Малахиа

4 «Амцаԥшь иаҩызоу амш ааира иаҿуп, усҟан ахамаԥагьақәеи ауаа цәгьақәеи аҳаскьын ҩа иаҩызахоит. Уи амш урҭ ықәыццышәаа иҷыҷны иқәнаҵоит, — иҳәоит ар Рынцәа Иегова, — дацкгьы аанхом, махәыкгьы аанхом. 2 Сыхьӡ ҳаҭыр ақәызҵо* шәакәзар, аиашара амра шәықәыҷҷоит, уи ашәахәақәа* шәырхәышәтәуеит, иԥсылоу аҳәарақәа реиԥш атрым-трымҳәа шәыԥалоит».

3 «Сус саналаго аҽны шәара ауаа цәгьақәа шьапыла ирҟьацны асаба рылышәхуеит», — иҳәоит ар Рынцәа Иегова.

4 «Смаҵзуҩы Моисеи исҭаз азакәан шәхашәмыршҭлан, Хори́в азааигәара Израиль зегь азы исҭаз аԥҟарақәеи ақәҵарақәеи.

5 Узыршәаӡыӡо* Иегова имш ду ааиаанӡа сара шәара шәахь аԥааимбар Ильиа днасышьҭуеит. 6 Иара абацәа ргәы ахәыҷқәа ргәы иеиԥшны иҟаиҵоит, ахәыҷқәа ргәы абацәа ргәы иеиԥшны иҟаиҵоит, санаалак адгьыл цҟьашәҟьа иқәҵаны иқәсымхырц азы».

(Ауриатә-арамеитә Ҩырақәа реиҭага ара инҵәоит. Анаҩс ицоит Ақьырсиантә Бырзен Ҩырақәа реиҭага.)