Kwany Kare me Ngeyo Lubanga

Kwoni biyubbe bedo maber ka ikwanyo kare me pwonyo lok i kom Lubanga ki dong me doko lareme. Ka itimo kit meno, nongo itye ka cobo mitini me cwiny. Tam kong i kom gin ma Yecu opwonyo madok i kom lok man.

Gin ma Yecu owaco

“Jo ma gingeyo ni gimito tira pa Lubanga gitye ki yomcwiny.”—Matayo 5:3.

• Wan ducu wamito ngeyo lagam pi lapeny mogo calo: Tyen lok me kwo obedo gin ango? Pingo dano mapol gitye ka deno can? Gin ango ma timme i kom ngat ma oto? Mitte ni wanong lagam pi lapeny magi wek wabed ki yomcwiny.

“Dano pe kwo ki ginacama keken, ento dano kwo ki lok ducu ma a ki i dog Jehovah.a”—Matayo 4:4.

• Kit macalo mitte ni wacam cam me kom, mitte bene ni wanong cam me cwiny. Yecu owaco ka maleng ni omyero wajenge i kom Lubanga kare ducu me cobo mitiwa me cwiny.

“Lokki en ada.”—Jon 17:17.

• Yecu opwonyo ni yo ma pire tek loyo ma Lubanga cobo kwede mitiwa me cwiny aye ki Lokke, Baibul.

Wacuko cwinyi me nongo yomcwiny me ada kun ikwanyo kare me ngeyo Lubanga ki dong me cobo mitini me cwiny. Jami magi twero konyi:

• Kwan Baibul me nono.

• Peny wek ngat mo okwan Baibul kwedi me nono.