KWOWA MACALO LUKRICITAYO
Ti ki Kwoni me Pako Jehovah!
Kwo obedo mic ma pire tek. Kit ma watiyo kwede ki mic man nino ducu nyuto ka watye ki pwoc pire. Macalo Lucaden pa Jehovah, watute me tic ki dirowa kacel ki tekowa me miyo deyo ki woro bot Jehovah, ma en Lami-kwo. (Jab 36:9; Yabo 4:11) Ento, paro lok me kwo i lobo man marac-ci twero diyo lok me cwiny woko. (Mar 4:18, 19) Wan ducu ki acel acel myero wapenye ni: ‘An mono atye ka miyo gin maber loyo ma atye kwede bot Jehovah? (Koc 14:2) Dog ticca mono gudo ticca pi Jehovah nining? Yub me cwiny ango ma atye kwede? Atwero medo ticca pi Jehovah nining?’ Ka ineno ka mo ma mito ayuba, leg bot Jehovah wek okonyi me loko yo me kwoni. Labongo akalakala mo, pako Jehovah nino ducu kelo yengo ki kwo me yomcwiny!—Jab 61:8.
In itiyo ki dironi pi anga?
NEN VIDIO MA WIYE TYE NI TI KI DIRONI PI JEHOVAH, CI I NGEYE WUGAM LAPENY MAGI:
Pingo pe obedo me ryeko me tic ki dironi i lobo pa Catan? (1Jon 2:17)
Mot ango ma tye pi jo ma gimiyo gin maber loyo ma gitye kwede bot Jehovah?
Yo mapatpat ango ma itwero tic kwede ki ryekoni nyo dironi pi Lubanga?