**Verbeter jou vaardighede in die bediening—Bied die Leer Bybel-boek aan**

Waarom dit belangrik is: Die Leer Bybel-boek is een van ons vernaamste onderrigmiddels. Maar voordat ons hierdie boek met iemand kan studeer, moet ons dit eers by hom laat. Daarom moet ons almal probeer om die Leer Bybel-boek op ’n vaardige wyse in die bediening aan te bied (Spr. 22:29). Daar is baie maniere om hierdie boek aan te bied, en verkondigers moet ’n aanbieding gebruik wat vir hulle werk.

Hoe om dit te doen:

Vra ’n gedagteprikkelende vraag wat jy kan gebruik om die huisbewoner se aandag op ’n spesifieke hoofstuk in die boek te vestig. Jy kan selfs een van die vrae gebruik wat aan die begin van elke hoofstuk verskyn. Nadat die huisbewoner geantwoord het, kan jy ’n gepaste teks lees. Wys dan vir hom ’n paragraaf wat oor die onderwerp handel en bespreek dit kortliks saam indien moontlik.
Jy kan die inleidende bladsye gebruik om belangstelling te wek en dan vir die huisbewoner wys waar die boek die Bybel se antwoord gee. Jy kan byvoorbeeld verwys na ’n tragedie wat onlangs plaasgevind het en verduidelik dat baie mense antwoorde soek op die vrae op bladsy 3. Of jy kan sê dat jy mense besoek om hulle iets positiefs oor die toekoms te vertel. Wys dan vir die huisbewoner die prente op bladsy 4-5 en vra: “Watter van hierdie beloftes sou jy graag vervul wou sien?” Of jy kan sê dat jy mense kortliks besoek om hulle te help om antwoorde op die belangrikste vrae in die lewe te vind. Wys dan vir die huisbewoner die vrae onderaan bladsy 6, en vra hom in watter een hy die meeste belangstel.
Gebruik die direkte benadering om ’n Bybelstudie te begin. Jy kan sê: “Ons wys hierdie Bybelstudiehulp vir mense. Het jy dit al gesien? [Wag vir ’n antwoord.] As jy ’n paar minute het, sal ek graag vir jou wil wys hoe jy dit saam met jou eie Bybel kan gebruik.”

Wenk vir die maand:

Hou oefensessies gedurende gesinsaanbidding.
Wanneer jy in die bediening is, kan jy vir ander verkondigers vertel wat jy beplan om te sê (Spr. 27:17). Kies ’n ander aanbieding as die een wat jy gebruik, nie doeltreffend is nie.