Dang Diingot-Ingot Ibana Akka Naung Salpu

MENIKAH ma si Sara tu si Abraham, bawa na dihaholongi ibana. Nasida tinggal di Ur na adong di wilayah Sinear, i ma sada kota na dikalilingi tembok na jonok tu Sunge Euprat. Manomba patung do akka halak di kota i. Alai molo si Abraham, Debata na sittong do na disomba ibana, i ma Jahowa. Si Sara pe porsea do tu Jahowa. Alai, adong ma situasi na manguji haporseaon dohot habaranion ni si Sara. Aha ma i?

Sada tikki makkatai ma Jahowa tu si Abraham, las hian do roha ni si Sara mamboto i. Alai dung dipaboa si Abraham tu si Sara aha na nidok ni Jahowa tu ibana, tarsonggot do ra si Sara. Disuru Jahowa do nasida maninggalhon jabuna dohot keluargana na di Ur. Dang mura mangulahon i. Alana di Kota Ur, adong do tembok dohot panjaga kota na boi melindungi nasida jala adong do muse pasar. Balga do jabu ni nasida, adong saluran aek na ias di jabu i, jala manang aha pe na dihaporluhon nasida adong do di kota i. Hape saonari, ikkon ditinggalhon nasida ma i sude. Ikkon lao do nasida dohot akka parkarejona tu inganan na dao jala leleng do pardalanan tusi. Asing ni i, ikkon tinggal di kemah do nasida. Nang pe songon i, toktong do dioloi si Sara paretta ni Jahowa. Alana pos situtu do rohana tu Jahowa. Dipapungu ibana ma akka barangna jala permisi tu keluarga dohot akka donganna. Dung i, berangkat ma ibana dohot si Abraham, nang pe dang diboto dope tudia nasida lao.

Saleleng di pardalanan, sai dipatudu si Sara do habaranion. Apostel Paulus mandok, “Autsugari sai diingot nasida inganan na ditinggalhon nasida i, sasittongna boi dope nasida mulak tusi.” (Heb. 11:15) Sebenarna boi do diingot si Sara parngoluonna tikki di Ur dohot sude na hea dinikmati ibana disi. Alai dang diingot-ingot ibana be i sude.

Dung sahat nasida di Kanaan, diida si Sara ma dang adong sunge na balga disi songon Sunge Euprat. Jadi, dang adong akka partiga-tiga sian luat na asing na ro tusi lao manggadis akka sipanganon dohot akka barang na asing. Alani i, tikki masa haraparon di Kanaan, ikkon pinda do muse nasida. Nang pe susa ngoluna, dang gabe dipaksa si Sara suamina asa mulak muse tu Ur. Justru, olo do ibana lao tu Mesir rap dohot si Abraham.

Bagak do rupa ni si Sara. Alani i, gabe mabiar do si Abraham sotung dipamate halak ibana asa boi dibuat si Sara gabe istrina. Jadi asa unang dipamate si Abraham, dipangido ibana ma asa didok si Sara molo ibana ibotona. Tikki dibege si Firaun raja ni Mesir na massai bagak do si Sara i, disuru ibana ma hatobanna mamboan si Sara tu istanana. Pasti nyaman jala aman do molo tinggal di istana. Uttabo do i sian apala tinggal di kemah jala marpinda-pinda. Alai, gabe ditinggalhon si Sara do si Abraham jala rap tinggal dohot si Firaun? Daong. Dipatudu si Sara do haporseaon na togu, jala tetap do ibana setia tu suamina. Ujungna, dipalua Jahowa ma ibana sian si Firaun! Jala mulak ma ibana muse tu suami na dihaholongina i.a

Adong sada tantangan na dihadapi si Sara na mambahen ibana marsak. Dang boi ibana marianakkon. Hape marjanji do Jahowa lao mambahen pinoppar ni si Abraham gabe bangso na balga. Alai dung piga-piga taon nasida tinggal di Kanaan, dipasu-pasu Jahowa ma si Sara. Marianakkon ma ibana tikki marumur 90 taon. Disuru Jahowa ma asa dibahen nasida goar ni anak i si Isak, na artina “Mekkel”. Boasa? Alana tikki dipaboa na naeng marianakkon nasida, mekkel jala marlas ni roha do si Abraham dohot si Sara mambege i. Jala pos do roha ni si Sara, pasti mekkel do tong halak na asing molo dibege taringot mukjizat on.

Marhasil do si Sara mangurupi si Isak asa gabe bawa na makkaholongi Jahowa. Boi pe songon i ala barani do si Sara melindungi si Isak jala denggan do diurus ibana anakna i. Sahat tu ujung ni ngoluna, dang olo si Sara mangingot-ingot akka na salpu, i ma parngoluonna tikki di Kota Ur. Gariada, tetap do fokus si Sara tu upa na lao dijalo ibana di ari na naeng ro. Memang, dang sanga dope diida si Sara saut sude janji ni Jahowa i. Alai satokkin nai, pasti idaon ni si Sara dohot si Abraham do saut sude janji ni Jahowa!

Jaha ma ceritana di:

• 1 Musa 12:​1-20; 15:18; 16:​1, 2; 17:​3-8, 15-19; 18:​9-15; 20:​1-17; 21:​1-13

• Ulaon ni Apostel 7:​1-7

Na lao dibahas:

Boha do cara ni si Sara patuduhon habaranion?

Bagas ma Parsiajari

1. 1. Boasa boi menikah si Sara tu si Abraham, hape na mariboto do nasida? (wp17.3 12 ¶5, surat na di toru)

   Alusmuna

2. 2. Akka aha do hira-hira na ditinggalhon si Sara di Ur? (wp17.3 13 ¶4–14 ¶2) A

   Alusmuna

   

   Photograph taken by courtesy of the British Museum

3. 3. Boasa tadok na marbisuk do si Abraham tikki dipangido ibana asa didok si Sara molo ibana ibotona? (wp17.3 14 ¶6–15 ¶2)

   Alusmuna

4. 4. Unduk do si Sara tu si Abraham. Alai na gabe so boi do si Sara mangalehon pandapot tu suamina i? Patorang ma. (g 1/8 29 ¶4-5-wcgr) B

   Alusmuna

   

Pikkirhon ma Aha Parsiajaranna

• Bandingkon ma si Sara tu istri ni si Lot.

  • Aha do persamaan ni nasida? (1 Mus. 12:1; 13:​5-7; 19:​12, 15)

    Alusmuna

  • Aha do perbedaan ni nasida? (1 Mus. 19:​17, 26; Luk. 17:​28-32)

    Alusmuna

  • Aha do keputusan na dibahen nasida, jala aha do hasilna? Aha do na boi taparsiajari sian i?

    Alusmuna

• Bagak do rupa ni si Sara jala na mora do suamina. Aha do na boi taparsiajari sian cara pandang ni si Sara taringot haulion dohot hamoraon? (Poda 31:30; 1 Tim. 6:​17-19)

  Alusmuna

• Songon dia do caramuna maniru habaranion ni si Sara? C

  Alusmuna

  

Rimangi ma

• Sian kisah on, aha do na boi huparsiajari taringot Jahowa?

  Alusmuna

• Aha do hubungan ni kisah on tu janji ni Jahowa taringot Paradeiso?

  Alusmuna

• Aha do na lao husukkun annon tu si Sara molo nungnga dipahehe ibana?

  Alusmuna

Ida ma Muse on

Holan tu akka istri do cocok teladan ni si Sara on? Manang, boi do tong akka suami maniru teladan ni si Sara?

Parsiajaran na Tadapot sian Nasida—Sara (6:27)

Ida ma aha na diulahon si Sara dohot si Abraham na mangurupi nasida asa marsipasangapan di perkawinan ni nasida.

“Toktong ma Bahen Hamu Marsigorgor ‘Api na sian Jahowa’” (w23.05 24-25 ¶15-17)