Verbeter jou vaardighede in die bediening—Help Bybelstudente om goeie studiegewoontes aan te kweek

Waarom dit belangrik is: Om tot geestelike volwassenheid te groei moet Bybelstudente hulle verstand en hart voed met meer as die basiese leringe van God se Woord (Heb. 5:12–6:1). Om te studeer is harde werk. Dit sluit in dat ons nadink oor hoe nuwe inligting verband hou met wat ons reeds weet en hoe ons dit prakties kan toepas (Spr. 2:1-6). As studente leer hoe om hulle eie navorsing te doen, sal dit hulle in staat stel om Bybelvrae met behulp van ons Christelike publikasies te beantwoord. Hulle ywerige inspanning om toe te pas wat hulle leer, sal hulle in staat stel om beproewinge te verduur wat hulle as Christene sal teëkom.—Luk. 6:47, 48.

Hoe om dit te doen:

Beklemtoon hoe belangrik dit is om voor elke studiesessie tot Jehovah vir hulp te bid.—Joh. 14:26; 1 Kor. 2:10.
Spoor jou student van die begin af aan om vir sy Bybelstudie voor te berei. Wys vir hom jou studiepublikasie en leer hom hoe om slegs sleutelwoorde of -frases te onderstreep.
Moedig jou student aan om die vrae in sy eie woorde te beantwoord. Moenie die studie ’n vervelige vraag-en-antwoord-sessie maak waar die student eenvoudig die antwoorde direk uit die boek lees nie.
Spoor jou student aan om elke dag ’n deel van God se Woord te lees. Wys vir hom die Bybelleesrooster op jw.org/af, wat ’n praktiese manier uiteensit waarop hy dit kan doen. Dit sal vasbeslotenheid verg om die gewoonte aan te kweek om die Bybel elke dag te lees, maar dit sal die moeite werd wees.—Ps. 1:2, 3.
Wys vir jou student hoe hy antwoorde op Bybelvrae kan vind deur die Watchtower Library of Wagtoring—AANLYN BIBLIOTEEK te gebruik. Help hom om die afkortings vir die publikasies te identifiseer wat gereeld by gemeentelike vergaderinge gebruik word.

Wenk vir die maand:

Vra jou Bybelstudent aan die einde van ’n onderhofie of ’n hoofstuk om in ’n paar sinne op te som wat hy so pas geleer het. As jy nie ’n student het nie, kan jy oefen om ’n Bybelgedeelte of ’n paragraaf uit Die Wagtoring in ’n paar sinne op te som om jou eie leesbegrip te verbeter.