Die vervulling van God se woord is seker

Jehovah God het vir Abraham gesê: “Wat Ismael aangaan, het Ek jou verhoor. Kyk, Ek seën hom en maak hom vrugbaar en vermeerder hom buitengewoon. Twaalf vorste sal hy verwek, en Ek sal hom ’n groot nasie maak” (Gen. 17:20). Abraham se seun Ismael was toe omtrent 13 jaar oud (Gen. 16:16; 17:1). Geen mens kon voorspel dat hierdie ongetroude knaap die vader van 12 vorste sou word nie. Maar die alwyse Skepper het. Twee geskiedkundige bronne bewaar die vervulling van die goddelike openbaring en meld die volgende twaalf vorste: Nebajot, Kedar, Adbeël, Mibsam, Misma, Duma, Massa, Hadad, Tema, Jetur, Nafis en Kedma (Gen. 25:13-15; 1 Kron. 1:29-31). Hoe kragtig lig dit tog toe dat God se profetiese woord vir seker vervul word!