Kit me Cako Lok

Me Cako Kwano Baibul ki Dano i Ceng Abicel Mukwongo i Juni

Kwan Icaya 42:8. Ci iwacci: “Ma lubbe ki tyeng man Lubanga tye ki nyinge. Mono itamo ni pire tek me tic ki nying Lubanga? [Mine kare wek ogam.] Nen kong gin ma kicoyo kany.” Mi bot rwod ot Watchtower me Juni 1, ci wunyam kacel pwony ma tye i te wi lok mukwongo i pot karatac 16. Mi bote magajin ci wuyub nino ma ibidok iye ka gamo lapeny ma lubo meno.

The Watchtower Juni 1

“Amito penyo tammi i kom lok mo ma pire tek adada. [Yab pot karatac me 3, ci inyutte jami ma kiryeyo iye.] Tam mene i kin ma kiryeyo kany ma rwatte ki tammi i kom Baibul? [Mine kare wek ogam.] Nen kong gin ma Baibul waco i kom lok ma tye iye. [Kwan Jo Roma 15:4.] Magajin man nyamo tyen lok abic mumiyo Baibul obedo buk ma kite dok pat, ki kit ma watwero nongo kony ki iye.”

Awake! Juni

“Mwaka ki mwaka dano milion mapol i twok lobo-ni gitwo pi camo cam macilo. In itamo ni cam ma i kabedowu tika tye leng? [Mine kare wek ogam.] Magajin man nyamo yo angwen ma watwero gwoko kwede jo me paciwa ki camo cam ma kelo two. Nyamo bene cikke me Baibul ni cokcok-ki dano ducu bibedo ki cam muromo dok maber me acama.” Kwan Jabuli 104:14, 15.