4 SI ABRAHAM
Halak na Parjolo Dohot tu Parporangan ni Jahowa
DIBAHEN Jahowa do sada janji na luar biasa tu sahabatna si Abraham. Balga do pengaruh ni janji on tu sude jolma na mangolu di tano on. Didok Jahowa do, “Bahenokku ma pinopparmu gabe bangso na bolon.” Jala dipatudu Jahowa do tu si Abraham didia luat na lao diingani pinopparna annon. (1 Mus. 12:2; 13:14, 15) Sian keturunan ni si Abraham do lao tubu ‘pinoppar’ na dijanjihon i, na lao manghancurhon Sibolis dohot portibi na jahat on. (1 Mus. 3:15) Alai dang lomo roha ni Sibolis saut janji ni Jahowa i. Alani i, naeng dipamate ibana do si Abraham asa unang adong keturunanna.
Berupaya do Sibolis mambahen susa si Abraham dohot keluargana. Contohna, dibahen Sibolis do menderita si Lot anak ni abangna. Sebelumna, dilehon si Abraham do kesempatan tu si Lot mamillit didia ibana naeng tinggal di Tano na Dijanjihon i. Dipillit si Lot ma daerah na jonok tu Kota Sodom. Subur do luat i jala mamora do akka halak na disi. Alai didok di Bibel, “Massai jahat do halak Sodom. Diulahon nasida do dosa na balga tu Jahowa.” (1 Mus. 13:8-13) Aha ma na dibahen Sibolis asa menderita si Lot? Di sada tikki, bekerja sama ma raja ni Sodom dohot opat raja ni Kanaan lao menyerang raja ni Elam, ala dang olo be nasida manggarar pajak tu raja i. Ujungna, dialo raja ni Elam ma nasida. Bekerja sama do tong raja ni Elam dohot tolu raja na asing na sian luat na dao. Monang ma raja ni Elam jala dibuat nasida ma akka barang jarahan sian raja ni Sodom dohot opat raja ni Kanaan i. Jala diboan ma si Lot dohot keluargana gabe tawanan.
Adong 318 bawa na dipimpin si Abraham lao mengejar jala menyerang opat raja dohot akka tentarana
Aha ma na lao diulahon si Abraham? Sebenarna, boi do dang diurupi ibana si Lot. Alana si Lot do na mamillit tinggal di jonok ni Sodom. Manang boi do didok rohana, asa boi diselamatton ibana si Lot, ikkon dialo do raja ni Elam dohot akka raja na asing. Hape dang sahalak tentara si Abraham. Parmahan do ibana jala tinggal di kemah. Asing ni i muse, bekerja sama do raja ni Elam dohot raja ni Sinear. Hape di wilayah Sinear do Kota Ur, huta ni si Abraham. Jadi molo dialo ibana raja i, olo do dang dipaloas ibana mulak tu hutana i. Alai dang songon i cara marpikkir ni si Abraham. Diboto ibana do na lomo roha ni Jahowa asa diselamatton ibana si Lot.
Adong lobi sian 1.000 halak na tinggal di kemah ni si Abraham. Sian nasida, dipapungu si Abraham ma 318 halak bawa na tarlatik. Dung i, diparade ma nasida lao marporang. Asing ni nasida, adong do muse piga-piga halak na olo mangurupi si Abraham. Lao ma nasida sude tu utara tu jonok ni Dan. Disi ma nasida pajuppang dohot akka musuna. Dibahen si Abraham ma strategi. Dibagi ma akka bawa i gabe piga-piga kelompok, jala berencana ma nasida menyerang akka musu i di tikki borngin. Nang pe otik jumlah ni nasida, alai boi do ditaluhon nasida akka musu i. Dung i, melarikan diri ma akka musu i. Dikejar si Abraham ma opat raja i dohot akka tentarana sahat tu Hoba di sabola utara ni Damaskus. Disi ma dipamate si Abraham nasida. Diboan si Abraham ma muse akka tawanan dohot akka barang na dijarah sian Kanaan. Gabe selamat ma si Lot dohot keluargana!
Las do roha ni Jahowa mangida habaranion dohot haporseaon na dipatudu si Abraham. Aha ma buktina? Taida ma na masa tikki lewat si Abraham sian Kota Salem. Raja ni kota i, i ma si Melkisedek. Malim ni Jahowa do tong ibana. Kaluar ma raja i sian kota lao manjuppangi si Abraham, jala dipangido ibana ma tu Jahowa asa dipasu-pasu si Abraham. Dung i, dilehon si Abraham ma tu si Melkisedek saparsappulu sian jarahan na dibuat ibana i.
Sian on taboto ma, dang lao pasangappon dirina umbahen na marporang si Abraham, alai lao pasangappon Jahowa do. Jala dang mangandalhon gogona sandiri si Abraham, alai mangandalhon bantuan ni Jahowa do. Adong do dipaboa di Bibel taringot “Bukku Parporangan ni Jahowa”. (4 Mus. 21:14) Parporangan ni si Abraham do ra na parjolo sahali disurat di bukku i. Marratus taon dukkon i, tikki marporang keturunan ni si Abraham mangalo halak Kanaan na tinggal di Tano na Dijanjihon i, torus do dibahen Jahowa nasida monang.
Alai dung mangalo nasida tu Jahowa, dang dilindungi Jahowa be nasida. Jala dang holan i. Ala ditolak nasida Anakna na gabe Messias, dang bangso na dipillit Jahowa be nasida. Alani i, dipillit Debata ma akka halak na miniahan gabe bangsona. Nasida ma na lao mangolu tu surgo jala digoari do nasida Israel ni Debata. Memang, dang disuru Jesus akka siseanna marporang. (Mat. 26:52) Alai disuru Jesus do hita mangalo Sibolis dohot akka ajaranna na sala. Dibahen Jesus do teladan tikki di tano on ibana. Dipatudu ibana do, asa boi toktong setia hita tu Jahowa, ikkon barani do hita dos songon tentara na marporang.
Jaha ma ceritana di:
Na lao dibahas:
Sian kisah on, boha do cara ni si Abraham patuduhon habaranion?
Bagas ma Parsiajari
1. Aha do bukti na patuduhon na tutu do terjadi peristiwa na dipaboa di pasal on? (w89 1/7 5 ¶4–6 ¶1-wcgr)
2. Menurut Bibel, didia do Sodom dohot Gumora i? Aha do buktina na tutu do adong kota i? (it “Laut Sira” ¶6-wcgr) A
BestTravelPhotography/iStock via Getty Images Plus
Gambar A: Sahat tu saonari, adong do pohon kurma dohot akka suan-suanan na asing na tubu di pinggiran ni pantai Laut Garam. Dison do ra lokasi ni Kota Sodom najolo
3. Didok do si Melkisedek i raja dohot malim di Kota Salem. Didia do Salem i? (it “Salem”-wcgr)
4. Aha do persamaan ni si Melkisedek tu Jesus? (it “Sintua ni Malim” ¶27-28-wcgr) B
Gambar B
Pikkirhon ma Aha Parsiajaranna
Dilehon si Abraham do kesempatan tu si Lot asa mamillit luat na dumenggan. Songon dia do caratta maniru si Abraham tikki berurusan dohot keluargatta, akka dongan sahaporseaon, dohot na asing? C
Gambar C
Aha do na boi taparsiajari sian cara ni si Abraham tikki menyelamatton si Lot?
Songon dia do caramuna maniru habaranion na dipatudu si Abraham di kisah on?
Rimangi ma
Sian kisah on, aha do na boi huparsiajari taringot Jahowa?
Aha do hubungan ni kisah on tu janji ni Jahowa taringot Paradeiso?
Aha do na lao husukkun annon tu si Abraham manang tu si Lot molo nungnga dipahehe nasida?
Ida ma Muse on
Aha do na mambahen gabe pos situtu roha ni si Abraham tu Jahowa?
Songon dia do cara ni si Abraham patuduhon habaranion bahkan sebelum kaluar ibana sian Ur?
“Si Abraham—Sahalak Bawa na Barani” (w12 1/1 6-7-wcgr)