Pwony me 4

Kit ma Itwero Pwonyo Kwede lok i kom Lubanga

Itwero pwonyo lok i kom Jehovah ka i kwano Baibul. Yam con Lubanga okwanyo dano mogo me coyo piny tam-me. Coc magi aye kilwongo ni Baibul. Ikom kare ni wapwonyo lok i kom Lubanga ka wakwano Baibul. Pien lok nyo kwena pa Jehovah tye i Baibul. Pi meno kilwongo Baibul bene ni lok pa Lubanga. Watwero yee ngo ma Baibul waco pien Jehovah pe loko goba. “Lubanga pe twero bwolo . . . dano.” (Jo Ibru 6:18) Lok pa Lubanga tye ki lok ada.​—Jon 17:17.

Baibul aye mic acel me wel ma malo ma Lubanga omiyo botwa. Obedo calo waraga ma wego ma lamar ocwalo bot litinone. Titiwa cikke pa Lubanga me loko lobo me doko kabedo mamwonya mada me kwo pa dano​—paradic. Titiwa ngo ma en otimo ikare mukato, ngo ma en tye katimo ne komkare ni ki ngo ma en bitimone i anyim pi litinone ma lugen. Dok bene konyo wa me cobo pekowa ki me nongo yom cwiny.​—2 Temceo 3:16, 17.

Lucaden pa Jehovah aye lurem Lubanga; gin bikonyi niang ngo ma Baibul pwonyo. Wacigi ni imito kwano Baibul. Gin pe penyo cente pire. (Matayo 10:8) Medo i kom meno, itwero wot i cokke pa Lukricitayo. Man bedo i kabedo me woro ma kilwongo ni Ot me Ker. Ka iwoto i cokke pa Lukricitayo, ngec-ci i kom Lubanga bidongo.

Itwero pwonyo lok i kom Lubanga ki i jami ma en ocweyo. Me labol-le Baibul wacci: “Lubanga oketo polo ki lobo.” (Acakki 1:1) I kare ma Jehovah ocweyo “polo” en oyubo ceng. Dong man titti-wa ngo i kom Lubanga? Titiwa ni Jehovah tye ki teko madit. En kene aye twero yubo gin matek calo ceng. Dok bene titiwa ni Jehovah ryek, kit ma ryeko mitte me yubo ceng ma miyo lyeto ki dero, dok pe wang doko buru.

Cwec pa Jehovah nyuto ni en maro wa. Tam kong i kom nyig yadi ma pat pat ma tye i wii lobo. Jehovah onongo otwero miniwa nyig yat acel keken​—nyo pe kadi wa acel mo. Ento, Jehovah omiyo botwa kit wit nyig yadi mapol ma komgi, ditgi, rangigi wa mitgi bene pat pat. Man nyuto ni Jehovah pe Lubanga ma lamar keken ento bene cinge yot dok latam matut ki lakica.​—Jabuli 104:24.