Pwonygi me Tic pi Jehovah Kare Ducu

Dong onen ka maleng ni lutit kwena manyen ma kipwonyogi con me tic ki mit kom kare ki kare, gidoko lutit kwena mucwiny. (Car 22:6; Pil 3:16) Kimiyo tam mogo kany i kom kit me konyo latin kwan me bedo ki guti maber i tic me pwony:

• Teke kiye ni latin kwanni odok latit kwena, cak pwonye woko cut. (km 8/15 1) Wek en oniang ni pire tek ni myero eket tic me pwony obed i yubbe cabit ducu. (Pil 1:10) Lok maber i kom wang ticwu. (Pil 4:8) Cuk cwinye me tic kacel ki lanen wi gurupwu ki lutit kwena mukene wek onong kony ki i dirogi.​—Car 1:5; km 10/12 6 para. 3

  

• Ka latin kwanni dong onongo batija, pe iwek cuko cwinye ki pwonye i tic me pwony, tutwalle ka en peya otyeko kwano buk me ‘Mar pa Lubanga.’​—km 12/13 7

  

• Ka itye ka tic ki latit kwena manyen, ti ki pwony mayot. I nge winyo kit ma en pwonyo kwede, mine pwoc. Miye tam ma twero konye me bedo lapwony mucwiny.​—km 5/10 7