Kit me Cako Lok

Me Cako Kwano Baibul ki Dano i Ceng Abicel Mukwongo i Juni

“Cok cok dano ducu ma waloko kwedgi gimito kuc i lobo-ni. Ento, lweny pud tye i kabedo mapol. In mono itamo ni ngo mumiyo kelo kuc i lobo-ni tek tutwal?” Mine kare wek ogam. Nyut pwony ma tye i pok nge Wi Lubele me Juni 1, ci wunyam kacel lok ma tye i te lapeny mukwongo dok wukwan ginacoya acel ma kiketo kenyo. Mi magajin bot rwod ot, ka dong wuyub nino ma ibidok iye ka gamo lapeny ma lubo meno. Ka Wi Lubele me Juni 1 pud pe, wuti ki Wi Lubele manyen loyo i kacokkewu ki Ticwa Me Ker ma omiyo tam i kom kit me nyuto magajin meno.

Nge ni: Kit me cako lok man omyero kinyut i cokke me cito ka pwony ma bibedo i Juni 1.

Wi Lubele Juni 1

“Watye ka limo jiraniwa me lok i kom peko mo ma gudo wan ducu. Pol pa dano dong gukemme ki cac nyo apokapoka i kare mogo i kwogi. Tika itamo ni tye ka mo i lobo-ni ma cac nyo apokapoka pe iye? [Mine kare wek ogam.] Nen kong kit ma Lubanga tero kwede dano ducu. [Kwan Tic pa Lukwena 10:34.] Magajin man nyamo kit ma Lubanga bikwanyo kwede apokapoka matwal.”

Awake! Juni

“Wamito niang tammi i kom gin mo. Miti pa dano ducu tye me nongo kwo maber. Itamo ni watwero nongo kwo maber ka wawilo jami mapol? [Mine kare wek ogam.] Nen kong lok me ryeko ma Yecu owaco kany. [Kwan Luka 12:15.] Magajin man nyuto kit ma watwero bedo ki neno mupore i kom jami dok miyo tam ma konyowa me tic ki cente maber ma pe wawilo jami ata.”