Yub Me Cokke Me Ticwa

Cabit ma Cakke i Nino Dwe 12 Dwe me Abongwen

Wer 29

Dak. 10: Lok angeya ma botwa kany. Lok Angeya ma kiyero ki i Ticwa Me Ker. Ti ki tam ma kimiyo i pot karatac 8 (ka rwatte ki kwo me wang ticwu) me poro kit me miyo Watchtower me nino dwe 15 me Dwe me Aboro ki Awake! me nino dwe 22 me Dwe me Aboro. Kit me nyuto magajin i yo mukene maber bene kitwero tic kwede. Wek laelda acel onyut lapor acel ka dok latit kwena ma obedo bulu onyut acel. Inge lapor magi, lok wiye wiye i kom jami ma mabeco ma kitimo i lapor magi.

Dak. 20: “Ti ki Kare ma Itye Kwede i Yo Maber.”a Wek dano gulok i kom kit ma giromo keto kwede yub me kwano Baibul nino ki nino. Cuk cwiny jo me odi ki jo ducu me tic ki Ticwa Me Ker me Dwe me Abic mwaka 2005 i pot karatac ma kiluto i iye-ni pi keto yub ma dok i kom lok me cwiny.

Dak. 15: “Kwano Baibul ki Lutino Kwan i Yo ma Weko Gidongo.”b Nyamo lok kacel ki lwak ma jenge i but lok me 1 ki me 2 i pot karatac ma kiluto i iye-ni. Nen bene Our Kingdom Ministry me Dwe me Aboro mwaka 2004 i pot karatac 1. Pingo pire tek mada me yubbe maber teke ibikwano Baibul ki dano? Man kwako ngo? Wek dano gutit kit ma gutiyo kwede ki tam ma kimiyogi i Ticwa Me Ker. Twe tere ki lok i kom jami ma tye i bok ma kiketo ki malo tung acuc i pot karatac ma kiluto i iye-ni.

Wer 110 ki lega me agikki.

Cabit ma Cakke i Nino Dwe 19 Dwe me Abongwen

Wer 168

Dak. 10: Lok angeya ma botwa kany. Lok i kom waraga ma oa ki i jang gang kal, ma tye i pot karatac me acel me Ticwa Me Ker man.

Dak. 20: Ticwa Obedo Nining i Mwaka Mukato-ni? Lanen wi tic me pwony myero olok i kom kit ma ticwa owoto kwede i mwaka ma okato-ni kun nyuto jami mabeco ma kitimo i ticwa me pwony. Cuk cwiny dano i yo ma opore. Tit jami acel nyo aryo ma ineno ni mitte me acoba i mwaka ma bino. Mi pwoc bot painia pi tic maber ma gitye ka timone. Tit bene pi adwogi mabeco ma obino pi tute me konyo jo ma mitigi onongo dong okwe woko.

Dak. 15: “Wukony Luwotu me Dongo.”c Wek dano gulok i kom adwogi mabeco ma gin gunongo pi miti ma dano oketo i komgi.

Wer 199 ki lega me agikki.

Cabit ma Cakke i Nino Dwe 26 Dwe me Abongwen

Wer 122

Dak. 10: Lok angeya ma botwa kany. Kwan lok i kom lim ka imi pwoc pi mot ma kibolo. Po wi lutit kwena me miyo ripotgi me pwony pi Dwe me Abongwen.

Dak. 15: Kop ma mako kacokkewa.

Dak. 20: Tito pi Kwena Maber kun Watiyo ki Magajin. I Dwe me Apar, wabitero Watchtower ki Awake! bot dano. I acakki me miyo lok man, ti ki tam ma kimiyo i Our Kingdom Ministry me Dwe me Aryo mwaka 2005 i pot karatac 8, paragraf 3-6: (1) Mi magajin ki aryo aryo. (2) Yub nino acel i cabit acel me nyuto magajin. (3) Yub wel magajin ma itamo ni omyero iter i dwe acel acel. (4) Ti ki kare mo keken ma onen me nyuto magajin. (5) Ter magajin macon bot dano. Ti ki tam magi i yo ma rwatte ki kwo me kabedowu. Wek kinyut lapor i kit me miyo Watchtower me nino dwe 1 Dwe me Abongwen ki Awake! me nino dwe 8 Dwe me Abongwen kun nongo kitiyo ki tam ma kimiyo i pot karatac 8 i Ticwa Me Ker me dwe man (ka rwatte ki kwo me wang ticwu). Kit me nyuto magajin i yo mukene maber bene kitwero tic kwede. Medo i kom meno, nyut lok mukene ma nongo gudo cwiny dano ma gikwo i wang ticwu, ma nongo tye i igi, ka dok inyut bene lapor acel mo ma mako en lok mukene ma nongo tye i iye-ni. Inge lapor acel acel, lok i kom jami ma pigi tego ma wapwonyo ki i lapor magi.

Wer 3 ki lega me agikki.

Cabit ma Cako Nino Dwe 3 Dwe me Apar

Wer 54

Dak. 5: Lok angeya ma botwa kany ki Lok Angeya me Tiokraci.

Dak. 20: “Kony Jo Mukene Wek ‘Gulub Pwony ki Cwinygi Ducu.’”d Ka cawa pud tye, wek lwak gulok i kom ginacoya ma kicimogi ento pe kiketo lokgi kenyo-ni.

Dak. 20: Wek Cwiny Jehovah Obed Yom. (Car. 27:11) Peny lutit kwena aryo nyo adek ma dong gutiyo pi Jehovah pi kare malac. Wek gutit gin acel nyo aryo ma okonyogi me gwoko worogi i kom Jehovah. I kin jami magi wek gulok i kom kwano Baibul, wot i kacokke kare ducu, bedo kacel ki utmego, cito ka pwonyo dano, lega, ki kwero galowang ma pe tye atir. Kit atematema ango ma gin gunongo pi bedo ki winy, dok gukato ki iye nining? Mot ango ma gin gunongo pi bedo ki winy?

Wer 170 ki lega me agikki.

[Lok ma tye piny]