Ibebene Okpọkọ 12

Jisọs ijeen̄ ebi ene mkpọ ofolek mkpulu emen inyọn̄. Ijeen̄ ema si ibe ekebeek ibe mè erieen̄ Awaji ikup me mbuban, ama ubọọn̄ kan̄ inu, mè nkeek kan̄ irọ iso me inyọn̄ ijọn̄ yi. Ire owu ire ute mè iyaka ire uga, kpa nyi gwun̄ kwun̄ inu uriaak yi osibi inyi eji. Jisọs ikachieek ibe Setan irọ ibe ọmọ ikayaka igbe utoon̄-ejit inyi Awaji. Jisọs igobo ebi otuchieen̄ kan̄, ema enenikana ebi esabe itọbọ ọdọ mkpulu Awaji. Taba iman̄ me lek uyok uyok ejit Jisọs okaan̄be me lek ata ntọbọ-ebum. Bak me lek iweekbe itatap ubọk inyi ebi ofifi ife, Jisọs igwa ebi orukan̄, inyi ebi uraafiọọn̄ inorie, ijomo ebi ikwakwaan̄ si. Sa me irọrọ inu ukechieen̄ chi, ijeen̄ inu Awaji obosa mkpulu kan̄ irọ inyi ebilene.