Matéô 6:34—“Ni Tôñ Bañ Inyu Yani”

“Kekikel ni tôñ bañ inyu yani, inyule yani a’ bana yé nduña. Hiki kel i gwé yé yé nduña.”—Matéô 6:34, Ngobol mbok yondo.

“Ni tôñ bañ inyu yani, inyule yani y’a bana yé nduña. Ndutu kel yada i nkola yokel i.”—Matéô 6:34, Kaat Nyambe.

Ndoñi i kaat Matéô 6:34

Yésu nu a bi pot bibañga bini a bé sômbôl unda bôt a bé niiga le nseñ u ta bé le ba lôôha tôñ, tole ba lôôha kon woñi inyu mandutu ba nla bôma yani ni moma. Ba yoñ ndigi hiki kel kiki i nlo.

Yésu a nsômbôl bé kal le di nlama bé hoñol kii di ga boñ yani ni noma. (Bingéngén 21:5) A, bé sômbôl ndik kal bés le di toñ bañ iloo héga inyu mam ma nla tagbe yani. I nya nduña i i nla boñ le di modop, di hôya yak mam ma yé toi nseñ. Ngandak nduña y’a mélés bé mandutu di yé le di boma yani ni noma. Hog ngéda ki, mam ma ta ma bôña bé kii bés di bé hoñol.

Mam ma bi tagbe i ngéda Yésu a bi pot bibañga bi yé i kaat Matéô 6:34

Bipôdôl bi Yésu bini bi yé ikété nkwel wé i ngii hikôa, u u yé i kaat Matéô pes 5-7. Mu nkwel wé, Yésu a bi toñol le i kon wôñi yañga i nla bé lémés niñ yés to ébés yo. (Matéô 6:27) A bi unda ki le, ngéda di mbii gwéñe bi Ane Djob i bisu, di gwé bé le di tôñ inyu dilo di nlo. Djob a ntôñ bibebela ni binuga, a ga tééda yak bagwélél bé.—Matéô 6:25, 26, 28-33.