Vraebus

◼ Mag albei ouers die tyd rapporteer wat aan die gereelde gesinstudie bestee word?

Hoewel vaders die vernaamste verantwoordelikheid het om hulle kinders “in die dissipline en verstandsregulering van Jehovah” op te voed, het albei ouers ’n aandeel aan die opleiding van hulle kinders (Ef. 6:4). Die Bybel spoor kinders aan: “Luister, my seun, na die dissipline van jou vader, en moenie die wet van jou moeder verlaat nie” (Spr. 1:8). Een belangrike aspek van die opleiding wat ouers gee, is die gesinsbybelstudie.

In die verlede het net die ouer wat ’n gesinstudie met ongedoopte kinders gehou het, die tyd gerapporteer, al was albei ouers betrokke by die bespreking. Maar dit verander nou. As albei ouers die kinders gedurende die gesinstudie onderrig, kan albei ’n maksimum van een uur per week as velddiens tel. Oor die algemeen bestee ouers natuurlik baie meer as een uur per week aan die onderrigting van hulle kinders. Die opleiding van kinders vereis voortdurend inspanning van albei ouers (Deut. 6:6-9). Maar die maandelikse velddiensrapport moet hoofsaaklik aandui wat in die veld gedoen is. Daarom word niks meer as ’n uur per week getel nie, al duur die studie langer as ’n uur, word dit meer as een keer per week gehou of word aparte studies met die kinders gehou. Net een ouer moet die gesinsbybelstudie rapporteer, asook ’n maksimum van een herbesoek vir elke week wat die studie gehou is.