Dongo Dirowa i Tic me Pwony—Yubo Kit me Cako Lok
Gin Mumiyo Pire Tek: Ka kit me cako lokwa pe otugo cwiny rwod ot, ci en twero ngolo lokwa woko ma peya wamiyo caden. Pi man, lutit kwena mapol gineno kit me cako lokgi calo gin ma pire tek loyo ka gitye ka pwony. Kadi bed kinyuto kit me cako lok i Ticwa Me Ker ki buk me Reasoning, ento pe kiketo kit me cako lok ducu, wek wabed agonya me tic ki diro ma watye kwede. Kadi bed kimiyo kit me cako lok moni, lutit kwena giromo lokone nyo yubone i yo mapat. Pi meno, wabinongo adwogi maber ka wayubo kit ma wacako kwede lok, ma ka waco mere gin mo keken ma obino i wiwa i cawa ma rwod ot oyabo doggola.—Car. 15:28.
Tem Tic ki Diro Man i Dwe-ni:
I kare me worowu pi jo me ot, wuti ki cawa mo me yubo ki poro kit me cako lok.
Ka itye i tic me pwony, nyam ki lutit kwena mukene kit me cako lok ma imito tic kwede. (Car. 27:17) Iromo loko kit me cako lok-ki ka ce pe gudo cwiny dano.