Lanyut me Cwak pa Jehovah

8:6-9, 12; 9:1-5, 23, 24

Jehovah ocwalo mac ci owango gitum awanga mukwongo ma Aron otyero macalo lalamdog manyen. Man onyuto cwak ki laa pa Jehovah i kom yub man. Pi meno, Jehovah ocuko cwiny Luicrael ma guneno gin mutimme-ni me cwako tic pa lulamdog magi. I kare-ni, Jehovah tye ka tic ki Yecu Kricito macalo Lalamdog Madit. (Ibru 9:11, 12) I 1919, Yecu ocimo gurup pa co mogo manok ma kiwirogi me bedo “lagwok ot ma lagen dok maryek.” (Mat 24:45) Gin ango ma nyuto ni lagwok ot ma lagen tye ki cwak kacel ki mot pa Jehovah?

• Kadi bed kitye ka uno jo pa Jehovah, lagwok ot ma lagen pud tye ka medde ki miyo cam me cwiny

• Kit ma kitito kwede con, pud watye ka tito lok me kwena maber “i wi lobo ducu.”​—Mat 24:14

Watwero miyo cwakwa bot lagwok ot ma lagen nining?