Ажәамаанақәа
9 Ииашаҵәҟьоу аҟәыӷара ахазы аҩны аргылеит,
Аҩназы быжь-шьаҟак цәны иҟанаҵеит.
3 Амаҵуцәа ааргарц ауаа ашьҭит,
Ақалақь иҳараку аҭыԥқәа рҟынтә ауаа абас рыланаҳәарц:
4 «Аԥышәа змам арахь дааиааит».
Ахшыҩ змам* абас ранаҳәоит:
5 «Шәааи, сча шәфа,
Исырхааз сҩы шәжәы.
6 Шәгаӡара ааншәыжь, шәынхаларц азы,
Аҟәыӷара амҩала шәцала».
7 Ахыччаҩ дзыриашо ихы ахьымӡӷ аиргоит,
Ацәгьаҟаҵаҩ дзыбжьо ихы ауадаҩрақәа ирықәиршәоит.
8 Ахыччаҩ думыриашан, мамзар уицәымыӷхоит,
Аҟәыш дуриашар, бзиа уибалоит.
9 Аҟәыш уилабжьала, нас уи еиҳагьы дҟәышхоит,
Ауаҩ иаша адыррақәа иҭала, уи еиҳагьы идыруа дҟалоит.
10 Иегова иахь аҳаҭырқәҵара зныԥшуа ашәара аарԥшра — аҟәыӷара иалагамҭоуп,
Иԥшьаӡоу изку адыррақәа — аилкаара змоу уакәны уҟарҵоит.
11 Сара сыбзоурала умшқәа ирыцлоит,
Уԥсҭазаара ашықәсқәа еизҳауеит.
12 Уҟәышзар, аҟәыӷара уара уоуп ахәарҭа ззаанаго,
Ахыччаҩцәа уруаӡәкзар, ухаҭа уоуп уи зԥырхагахо.
13 Аԥҳәыс гаӡа лыбжьы цәгьоуп,
Леилкаара маҷуп, акгьы лыздырӡом.
14 Лара лыҩны ашә дылатәоуп,
Ақалақь иҳараку аҭыԥқәа рҿы дтәоуп,
15 Имҩасуа ирызҿылҭуеит,
Зымҩала ицо дрыԥхьоит:
16 «Аԥышәа змам арахь дааиааит».
Ахшыҩ змам* абас ранаҳәоит:
17 «Иӷьычу аӡқәа хаауп,
Маӡала ирфо ача агьама бзиоуп».