Иоиль

 2 «Шәӡырҩла, ажәлар реиҳабацәа,

Шәлымҳа кыдҵаны шәӡырҩла, адгьыл иқәынхо зегьы,

Шәара шәхаан ма шәабацәа рхаан

Абри аҩыза ҟалахьазма?

 3 Шәхәыҷқәа уи атәы рзеиҭашәҳәа,

Даргьы рхәыҷқәа ирзеиҭарҳәааит,

Урҭгьы иааиуа абиԥарақәа ирзеиҭарҳәарц азы.

 4 Зыԥсы қымқымуа асаранча иацәынхаз асаранча ду иафеит,

Асаранча ду иацәынхаз асаранча ҿа иафеит,

Асаранча ҿа иацәынхаз зегь ықәрыцқьааны изфо асаранча иафеит.

Шәқьызқьызуа шәҵәыуала, ажәра бзиа избо,

Избанзар ишәжәыша аҩы уаҳа ыҟаӡам.

 7 Дара сӡахәа ықәырхит, слаҳаҵла ашьапы заҵәык аанрыжьит,

Дара урҭ цәдырҳәын, икарыжьит,

Амахәҭақәа ацәа рымамкәа иаанхеит.

 8 Уҵәыуала, аӡӷаб* аџьабарамаҭәа* лышәҵаны

Дзыццараны иҟаз* дшылҵәыуо еиԥш.

 9 Иегова иҩнаҿы кәырбанс инарго ачеи аҩи ыҟаӡам.

Аԥшьаҩцәа, Иегова имаҵзуҩцәа, гәырҩоит.

10 Амхы ҭацәит, адгьыл гәырҩоит,

Избанзар ачарыц* ыҟаӡам, ахәша нҵәеит, аҩгьы уаҳа иҟаӡам*.

11 Адгьыл иқәаарыхуа иҟарҵара рыздыруам, аӡахәааӡаҩцәа ҵәыуоит,

Избанзар ачарыци ачаԥшьи ыҟаӡам,

Амхаҿы аҽаҩра ықәӡааит.

12 Аӡахәа ҩеит,

Алаҳа канӡеит.

Амыҵмыџь, апальма, аҵәа —

Ҵлас иҟаз зегь ҩеит.

Ажәлар агәырӷьара рцәыӡит.

13 Аџьабарамаҭәа шәышәҵаны* шәџьабала*, аԥшьаҩцәа.

Шәҵәыуала, акәырбаннагарҭаҿы амаҵ зуа.

Аныҳәарҭахь шәнеи, аҵх аџьабарамаҭәа шышәшәу ишәхыжәга, Сынцәа имаҵзуҩцәа,

Избанзар Сынцәа иҩнаҿы кәырбанс инарго ачеи аҩи ыҟаӡам.

Ажәлар реиҳабацәеи ари адгьыл иқәынхо ауаа зегьи Шәынцәа Иегова иҩнаҿы еизыжәга,

Иегова ацхырааразы шәиҳәала.

Иегова имш ааигәоуп,

Уи аҽны Зегьзымчу ақәӡаара ааигоит!

16 Ҳала ишабоз ҳафатә ықәырхит,

Ҳала ишабоз Ҳанцәа иҩны агәырӷьареи аччареи ҩныӡааит.

19 Уара уахь ауп Иегова схы ахьсырхало,

Избанзар амца акаршәрақәа рҿы аҳәырҭақәа аблит,

Аҵлақәа зегь ықәнахит.

20 Агыгшәыгқәаҵәҟьагьы уцхыраара иазыԥшуп,

Избанзар аӡқәа ҭабеит,

Акаршәрақәа рҿы амца аҳәырҭақәа аблит.