Wun Jo Matino​—Tika Jehovah Aye Laremwu Macok Loyo?

Kit mabeco mene ma imito ni laremi obed kwede? Gwok nyo imito ni obed ngat ma genne, ma lakica dok ma cinge yot. Jehovah tye ki kit magi ducu. (Nia 34:6; Tic 14:17) En winyi ka ilege. En mini kony i kare ma mitte. (Jab 18:19, 35) Dok timmi kica pi balli. (1Jon 1:9) Jehovah pud dong larem maber ya!

Itwero doko larem Jehovah nining? Pwony lok i kome ki i Baibul. Titte lok ma i cwinyi. (Jab 62:8; 142:2) Wek pi jami ma pire tek bot Jehovah obed tek boti bene. Me labolle, Wode, Kerre, ki dong cikkene pi anyim. Tit lok i kom Jehovah bot jo mukene. (Nwo 32:3) Ka idongo wat macok ki Jehovah, ci en bibedo Laremi pi naka.​—Jab 73:25, 26, 28.

NEN VIDIO MA WIYE TYE NI BULU​—‘WUTEM WEK WUNEN NI JEHOVAH BER,’ CI GAM LAPENY MAGI:

• 

  Itwero yubbe nining wek ibed ma ipore pi dyere ki nongo batija?

• 

  Jo mukene ma i kacokke gitwero konyi me tic pi Jehovah nining?

• 

  Tic me pwony twero jingo watti ki Jehovah nining?

• 

  Tic ango ma itwero timone i dul pa Jehovah?

• Gin ango ma imaro i kom Jehovah?