Dongo Dirowa i Tic me Pwony—Kit me Pwonyo Jo Manyen

Gin Mumiyo Pire Tek: Lulub kor Yecu ma pud ginyen myero gupwonye me lubo “gin ducu” ma en ociko, ma i kine tye iye pwonyo lok ada bot jo mukene. (Mat. 28:19, 20) Pol pa jo manyen gupore me donyo i Cukul me Tiokraci dok oromo bedo ni gitye ka tito kwena ma pe giyubbe iye bot lupacogi nyo luremgi. Ento, ka gimedde ki dongo pwocgi pi jami ma gupwonyo dok giniang ni Jehovah mito ni jo ducu myero guwiny kwena maber-ri, gitwero tito pi mitigi me nywako i tic me pwony. (Rom. 10:13, 14) Ka dong kiye ni dano man odok latit kwena ma peya onongo batija, pwonye maber twero konye me dongo i yo me cwiny.—Luka 6:40.

Kit me Timone:

Kony latit kwena manyen me gamo bukke ma en mito pi tito kwena ki pwony. Nyutte kit ma in iyubo kwede kicaani pi tic me pwony, dok itit bote tyen lok mumiyo watero bukke mapat pat i tic me pwony.
Wuyer kacel kit me cako lok ma kiketogi i Ticwa Me Ker ci wubed ka porone tere tere. Cuk cwiny latit kwena-ni pe me kwano kit me cako lok man akwana. Wupor kit me timo man ki i buk me Ministry School pot karatac 82, ma lubbe ki jami ma timme i wang ticwu. Nwo bote ni pire tek me ruko bongo mupore dok ma rwatte ki tic me pwony.—2 Kor. 6:3, 4.
Medde ki miyo pwony kare ki kare. Nyut bot latit kwena manyen kad me wang tic, dok ipwonye kit me tic ki rekod me ot-ki-ot. Nyutte kit me gwoko rekod pa jo ma gunyuto miti. Pwonye bene kit ma myero en oti ki buk me Good News for People of All Nations ki kabedowa me Intanet me jw.org i tic me pwony. Konye wek onge kit me dongo jo ma gunyuto miti.—1 Kor. 3:6.
Di cwinyi, dok ibed ka pwoyo gin ma en timo. (Car. 25:11) Bed lanen maber. Miti ma inyuto i kome ki dong mit kom ma itye kwede pi tic me pwony twero gudo kwone pi mwaki mapol.

Tem Timo Man i Dwe-ni:

Wuti kacel ki latin kwan-ni i ot ki ot, ci itere i dok cen ka lim nyo ka kwan ki latin kwan-ni me Baibul. Ka pe itye ki latin kwan, kwa latit kwena ma tye ki ngec manok wek wuti kwede i tic me pwony.