Yub Me Cokke Me Ticwa

Cabit ma Cakke i Agucito 11

Wer 3

Dak. 10: Lok angeya ma botwa kany. Peny lwak wek gutit pwony mene ma nonge i magajin ma tye ma gunongo ni gudo cwiny dano ma gikwo i wang ticwu. Wek gutit lok mene ma tye i pwony moni-ni ma nongo gitye ki pulan me tic kwede. Lapeny ango ma kitwero tic kwede me cako lok? Kiromo kwano ginacoya mene i pwony moni-ni? Wek kimi lapor mogo ma nyutu kit ma kiromo tic kwede ki tam ma lwak gumiyo-ni.

Dak. 15: Tim Miti pa Lubanga—Labongo Wiro Tammi ka Mukene. Pwony ma jenge i buk me “Come Be My Follower,” (‘Bin Ibed Lalub Kora’) i pot karatac 93-94, paragraf 12-13.

Dak. 20: “Tika Itye ka Tic Kwede Maber?”a Peny latit kwena mo acel ma otiyo dong ki pwony mo acel i kin pwony ma tye i Watchtower ma kiyubo pi lwak-ki. Kiromo poro gin mutimme-ni. Dok bene ma lubbe ki paragraf me 2, wek kinyut lapor mo ma nyutu kit ma kiromo cako kwede kwan ki dano kun nongo kitiyo ki pwony ma wiye tye ni “Pwony ma Wanongo ki bot Yecu” ma nonge i Watchtower me Agucito 1 nyo Watchtower mo ma pud okati cokcok-ki.

Wer 25

Cabit ma Cakke i Agucito 18

Wer 5

Dak. 10: Lok angeya ma botwa kany. Lok Angeya ma kiyero ki i Ticwa Me Ker. Nyam lok ma wiye tye ni “Yub Manyen me Gure me Adwol.” Tit nino dwe ma gure man bibedo iye ka dong kinyutu ninone. Po wi lwak me bino ki Watchtower me Agucito 1 ki Awake! me Agucito i Yub me Cokkewa ma bibedo i cabit ma bino dok gubin ma guyubbe pi nyamo kit ma kitwero tic kwede ki magajin magi i wang ticwu.

Dak. 20: Rukwa ki Kit ma Wanen Kwede Kelo Deyo i kom Jehovah. Pwony man laelda aye myero omi. Pien Jehovah obedo Lubanga maleng, lengo me kom obedo gin acel ma pire tek bot jone. (Nia 30:17-21; 40:30-32) Ka warukke kun wanen maber, tutwalle ka watye i tic me pwony, ci yomo cwiny Jehovah dok keto deyo i kome. (1 Pet. 2:12) Ki tungcel, ka pe wabedo leng ci wamiyo ‘giyeto lok pa Lubanga.’ (Tito 2:5) Tit gin mo mutimme i wang ticwu nyo ma kicoyo i bukkewa ma nyutu kit ma nen maber pa latit kwena mo omiyo caden.

Dak. 15: Bulu ma Gimiyo Caden Magwa. Pwony ma cuko cwiny lunyodo kacel ki lutinogi ma dong gicok dok i cukul. Po wi jo matino me tic ki kare mo keken ma onen me miyo caden. Ka cawa ye, peny lwak wek gutit kit ma gin gumiyo kwede caden i kare ma gitye i cukul.

Wer 27

Cabit ma Cakke i Agucito 25

Wer 7

Dak. 15: Lok angeya ma botwa kany. Kwan lok i kom lim ka dok imi pwoc pi mot ma kibolo. Nyam lok ma wiye tye ni “Yub Manyen me Gure me Nino Acel,” dok itit nino dwe ma gure man bibedo iye ka dong kinyutu ninone.

Dak. 15: Kop ma mako kacokkewa.

Dak. 15: Yubbe me Tero Watchtower me Agucito 1 ki Awake! me Agucito. Nyamo lok kacel ki lwak. Lok macek cek i kom magajin magi, ci ipeny lwak wek gutit pwony mene ma gitamo ni romo gudo cwiny dano ma gikwo i wang ticwu. Lapeny kacel ki ginacoya mene ma kiromo tic kwede me cako lok? Wek kinyut lapor ma nyutu kit ma kiromo tic kwede ki tam ma kimiyo i Ticwa Me Ker. Wek laelda mo acel onyut lapor mo macek ma en oyubo ma jenge i kom pwony ma rwatte ki kwo me wang ticwu.

Wer 18

Cabit ma Cakke i Sektemba 1

Wer 16

Dak. 10: Lok angeya ma botwa kany. Po wi lutit kwena me miyo ripotgi me Agucito. Lok Angeya me Tiokraci

Dak. 20: Kadi Bed Gitye Kengi Ento Wic pe Owil i Komgi. Pwony man jenge i Watchtower, me April 15, 2008, pot karatac 25-28. Lok i kom Lukricitayo mogo ma gitye i kacokke ma gibedo i gangi ma kigwoko iye jo muteggi. Ka peke, ci ti ki pwony man me cuko cwiny kacokke pi konyo jo ma goro wek gin bene guti kacel ki kacokke.

Dak. 15: Cak Kwano Baibul ki Dano i Acakki me Rwattewu i Dwe me Sektemba. Nyamo lok kacel ki lwak. I dwe me Sektemba wabitero buk me Baibul Pwonyo, dong tute matek me nyamo paragraf mogo wun ki rwod ot i acakki me rwattewu. Ti ki tam ma kimiyo i Ticwa Me Ker me Januari 2006, pot karatac ma kiluto i iye, ka dong iwek kinyut lapor acel nyo aryo i kit me cako kwano Baibul ki dano i acakki me rwatte.

Wer 8

[Footnote]