BAGIAN 3
Haccit Rohatta—Molo Adong na Mambahen ‘Haccit Rohatta’
“Adong ma sahalak donganta borua di huria na mandok hutakko hepengna. Tikki diboto akka dongan na asing i, adong do na mambela ibana. Alai di pudian ni ari, disadari donganta borua i ma dang sala au hape. Ujungna dipaboa ibana ma i tu au jala minta maap ma ibana. Alai didok rohakku, dang boi humaappon ibana, alana nungnga sanga haccit rohakku dibahen.”—Si Linda.
BOI do dihilala hamu songon dia perasaan ni si Linda? Haccit hian do rohana dibahen dongan sahaporseaon. Adong do piga-piga dongan sahaporseaon na menghadapi situasi na sarupa na mambahen ibana gabe mandao sian huria. Songon i do tong na dihilala hamu?
“Dang Adong na Boi Manirang Hita sian Holong ni Debata”
Tikki adong dongan sahaporseaon na mambahen haccit rohatta, pasti dang mura lao memaappon nasida. Olo do ra didok rohatta, seharusna ikkon marsihaholongan do molo halak Kristen. (Johannes 13:34, 35) Tikki dibahen dongan sahaporseaon na so adil tu hita, olo do gabe kecewa hita jala lungun rohatta.—Psalmen 55:12.
Didok di Bibel, sipata olo do gabe haccit roha ni naposo ni Jahowa alani pambahenan ni dongan sahaporseaonna. (Kolosse 3:13) Alai tikki hita sandiri na makkilala i, boi do gabe tantangan i tu hita. Aha do na boi mangurupi hita? Pikkirhon ma tolu prinsip ni Bibel on:
Diboto Bapakta na di surgo i do sude. Manang aha pe na terjadi tu hita, diboto Jahowa do i. Termasuk ma i tikki dibahen na so adil tu hita jala aha pengaruhna tu hita. (Heber 4:13) Asing ni i tikki susa hita, dohot do lungun roha ni Jahowa. (Jesaya 63:9) Dang pasombuon ni Jahowa manang aha pe lao ‘manirang hita sian holongna’, termasuk ma i “hasusaan dohot arsak ni roha”, bahkan pambahenan ni akka dongan sahaporseaon. (Rom 8:35, 38, 39) Alani i, unang ma tapaloas manang aha pe jala manang ise pe manirang hita sian holong ni Jahowa.
Mengampuni dang berarti setuju hita tu na diulahonna i. Tikki tamaappon halak na marsala tu hita, dang na berarti taabaihon kesalahanna i manang gabe setuju hita tu pambahenanna i. Taingot ma, dang hea setuju Jahowa tu dosa na diulahon sasahalak. Alai molo benar-benar bertobat ibana pasti diampuni Jahowa do. (Psalmen 103:12, 13; Habakuk 1:13) Tikki dipangido Jahowa asa taampuni halak na asing, na maniru Ibana do hita disi. Dang “muruk [Jahowa] tu hita sahat tu saleleng ni lelengna.”—Psalmen 103:9; Mateus 6:14.
Hita sandiri do na rugi molo torus haccit rohatta. Aha do maksudna? Pikkirhon ma contoh on. Misalna, ditiop hamu ma sada batu na boratna sakilo huhut dibahen hamu tanganmuna i tu jolo. Memang dang pola maol i molo holan satokkin. Alai boha do molo leleng i ditiop hamu? Piga leleng do hamu sanggup maniop i? Holan piga-piga menit, sajom, manang ulleleng sian i? Memang dang muba borat ni batu i. Alai molo lam leleng i ditiop hamu, gabe haccit do tanganmuna jala hira na tamba do borat ni batu i. Sarupa songon i ma molo haccit rohatta. Molo torus tapasombu haccit rohatta, hita sandiri do na rugi. I do alana didok Jahowa tu hita asa unang sai torus haccit rohatta. Alana molo dang tapasombu torus haccit rohatta, hita sandiri do na mandapot manfaatna.—Poda 11:17.
Hita sandiri do na rugi molo torus haccit rohatta
“Huhilala Hira Jahowa Sandiri do na Makkatai Langsung tu Au”
Aha do na mangurupi si Linda asa unang torus haccit rohana? Sada carana i ma, mangarimangi akka ayat ni Bibel taringot mengampuni. (Psalmen 130:3, 4) Hona hian do tu roha ni si Linda tikki dirimangi ibana, molo olo hita mengampuni halak na asing, disesa Jahowa ma dosatta. (Epesus 4:32–5:2) Tikki dirimangi ibana akka ayat i didok ibana ma, “Huhilala hira Jahowa sandiri do na makkatai langsung tu au.”
Ujungna, dimaappon si Linda do donganta i jala dang jut be rohana. Saonari, gabe bersahabat do nasida. Torus do setia si Linda melayani Jahowa. Pos ma rohamuna, lomo hian do roha ni Jahowa mangurupi hamu asa mangulahon na sarupa.