditaluhon kota i, alana balga-balga jala gogo do akka halak di kota i. Alai nang pe songon i, pos situtu do roha ni si Kaleb tu Jahowa. Didok ibana do, “Donganan ni Jahowa do au. Jala hupalao nama nasida songon janji ni Jahowa.” Jala tutu do songon i na masa. Nang pe naung marumur 85 taon si Kaleb di tikki i, marhasil do ibana manaluhon Kota Hebron jala tinggal disi. Dukkon i, dang adong be porang di luat i.

Marpulu taon sebelumna, hea do didok si Musa tu si Kaleb, “Nungnga dioloi ho Jahowa Debatakku sian nasa roham.” Pasti i do na torus diulahon si Kaleb sahat tu na mate ibana. Pos do rohatta tikki dipahehe si Kaleb haduan, pasti torus do dioloi ibana Jahowa sian nasa rohana.

Jaha ma ceritana di:

• 4 Musa 13:1–14:​12, 20-38

• Josua 14:​6-15

Na lao dibahas:

Boha do cara ni si Kaleb patuduhon habaranion?

Bagas ma Parsiajari

1. 1. Tutu do balga tandan ni buah anggur di Tano na Dijanjihon songon na dipaboa di 4 Musa 13:23? (w06 15/6 16 ¶1-2-wcgr)

   Alusmuna

2. 2. Tutu do godang “susu dohot madu” di Tano na Dijanjihon songon na didok si Kaleb dohot si Josua? (4 Mus. 14:8; w11 1/3 15-wcgr) A

   Alusmuna

   

   Institute of Archaeology/Hebrew University © Tel Rehov Excavations

3. 3. Tikki disuru si Musa 12 mata-mata na sian Kades, hira-hira sadia nai ma jarak ni halak Israel tu Tano na Dijanjihon? (w04 15/10 17 ¶11-12-wcgr) B

   Alusmuna

   

4. 4. Aha do pasu-pasu na dilehon Jahowa tu si Kaleb ala togu haporseaonna jala barani? (w06 1/10 18 ¶11-wcgr)

   Alusmuna

Pikkirhon ma Aha Parsiajaranna

• Dohot do si Kaleb gabe pengembara di padang belantara rap dohot halak Israel nang pe dang dohot ibana mangulahon na sala. Alai tetap do dipatudu si Kaleb serep ni roha jala porsea tu Jahowa. Di situasi na songon dia do boi tatiru si Kaleb?

  Alusmuna

• Songon dia do teladan ni si Kaleb boi mangurupi hita asa unang ‘mangihutton halak na mangulahon na jahat’? (2 Mus. 23:2) C

  Alusmuna

  

• Songon dia do muse caramuna maniru habaranion ni si Kaleb?

  Alusmuna

Rimangi ma

• Sian kisah on, aha do na boi huparsiajari taringot Jahowa?

  Alusmuna

• Aha do hubungan ni kisah on tu janji ni Jahowa taringot Paradeiso?

  Alusmuna

• Aha do na lao husukkun annon tu si Kaleb molo nungnga dipahehe ibana?

  Alusmuna

Ida ma Muse on

Ida ma songon dia haporseaon ni si Kaleb boi mambahen ibana gabe barani.

“Gabe Barani ala Porsea tu Debata jala Makkabiari Ibana” (w06 1/10 16-19 ¶1-12-wcgr)

Tikki marumur 85 taon si Kaleb didok ibana do, “Huoloi do Jahowa Debatakku sian nasa rohakku.” Boasa pos rohana mandok songon i? (Jos. 14:8)

“Dioloi Hamu do Jahowa sian Nasa Rohamuna?” (w93 15/5 26-29-wcgr)