Kit me Cako Lok

Me Cako Kwano Baibul ki Dano i Ceng Abicel Mukwongo me Juni

“Watye ka limo dano pi cawa manok kun wanyamo lapeny man ma tugo miti.” [Nyut lapeny mukwongo ma tye i nge Wi Lubele me Juni 1.] In itamo ningo i kom lapeny man?” Mine kare wek ogam. Wunyam kacel lok ma tye i te lapeny mukwongo ki ginacoya acel ma kiketo kenyo. Miye magajin meno, ci wuyub awene ma ibidok iye ka nyamo lapeny ma lubo.

Wi Lubele Juni 1

“Mato taa neko cokcok dano 6,000,000 mwaka ki mwaka. In mono itamo ni kitwero juko tim man nining? [Mine kare wek ogam.] Dong kikonyo jo mapol me juko mato taa pien guniang tam pa Lubanga i kom tim meno. Me labolle, Ginacoya man omiyo jo mogo gutamo kit ma mato taa keto kwo pa jo mukene ka mading. [Kwan 1 Jo Korint 10:24.] Magajin man tito kit ma lwodo tam pa Lubanga i kom mato taa twero tugo miti pa ngat moni me juko matone.”

Awake! Juni

“Ka nywako lok ki lurem i Intanet dong oweko dano twero mako lurem mapol loyo i kare mukato angec. In itamo ni larem me ada myero obed ki kit maber mene mukwongo? [Mine kare wek ogam.] Nen kong labol acel i Baibul ma miyo tam maber i kom mako lirem. [Kwan Yakobo 1:19.] Magajin man tito pwony angwen ma twero weko wabedo ki kit mabeco ma ywayo dano me bedo luremwa.”