Gamo Lapeny me Cukul me Tiokraci

Lapeny magi gibinyamogi i Cukul me Tiokraci i cabit ma cakke i Agucito 28, mwaka 2006. Lador wi cukul bitelo lwak pi dakika 30 i gamo lapeny ma cung i kom gin ma kipwonyogi cakke i cabit me Julai 3 o kwede wa i cabit me Agucito 28 mwaka 2006. [Nge lok man: Omyero iyeny lagam me lapeny ma pe kicimo ka ma myero icit iye pi lagam, in kikomi.—Nen i buk me Ministry School, pot 36-7.]

DIRO ME LOK

1. Neno wang dano konyowa me doko lupwonye mabeco nining? (Mat. 19:25, 26; Tic 14:9, 10) [be pot 124 para. 3–pot 125 para. 3]

2. Pingo loko lok i kit ma waloko kwede con pire tek, dok ngo ma twero konyowa me lok kit meno ka watye i ticwa me pwony? [be pot 128 para. 1-5, ki bok]

3. Pingo omyero waket cwinywa i lengo me kom? [be pot 131 para. 1-3]

4. ‘Kit me mwolo kacel ki bedo ki wic makwiri’ omyero ogud kit ma warukke nyo wayubo kwede komwa nining? (1 Tem. 2:9) [be pot 131 para. 4–pot 132 para. 1]

5. Cik mene me Baibul ma omyero wati kwede wek kit ma wanen kwede pe onyut miti me maro lobo? [be pot 133 para. 2-3]

PWONY ME 1

6. Adwogi maber ango ma bino pi ngeyo kwano kwan? [be pot 21 para. 3]

7. Ngo ma nyuto ni ngat moni ryek nyo laming? (Car. 14:2) [w04 11/15 pot 26 para. 5]

8. Pingo ‘ngec obedo gin ma yot bot ngat ma tye ki niango’? (Car. 14:6) [w04 11/15 pot 28 para. 4-5]

9. Kwan i yo matut obedo ngo? [be pot 27 para. 3]

10. Lwodo lok i kom cwec pa Jehovah myero ogud cwinywa nining? [w04 11/15 pot 8 para. 4]

KWANO BAIBUL CABIT KI CABIT

11. I kare macon, Jehovah “omiyo cik” ma adwogine obedo lwak mony pa ‘mon mapol ma gitye ka tito lok me kwena maber’ nining, dok lok man kiromo tic kwede i kare-ni nining? (Jab. 68:11)

12. Gin ango ma oweko Acap onongo dong cok ki weko timo gin ma atir, ento ngo ma okonye me loko tamme? (Jab. 73:2, 3, 17)

13. Pingo manna ma yam kimiyo bot jo Icrael-li kilwongo ni “kal mua ki i polo” dok ni “kwon ma lumalaika gicamo”? (Jab. 78:24, 25)

14. “Kakanne pa En Mamalo Twal” obedo gin ango, dok wan waromo ‘bedo’ iye nining? (Jab. 91:1, 2)

15. I yo ango ma to pa ngat ma lagen bot Jehovah obedo gin ma pire tek i wange? (Jab. 116:15)