Dongo Dirowa I Tic Me Pwony​—Cibo Guti me Dok Cen

GIN MUMIYO PIRE TEK:

Wamito ni waony pii i kodi me ada ma wapito. (1Kor 3:6) Ka wanongo ngat mo ma onyuto miti, bedo ber ka waweko lapeny ma wabigamone ka wadok. Man weko rwod ot bedo ka kuro dwogowa dok yubbewa pi dok cen ka lim doko yot. Ka warwatte kwede doki, watwero titte ni wadwogo ka gamo lapeny ma wapenyo i lim mukwongo ci wamedde.

KIT ME TIMONE:

• Ka itye ka yubbe me cito i pwony i ot ki ot, yub bene lapeny mukene ma ibigamo ka idok cen i nino mukene. Romo bedo lok ma kinyamo i buk ma watye ka terone. Nyo romo bedo lapeny ma kigamo i bukkewa ma kiyubo pi kwan, ma ibikelo ka idwogo.

• Ka itye ka dolo nyamo lokwu ki ngat ma onyuto miti, wek en onge ni itye ki miti me lok bote doki, ka dong ipeny lapeny ma iyubo con. Gam namba cimme ka twere.

• Ka iwaco bot rwod ot ni ibidwogo i cawa moni, lub lokki.—Mat 5:37.