Ibebene Okpọkọ 11

Me okpọkọ yi, eji mebene ikween̄ mkpọ ofolek inu echi egebe me Ikpa Mbuban agan̄ esabe usem Giris ige. Jisọs ire ogwu emanbe me ototun̄ ukan̄ ebi kpekaan̄ ikpoko ikiluk me gwun̄ ama ge. Jisọs ikween̄ ikwaan̄ usọ me ubọk ogwu ute. Jisọs ore ogwu oboninyan̄a ebilene. Jioba igobo ọmọ ibe ire ogwu ubọọn̄ me mkpulu emen inyọn̄. Ire owu ire uga mè iyaka ire ute, tap ubọk nyi gwun̄ kwun̄ imun̄ ubọk Jioba osabe me ugbalachieen̄ igobo mbet lek ototun̄ ukan̄ mè ere gwun̄ kan̄ obomin isibi. Ikween̄ ubọk Jioba osabe inyan̄a Jisọs isan̄a me ubọk Erọdu ogwu okiweek ikpakpan̄ ọmọ. Jeen̄ gwun̄ kwun̄ si ibe ke kpunu inu geege obokọt irọ ibe nkeek Jioba ikarọ iso. Ikween̄ si ubọk Jioba osabe inyi Jọn ikwaan̄ inenen̄e oniin̄ isun̄ inyi Jisọs. Itaba iman̄ me lek ubọk Jisọs osabe ijeen̄ ibe ke ọmọ ima iriọọn̄-inu Jioba ikerere me mgbọ ikupbe ijija.