’N WYSE SPREUK

“Die wyse sal eer beërwe, maar die dwase behaal skande.”—Spr. 3:35.

’n Persoon wat ware wysheid aan die dag lê, ontvang dikwels eer wat hy nie nagestreef het nie. Hy ontvang die ongesogte eer, want ander kan sien dat hy met kennis en insig handel, dat hy ’n voorbeeldige persoon is (Spr. 12:8; 22:29). Dit is omdat hy goddelike wysheid nastreef en daarby bly (Jak. 3:13, 17). Hoe anders is dit tog met “die dwase” gesteld! Hulle gee voorkeur aan dinge wat nie ware of blywende eer bring nie, maar wat hulle uiteindelik tot skande strek. Weens dwaasheid voorsien hulle nie die gevolg nie. Watter groot verskil bestaan daar tog tussen “die wyse” en “die dwase”!