PWONY ME 57
Ka Itimo Bal Mo Madit Kono?
Kadi bed ni imaro Jehovah matek dok itute pe me cwero cwinye, pud itwero timo bal i kare mogo. Ento, bal mogo dongo dok rac loyo mukene. (1 Jo Korint 6:9, 10) Ka itimo bal mo madit, wi myero opo ni Jehovah pud mari dok tye atera me konyi ki dong timmi kica.
1. Gin ango ma myero watim wek Jehovah otimiwa kica?
Jo ma gimaro Jehovah cwinygi cwer adada ka guniang ni gutimo bal mo madit. Ento ginongo kwecwiny ki i cikke pa Jehovah ma wacci: “Kadi bed dong balwu kwar ma rom mene, bidoko matar calo pee.” (Icaya 1:18) Ka wangut ki cwinywa ducu, Jehovah bene bitimiwa kica. Wanyuto ni wangut i kom balwa nining? Cwinywa cwer dok wakoko ange pi bal ma watimo, wajuko timo bal meno dok wakwayo kica ki bot Jehovah. Ci watute matek me loko tam ki kit maraco ma oweko watimo bal meno, dok watute me lubo rwom me kwo ma Jehovah mito.—Kwan Icaya 55:6, 7.
2. Jehovah tiyo ki luelda me konyowa nining ka watimo bal?
Jehovah wacciwa ni ‘myero wacit bot luelda me kacokke’ ka watimo bal madit. (Kwan Yakobo 5:14, 15.) Luelda magi gimaro Jehovah kacel ki romine. Dok kiminigi pwonnye ma mitte wek gukonywa me yubo watwa ki Jehovah.—Jo Galatia 6:1.
Luelda gikonyowa nining ka watimo bal madit? Luelda aryo nyo adek biminiwa tira kun gitiyo ki Baibul. Gibiminiwa bene tam ma twero konyowa ki dong cuko cwiny ma mitte wek pe wanwo timo bal meno. Ka ngat ma otimo bal madit pe ongut, luelda gibikwanye woko ki i kacokke, wek jo mukene pe gulub lanenne.
NONG NGEC MATUT
Dong pwocci pi kony ma Jehovah miniwa ka watimo bal madit.
3. Tuco bal konyowa me cang
Bal mo keken ma watimo cwero cwiny Jehovah, pi meno, myero watuc balwa bote. Kwan Jabuli 32:1-5, ci wunyam lapeny man:
Pingo pire tek ni watuc balwa bot Jehovah me ka temme me kanone woko?
Medo i kom tuco balwa bot Jehovah, wanongo kwecwiny ka wayenyo kony ki bot luelda. Tuk VIDIO, ci wunyam lapeny ma lubo.
I vidio ma waneno-ni, luelda gukonyo Canon nining me dwogo cen bot Jehovah?
Omyero watit lok ada bot luelda; gin gimito konyowa. Kwan Yakobo 5:16, ci wunyam lapeny man:
Tito lok ada bot luelda weko bedo yot botgi me konyowa nining?
Tuc balli, tit lok ada bot luelda, dok iye kony me mar pa Jehovah
4. Jehovah nyuto kica bot lubalo
Ka ngat ma otimo bal madit okwero lubo rwom me kwo ma Jehovah mito, kikwanye woko ki i kacokke, dok wajuko ribbe kwede. Kwan 1 Jo Korint 5:6, 11, ci wunyam lapeny man:
Kit macalo tobi mo matidi twero yenyo moko madit, ribbe ki latim bal ma pe ongut twero gudo kacokke nining?
Luelda gilubo lanen pa Jehovah me nyuto kica bot lubalo ki tute matek me konyo jo ma kikwanyogi ki i kacokke wek gudwog cen. Jo mapol gudwogo cen i kacokke, pien kadi bed ni pwod meno onongo lit, ento okonyogi me niang ni gin ma gutimo-ni onongo rac.—Jabuli 141:5.
Kit ma Jehovah tero kwede lubalo nyuto nining ni en obedo ngat ma niang, lakica, dok lamar?
5. Jehovah timiwa kica ka wangut
Yecu otiyo ki lapor ma konyowa me niang kit ma Jehovah winyo kwede ka ngat mo ma otimo bal ongut. Kwan Luka 15:1-7, ci wunyam lapeny man:
Ginacoya man pwonyi gin ango i kom Jehovah?
Kwan Ejekiel 33:11, ci wunyam lapeny man:
Gin ango ma pire tek ma myero watim me nyuto ni wangut?
Macalo lakwat, Jehovah paro pi romine adada
JO MOGO GIWACO NI: “Atye ki lworo ni ka atito balla bot luelda, ci kibikwanya woko ki i kacokke.”
Gin ango ma itwero wacone ki ngat ma winyo kit meno?
WOT WIYE WIYE
Ka watimo bal madit ento wangut ki cwinywa ducu dok wamoko tamwa pe me nwoyo timo bal meno, Jehovah bitimiwa kica.
Ngo ma ipwonyo?
Pingo pire tek me tuco balwa bot Jehovah?
Gin ango ma myero watim wek Jehovah otimiwa kica pi balwa?
Pingo myero wayeny kony ki bot luelda ka watimo bal madit?
TIM KWED
Nen kit ma Jehovah onyuto kicane bot laco mo, kit ma kicoyo kwede i Icaya 1:18.
Luelda gitute nining me konyo jo ma gutimo bal madit?
“Kit ma Luelda Ginyuto Kwede Mar ki Kica bot Lubalo” (Wi Lubele, Agucito 2024)
Nen kit ma kinyuto kwede mar ki kica bot lubalo ma peya gungut i kom balgi.
“Kit ma Luelda Gitwero Konyo Kwede Jo ma Kikwanyogi ki i Kacokke” (Wi Lubele, Agucito 2024)
I lok ma wiye tye ni “Onongo Mitte ni Adwog Cen bot Jehovah,” nen pingo laco mo ma onongo oa woko ki i ada owinyo calo Jehovah odwoke cen.