Dongo Dirowa I Tic Me Pwony​—Miyo Caden Kun Watiyo ki Cim

PINGO PIRE TEK: Tic ki cim me miyo caden obedo yo ma pire tek adada me “tito lok me kwena maber” kore ki kore. (Tic 20:24)a Konyowa me miyo caden bot jo ma pe watwero o botgi wan kikomwa.

KIT ME TIMONE:

• 

  Yubbe maber. Yer pwony ma rwatte. Ci co piny gin ma ibilok iye. Itwero bene coyo lok mogo macego cego ma tito pingo igoyo cim pien i kine mukene pe kigamo cim dok nongo mitte ni iwek lok macek ma en binongo ka oyabo cimme. Pire tek ni ibed i wi kom dok iket coc ma icoyo ki jami ma ibitic kwede i wi meja, me labolle, cim nyo tabulet ka ibitiyo ki JW Laibrari^® nyo jw.org^®

• 

  Bed agonya. Lok kit ma iloko kwede jwi. Bwuny dok ti ki cingi kacel ki wangi calo ngat meno tye ka neni. Pe ibed ka ling atata. Bedo ber ka itiyo ki lutit kwena mukene. Ka ngat ma itye ka lok kwede-ni openyo lapeny, nwo lapenye ki dwan malongo wek latit kwena lawoti okonyi me yenyo lagamme

• 

  Cib te guti pi lim mukene. Ka ngat meno onyuto miti, wek lapeny mukene ma ibigamo ka dok igoyo cim lacen. Itwero kwanyo kare me cwale mecej nyo e-mail, tere ginakwana mo in kikomi nyo wek ngat mukene ocwale. Itwero cwale bene vidio nyo pwony mo ma nonge i bukkewa calo mecej nyo i e-mail. Ka pore, nyutte gin mo ki i kabedowa me Intanet.