DIE CHRISTELIKE LEWENSWYSE
Versterk jou geloof in God se Woord
God se Woord kan ons lewens verander (Heb 4:12). Maar om by die Bybel se leiding, instruksies en raad baat te vind, moet ons oortuig wees dat dit werklik “die woord van God” is (1Te 2:13). Hoe kan ons ons geloof in die Bybel versterk?
Lees ’n gedeelte van die Bybel elke dag. Terwyl jy lees, soek na bewyse dat Jehovah die Skrywer is. Byvoorbeeld, ondersoek die raad in die boek Spreuke, en kyk hoe die wysheid daarin op ons lewens vandag toegepas kan word. – Spr 13:20; 14:30.
Begin ’n studieprojek. Raak bekend met die bewyse dat die Bybel geïnspireer is. In die Navorsingsgids vir Jehovah se Getuies, kyk onder die onderwerp “Die Bybel” en dan “Deur God geïnspireer”. Jy kan ook jou geloof versterk dat die Bybel se boodskap nie verander het nie deur die inligting in Aanhangsel A3 van die Nuwe Wêreld-vertaling te ondersoek.
KYK NA DIE VIDEO HOEKOM ONS GELOOF HET IN . . . GOD SE WOORD, EN BEANTWOORD DAN DIE VOLGENDE VRAE:
Hoe bevestig die ontdekking van ’n tempelmuur in Karnak, Egipte, die betroubaarheid van God se Woord?
Hoe weet ons dat die Bybel se boodskap nie verander het nie?
Hoe bewys die feit dat die Bybel nog steeds vandag bestaan dat dit die Woord van God is? – Lees Jesaja 40:8