Ber Ifuonjere Gima Mako Kwoŋ Were

Ka imito bedo mere pa Were iripo fuonjere gima mako kwoŋ go. Merin perin joŋeyo nyingin kendo jooro? Were mito ni iŋeyi nyinge kendo ior. Nyingi Were a Jehova. (Zabuli 83:18 NW; Matayo 6:9) Iripo fuonjere gima go mito kodi gima go kimiti. Ber iŋeyi merin pere kodi jokwor pere. Ŋeyo dhano tero hongo ma romo. Baibul wacho ni ber walimi hongo ma fuonjirok gima mako kwoŋ Jehova.​—Joefeso 5:15, 16.

Merin pa Were jotimo gima sangala go. Par kwoŋ merin perin. Ka itimo ri jo gimarach, iparo ni jomedere bedo merin perin? Be! I royo achiel, ka imito bedo mere pa Were, iripo timo gima sangala go.​—Yohana 4:24.

Nitye din achiel kende ma nyalo lokin mere pa Were. Yesu, mobedo mere pa Were ma loyo, oluwo kwoŋ royo aryo. Royo achiel lach aka opoŋ’iye ji. Royo no tero jo i reyirok. Royo man diny aka n’iye ji manok. Royo no tero jo i kwo makirum. Meno nyutho ni ka imito bedo mere pa Were, iripo fuonjere nger motire ma lamo go.​—Matayo 7:13, 14.