Were A Mere Ma Loyo Merin Jye

Ongoye gima loyo bedo mere pa Were. Were bino fuonjin nger ma limo kisangala kodi syem. Go lebothin fuonji matwodo kanyachiel kodi kula marecho. Were bino winjo kwayo perin. Kendo wokonyin limo syem. (1 Yohana 5:14; Jofilipi 4:7) Were bino konyin i teko. (Joebulaniya 13:6) Were bino miyin mich ma kwo makirum.​—Joroma 6:23.

Ka ichore chiegin gi Were, ilebedo mere pa joma jomaro go. Jobende jobino bedo merin perin. Adyeri, jobino bedo wutimerin gi nyimerin. Jobino winjo maber konyin fuonjirok gima mako kwoŋ Were aka jobino medin men.

Wakirom gi Were. Paka imito bedo mere pa Were, nitye gima dwoŋ swa m’iripo ŋeyo. Bedo mere pa Were ki chale kodi bedo mere gi muworo perin. Were dwoŋ swa loyo wan, ryek, aka ni gi men moasere. Go amaripo dhumo wan. Ri ameno ka wamito bedo mere pere, waripo winjo go kendo to watimo gima go yenyo. Timo ameno konyo wan.​—1 Yohana 5:3.