Ibebene Okpọkọ 9

Okpọkọ yi ikijeen̄ eji mkpọ osilek ebi ijija, ebi nriran, mè ebi ubọọn̄ ijejeen̄ ichechieek osisibi esese me lek Jioba. Me ido Siria mè iyaka ire Aram, sọn̄ gwun̄ enenwaan̄ Ijeren ge ikaan̄ ichechieek ibe ke ogwu nriran Jioba mogwa Nieman. Ogwu nriran Ilaisia ikaan̄ utoon̄-ejit onyenye ibe ke Jioba mobem ọmọ isan̄a me ubọk ebi akọn̄ ebi ochicha kiban̄. Jeyoyada ogwu ibot ngwugwa itap ugwem kan̄ me ufe sa me ilelet gwun̄ enerieen̄ ge ekigwen Jowas inyi nga nte gwun̄ ya orere, Atalia ogwu mkpikpak ikakpan̄ gwun̄ ya. Ogwu ubọọn̄ Ejikaya ikaan̄ utoon̄-ejit ibe ke Jioba mobem Jeruselem, ikachieek ibe ukpook ebi Asiria itim igak ọmọ. Ogwu ubọọn̄ Josaya isan̄a ataak ntọbọ-ebum me Ijeren, irọ ikwaan̄ me lek uwu mbuban mè itap ubọk irọ inyi ebi Ijeren eyaka eketọbọ ebum enyi Jioba.