WAT BETEKEN KERKLIDMAATSKAP?

“Daar is nog baie geloof en deelname”, sê ’n navorser aan die Hartford Seminary Foundation oor die resultate van ’n opname wat in Boston en omstreke, Massachusetts, gedoen is. Negentig persent van die mense met wie daar onderhoude gevoer is, het gesê dat hulle aan God glo en meer as 90 persent het gesê dat hulle aan ’n kerk behoort.

Maar Boston se “Globe”, wat die opname geborg het, sê dat “georganiseerde godsdiens skynbaar min invloed op indiwidue het”. Waarom? Slegs 5 persent van die bevolking het gesê dat hulle na ’n geestelike sou gaan vir raad wanneer hulle “in ernstige moeilikheid” is, en slegs 7 persent van kerklidmate het gesê dat hulle dit sou doen.

Die opname toon ook dat “’n groot meerderheid kerklidmate nie die Bybel lees nie, nie tydens maaltye bid nie en nie gereeld dienste bywoon nie”. Onder voorgewende Katolieke lees slegs 11 persent die Bybel redelik gereeld en gebruik slegs 8 persent dit as ’n rigsnoer. Vir Protestante is die ooreenstemmende syfers 23 persent en 15 persent.

Die Bybel het voorspel dat daar ’n tyd sou kom wanneer mense “’n gedaante van godsaligheid” sou hê maar die “krag daarvan verloën”. Dit is die apostel Paulus se beskrywing van die meerderheid verklaarde Christene gedurende “die laaste dae” (2 Tim. 3:15). Kan jy die skrif aan die muur sien?